ابني سيدمر اعصابي..........

[ايهان]

بسم الله الرحمن الرحيم
ابني ذو العامين ونصف بدات مشكلة البكاء المتواصل منذ سنة تقريبا وهو مايعرف بالحرنة ولكن كانت الشدة تزداد كل مرة هو ابني الثاني بعد ابني البكر ذو الخمس سنوات الذي يختلف عنه تماما فهو هادئ متفهم اما الاصغر اناني يحب فرض رغباته او البكاء والله جربنا معه كل نصائح الاخصائيين النفسيين من تجاهل وطرق العقاب السلمي وطرق النقاط والهدايا اي نصيحة جربناها والله حتى الضرب لم ينفع شيئ
ومازاد الطين بلة انني نافس الان عندي اسبوع ولدت بعملية ولكم ان يتصوروا الوضع والله نوبات البكاء صارت نهار وليلا وفي منتصف الليل
جربنا الرقية ايضا لن تغير فيه شيئ حتى الصغير لا نوليه اهتمام لاجله ولكنه يزداد يوما بعد يوم
اعصابي في الحضيض العملية والالم وابني صار هستيري ومدمر اكثر من قبل
ارجوكم ساعدوني بالله عليكم ستفقد اعصابي
لمن مرت بحالة مثل حالة ابني تساعدني

[mereyoucef]

اختي ربي يكون معاك لكن من تجربتي مع ولدي هاديك الحرنة تروحلو لما يكبر انا وليدي الان عمرو 4 سنين نحس بلي كبر ويفهم ويتقبل كي نعاقبو او نتكلم معاه انا كي كان يبدا في البكاء مريت بحالتك ومن بعد لما يبدا يبكي كنت نحاول نلفت اهتمامو لحاجة واحدة اخرى مثلا نقولو ياه راك تسمع القط او الحمامة هو يسكت من تم نكمل حكاية طبعا من اختراعي مثلا حبت تدخل وانا ماخليتهاش وقاتلي بلي طاحت في حفرة ووووووووو كملي قصة طويلة عريضة باش ينسى البكاء صدقيني نفعتني هادي النصيحة من عند الاخت لينا و لما يلحق للسن المناسبة دخليه للروضة رايح ينشغل هادي عن تجربة وعمرك ماتقارنيه مع خوه دايما قوليلو الشاطر انتاعي العاقل باش ما يزيدش في السلبية انتاعو

[ايهان]

المشاركة الأصلية كتبت بواسطة mereyoucef

اختي ربي يكون معاك لكن من تجربتي مع ولدي هاديك الحرنة تروحلو لما يكبر انا وليدي الان عمرو 4 سنين نحس بلي كبر ويفهم ويتقبل كي نعاقبو او نتكلم معاه انا كي كان يبدا في البكاء مريت بحالتك ومن بعد لما يبدا يبكي كنت نحاول نلفت اهتمامو لحاجة واحدة اخرى مثلا نقولو ياه راك تسمع القط او الحمامة هو يسكت من تم نكمل حكاية طبعا من اختراعي مثلا حبت تدخل وانا ماخليتهاش وقاتلي بلي طاحت في حفرة ووووووووو كملي قصة طويلة عريضة باش ينسى البكاء صدقيني نفعتني هادي النصيحة من عند الاخت لينا و لما يلحق للسن المناسبة دخليه للروضة رايح ينشغل هادي عن تجربة وعمرك ماتقارنيه مع خوه دايما قوليلو الشاطر انتاعي العاقل باش ما يزيدش في السلبية انتاعو

شكرا اختي على الرد
والله جربت طريقتك وأحيانا تنفع ولكن لي هبلني نوبات البكاء بعد منتصف الليل مايسمع ما يفهم خلاص يبقى غير يبكي

[mereyoucef]

صباح الخير حبيبتي ابني كان تاني في الليل ينوض و يدير حالة مرة زوجي كره و عيط عليهو هدو بالضرب تم تم خاف رقد ولما كان يعاودها يخوفو حتى تعلم يخاف من باباه حبيبتي وليدك لازم يتعاقب و يخاف منكم لازم يعرف حدود مالازمش يفوتها وباش يتعلم في كل مرة يغلط يتعاقب وديري روحك زعفانة ماشي مقلقة و كارهة منو

