مشكلة في زواج ملقيتش حسابي

مشكلتي · 2014-12-29, 22:30

الجزائرية هاذي و الله مخرجت عليا دجي تزور و تشوف الطفله برك لازم ميتين الف = اقولك لازم دجيب حاجه في يدك = دجي تخطب لازم القش و لخواتم دجي تعقد دزيد خواتم و فاليزات و هدا كامل مزلت متعرف ادا راح تفسخ ول تكمل المهم تروح عشره ملاين كما السلام عليكم . تعمل النيه معاها و مع دارها يضربوك بعشره ملاين مهر و يزيد يتشطو عليك ذهب قيس 35 مليون متعرف ادا راح تتزوج ول تتفاوض على حاجه سرقوها بزاااف و الله بزااااف حتى متلا كما تكون تخدم و مستوى تاعك متواضع يتكبر عليك على جال بنتو مهندسه ول طبيبه لا زم واحد كيفها كشغل رايحين يتتزوجو بكونكور
راس مالي 40 مليون زوالي كيما ناس كامل كيفاش راح نتزوج سبحان الله ؟
كيفاه نعيش عملت حسابي نكري بمليون من عند صديقي و نزيد في ساعات الخدمه باه نلحق لمعيشه بصح عرفت راح ندخل في دوامه نخرج منها موسال و مهبول
تفكر باه تتزوج كشغل تفكرت باش طيش ميتين مليون على حاجه مكانش لا في دينا و لا عقيدتنا
اعطيونا الحل راح يهبلونا ؟

محمد جديدي التبسي · 2014-12-30, 10:33

لو تفكر في الماديات ما تتزوجش
هذا هو واقعنا للأسف
انت حاول تكون عندك شخصية وما تضيعش دراهمك في تفاهات
تفاهم مع ولي الفتاة وقولو على اللي تقدر عليه وربي يسهل
ما تكلفش نفسك ما لا تطيق وما دخلش روحك في الديونات
اللي وصلنا لهاذي الحالة هو السكوت والقبول بأعراف اجتماعية بالية بحجة المظاهر والعناد وتقليد الغير!
كن صريح مع أهل الفتاة وربي يفتح عليك

لحن الحياة. · 2014-12-30, 10:57

حاليا اغلب الطبيبات و المهندسات غاليييييييييييييييييييييين فالسوبر ماركت (لا اعمم حاشا البعض)

نقللك كاين الاقلية لي يتشرطو خسرو على بنات الفاميليا اذا انت زهرك طحت في ناس يتشرطو تتشوكا .....يعني كيما تروح تشري لبسة لازم تدور الكثيييييير من الحوانيت باش تلقا لي يوالمك...................سي كيف كيف

Floona · 2014-12-30, 11:15

أنا وحدة من الناااس نحب خطيبي يجيبلي حوايج ملاح ونحب الهدايا

ياخويا رانا كنا نقراو البنات تلقاهم شابعين فالكادوات وفالتقلاش وحنا نتفرجو نصبرو رواحنا نقولو

كي نتزوجو يجيبولنا وكي نتخطبو يدللونا واش هذا فالحرام مكانش والحلال مكانش

وكي تجي تشوف تلقا نص البنات لي عندهم سوابق عدلية هوما لي ليتزجو وزيد شرطهم عزيز وغالي

توصل لبنات الفاميلا ولي عمرها عرفت واحد يقولولها غالي علينا

علابالي المعيشة غالية بزاف وعندنا خاوتنا ووعمومنا وناس قراب لينا حاصلين كي حالتك

بصح هذا هو المجتمع وهذهيا المعيشة انت دير لي تقدر عليه ماشي لازم عرس كبير خلاص

وماشي لازم الدار لي تكريها تعمرها كامل اشري غير الازم وبلعقل دير دار

وكان على الشرط هذه واااعرة معلاباليش

ربي يسرلك امورك وادعي ربي يرزقك بالزوجة الصالحة هذا هو الصح

الصديق قروف · 2014-12-30, 12:34

نساء كي يعودو يصرفو
لازم تعاند جارتها و صحبتها تقدر حتى تكثر على ولدها باش يمد شرط كبير
ربي يسهل علينا

~~nilly~~ · 2014-12-30, 12:44

وانتيا يااخي هل تقبل بواحدة تشرط كامل هكدا.؟
لو كان زعما نقوله انك غني هل تقبل انك تتزوج واحدة طامعة فيك؟
مهلباليش علاه ناس ولاو سطحيين لهدي درجة يااخي واش من دهب هدا لتهدر عليه معلباليش واش لقاو فيه البنات ولا نساء خاتم واحد يكفيهم سلسلة واحدة تكفيهم ولا لازم ندير 10 خواتم في يد واحدة .
ولا علاه وين راحت الفضة وجمال الفضة . يوواحد اد معندوش صافي عيب وملزمش يعيش نقولك حاجة اد حبيت تجرب في طفلة ديرلها كادو نتاع بوشنة بيبسي في بلاصة ماتم هدا اد قبلت بيه فهي انسانة صالحة

عبد الله 22 · 2014-12-30, 13:13

السلام عليكم هم يبكي وهم يضحك ياخي هذه هو الوقع لزمك واحد متخصص في المفاوضات في الوقت الحالي من أجل الزواج حاول لتكثر عليك حبس ولو أن قد تنفذ أموالك في ا لرؤية الشرعية 5000 في كل مرة لكن أعتقد أقل الخسائر بالتوفيق

fella111 · 2014-12-30, 13:50

اقتباس:

