تعزية على الموضة

[Floona]

السلام عليكم ورحمة الله تعالى وبركاته

ندخل فالموضوع طووووووووووووول

راني درت مقدمة طويلة وعريضة بصح قلبي وجعني بزاف محيتها وقلت اخطيني من التفلسيف

ياو كارثة واش نقول تشوكيت وخلاص

كاينة خياطة قتلك ياو يجووها النساء ويجيبولها القماش باش نخيطلهم حتى هنا نووورمال

مالا خياطة واش دير تخيط الصبابط ؟

قاتلك يقولولها ديريلنا قندورة تاع جنازة عندنا السابع وعندنا الربعين رانا معروضين

وجديلنا القنادر بزربة ماطوليش باه يروحو لابسين اخر موضة

انا هنا مخي حبس يعني قادرين نهار الدفينة يروحو يحطو القماش باش يكملو بيه ايامات التعزية

ماراناش نحكيو على الحكم الشرعي تاع السابع والربعين رانا قاع عارفين الحكم

المشكل وين ؟؟؟؟؟؟؟؟؟؟

ماتت قلوب الناس وصارو كي يروحو يعزيو يلبسو احسن الثياب واحسن التسريحات

و يروحو النساء يعسو دار الجنازة

كيفاش مخدومة والقاطو لي حطوه ولي ماحطوهش والحيوط خامجين ولا نضيفين

ياربي استرها علينا وخلاص

مرة رحت جنازة وبتنا فيها الطفلة قلبها محروق على امها تبكي والنساء يضحكو ويحكيو نوووورمال

والله شفتها بعيني ماحكاوهاش قالك النساء متواحشين بعضاهم عندهم بزاف متلاقاوش ؟؟؟؟؟؟؟؟؟؟

كاش تعليق نخليهولكم انا مازالني مصدومة

نقولكم حاجة وحدة

مـــــــــــــــــــــــــاتت قلوب الناس

والسلام

[thamourth]

الحمد لله اني متأكد بأني لن أموت الا شهيدا ..يقبلني ربي سبحانو برك.....خليهم يزغردو و يحتفلو ادا حبو

[اخلاص المخلصة]

حسبي الله ونعم الوكيل صح انقلبت الموازين في الأعراس لن يتحدثوا مع بعضهم لأن مكبرات الصوت تصم حتى أذان الجيران فما بالك بالحاضرين كما أن لديهم إهتمامات أخرى الغيبة والنميمة أما في الجنازة فهو وقت الحديث والضحك دون سخب لهذا لابد من لبس لباس مناسب ، صح ما يحس الجمرة غير اللي كواته.

[first first]

انا نعرف اهل الميت دارو هكة
كان الاب مريض على فراش الموت..........تحظيرا للجنازة......صبغت البنت الكبرى شعرها.................الام كبيرة في السن حنت شعرها؟؟؟؟؟؟؟؟؟؟
وبنتان خيطت كل وحدة غوب ..................لان اختهم الاخرى خياطة؟؟؟؟؟؟؟؟؟؟؟؟؟؟؟؟؟؟؟؟؟


ولكن كيما قلتي يحبس راسك..............نحاولو نلقاو تفاسير والسلام؟؟؟؟؟

لسنا احن على ابيهم منهم...................وظهورهم المزري لن يدخل الاب الجنة؟؟؟؟؟؟؟؟


وفي الاخير .....................................ماتستعجب مايخرج فيك عجب.

[ام نهوله]

ربي يلطف الوقت راه تبدل و يخوف

[لحن الحياة.]

و اهم حاجة ..............................يلبسو الذهب