المشاركة الأصلية كتبت بواسطة عبد الله 22

السلام عليكم هم يبكي وهم يضحك ياخي هذه هو الوقع لزمك واحد متخصص في المفاوضات في الوقت الحالي من أجل الزواج حاول لتكثر عليك حبس ولو أن قد تنفذ أموالك في ا لرؤية الشرعية 5000 في كل مرة لكن أعتقد أقل الخسائر بالتوفيق

5000 كل مرة علاه ؟؟؟؟؟؟؟؟ رايح يشري بقرة
احنا في العايلة يمد 1000 دينار او 2000 اذا كان قابل 900 اذا ماهوش قابل تفاديا للاحراج و تتمد مرة وحدة في حالة قابل
لهذا عزف الشباب عن الزواج تخنقوهم ثم تتسائلون عن سبب عزوفهم ................... ثم عن الخاتم حنا عندنا خاتم واحد لكن يتكون من شطرين شطر يلبسولها في الخطبة و في الزواج يكمل الشطر الاخر و الذهب ليس مطالب يديرهولها الا اذا كان حاب. و المهور ما تكونش مرتفعة في الشرق مقارنة مع الغرب حنا عندنا مبدأ غير نتهناو عليها برك.

ام نهوله · 2014-12-30, 13:58

يا اخي ما زال كاين عائلات تمد بناتها بمهور مقبوله و يطلبو لهنا المهم يلقاو الراجل اللي صح يهنيهم
زيد حوس خويا وياذن الله راح تلقا الجزائر راهي معمره عازبات

conductrice · 2014-12-30, 14:22

الله يجيب الخير

جويرية الإيمان · 2014-12-30, 14:52

على حساب واش اني نشوف

في بوسعادة و ما يحيطها رانا في الجنة بالمقارنة بواش راني نقرا من مشاكل

40 مليون يا أخي راك تشعل

أخو زوجي تزوج قبل العيد الكبير:

الكراء ب 500 ألف سنتيم

المهر ما نكذبش عليك ما عباليش شحال

الشانبرا 6 ملاين يشعلو

الذهب خاتم و سلسلة الغرام ب 300 و حاجة

صح خاتم العقد ب 3 ملاين بصح أنا و الله ما دارلي زوجي الخاتم و نوغمال .

العرس بدون قاطو

بصح سلف 5 ملاين من عند زوجي و 4 من عند باباه حق النعجة و الماكلة

يعني أصلا ما لحقتش 20 مليون

و الباقي كامل كادوات : التلفاز + الثلاجة + الكويزنيار

حتى الديمو و البارابول زوجي اعطاهملو

و الله غير راني مستغربة في البنات علاه يشرطو بزاف

يكفي انها تزوجت رجل صالح و يهنيها في معيشتها .

أسأل الله لك الزوجة الصالحة .

anfal10 · 2014-12-30, 15:10

احنا لقبايل ما نشرطوش واشنوا هاد الشوفة تاع 5000دج ؟هادي وين ؟نشفى اختي مدولها 2000دج ,الاخت الكبرى ما مدولها والوا زيد تزوجت لولاية اخرى معروفين بالذهب و المهر الغالي لبناتهم
ما شرطنا والواغير لهنا, جابوا خاتم متواضع جدا لا غير ما كاش الذهب, مدولها 5ملايين الحمد الله راهي عايشة مهنية مع الزوج و الاولاد ربي يحفظهم ,
في بعض المداشر داروا حاجة مليحة الشيوخ الكبار من عقلاء المنطقة حددوا المهر بمبلغ غير مبالغ فيه لكل البنات حتى الاثرياء منهم نتمنى تعمم لم لا لما في جميع الولايات.

لحن الحياة. · 2014-12-30, 15:22

اقتباس:

المشاركة الأصلية كتبت بواسطة عبد الله 22

السلام عليكم هم يبكي وهم يضحك ياخي هذه هو الوقع لزمك واحد متخصص في المفاوضات في الوقت الحالي من أجل الزواج حاول لتكثر عليك حبس ولو أن قد تنفذ أموالك في ا لرؤية الشرعية 5000 في كل مرة لكن أعتقد أقل الخسائر بالتوفيق

اوووووووووووووووووووووووووووول مررررررررررررررررررررررررررررررررررررررررة في حياتي نسمع شوفة بالدراهم !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!
احنا في الجنوب جااااااااااااااااااااااااااااااااااااااااااااااااا اااامي تصيربالعكس كي يجونا يشوفو اهل العروسة يمدو الدراهم لأم الراجل و حنتها و ريحتها و صابونها وقطعة قماش و خمار (كللللللللللللل هذا لما يجو يشوفو++++++ نغدوهم ) و بعد هذا كلوووووووووووو امساك بمعروف او تسريح باحسان .يمكن يكتب ربي و يمكن لا و يادار ما دخلك شر

first first · 2014-12-30, 15:23

علابالي بلي كي يجو يشوفو يمدو......................مي والله لقطة بايخة...............يعني 1000دج ولا2000دج على جال التفريجة؟؟؟؟
زعمة يعتابروها تكبيرة.....................كون ينحوها خير...........عندو ولامعندوش.
40مليون يااخي يعني راك خير من عباد واعر من عباد ................وربي يباركلك وفرات.
يااخي .....................يفرج ربي .

..بسمة أمل .. · 2014-12-30, 15:24

راك عير موسوس 40 مليون عادي تتزوج و دير دار و اذا كنت ماكش حاب تتكلف بالكوادو نتاع الطفلة انت ماتخطبش حتى توجد روحك و كي توجد دير خطبة و من بعد العرس يعني تكون فترة صغيرة