[ام ياسمين10]

فكرتينى بابنى لما زادت اختو كان فى عمره عامين و3اشهر واش نحكيلك بكاء طول النهار وحتى فى الليل ولحقت بيه لدرجت انو يضرب راسو على الحيط وبقوة وكى نغفل عليه يضرب اختو وانا نافس اه اه واص صرا فيا اعصابى فلتت وليت هو يبكى وانا نبكى ........
والناس كل واحد واش يقلى وطبعا نروح نفذ وبدون جدوى
وابنى فى هداك الوقت كان ميهدرش حتى لعمر 3سنوات يقول غير كليمات خفاف
قبل ماتزيد اختو كانت حالتو تفسيرها غضب منا لانا منفهموهش واش يحوس ويفرغ غضبو بالبكاء لانو ميقدرش يهدر وبعد مازادت اختو ولات معاها غيرة
لازم تعطيه الحنان على قد ماتقدرى ونهار كامل وانتى تشكرى فيه وتبلعى غضبك وتضحكى فى وجهو وتلعبى معاه وتقوليلو انك تحبيه بزاف ومالازمش يبكى
انا عانيت بزاف معاه ورحت عند النفسانى وتبعتلو عند الاورتوفونيست حتى ولا يهدر ويسب كى يزعف و......وكى كان عمره ثلاث سنوات دخلتو الروضة بنصيحة من الاورتوفونيست بصح للاسف مقدرش يتاقلم مع الاطفال يضربهم ويتعارك معاهم وكلش ليه وحدو ميخليهمش يلعبو بالالعاب وكثرت الشكوى من المربية كملتو شهر ونحيتو
وشريتلو العاب متنوعة وكل يوم نعطيه لعبة جديدة باش ميكرهش وكهذا حتى مرت الايام بدات تخفلو بالشوية وانا كل يوم الصباح نقرى عليه رقية لحمايته والان عمره اربع سنوات ونصف والحمد لله راها مين داك تجيه وراه يقرى فى جمعية وحفظ بعض السور والحروف والان راهم يشكو منو كى يزعف يعظ زملائو هههه يعنى ارتحت من البكاء ولا يعظ كل من يجى قدامو حتى كى يزعف حتى الانسة نتاعو يعضها وهم خير من هم ههههه وفى هذه الايام راها اختو ولات تجيها نوبة بكاء وترمى روحها فى الارض ومتسكتش خلاص يعنى وراثة هههههه
رانى حكيتلك قصة حياتى مع ولادى باش نصبرك وكلهم هكذا ويكبرو وننساو واش دارو فينا يارب يحفظهم من كل سوء
اذا تحبى نكتبلك الرقية الى نقراها على وليدى الصباح هى تحصين من العين ومن كل سوء

[ايهان]

المشاركة الأصلية كتبت بواسطة mereyoucef

صباح الخير حبيبتي ابني كان تاني في الليل ينوض و يدير حالة مرة زوجي كره و عيط عليهو هدو بالضرب تم تم خاف رقد ولما كان يعاودها يخوفو حتى تعلم يخاف من باباه حبيبتي وليدك لازم يتعاقب و يخاف منكم لازم يعرف حدود مالازمش يفوتها وباش يتعلم في كل مرة يغلط يتعاقب وديري روحك زعفانة ماشي مقلقة و كارهة منو

والله هددناه وضربناه والنافع ربي
والله من قبل كنا نحمل بصح مع النفاس والبيبي جنون جنون
ربي يخليك اختي ويباركلك في وليداتك

[ايهان]

المشاركة الأصلية كتبت بواسطة ام ياسمين10

فكرتينى بابنى لما زادت اختو كان فى عمره عامين و3اشهر واش نحكيلك بكاء طول النهار وحتى فى الليل ولحقت بيه لدرجت انو يضرب راسو على الحيط وبقوة وكى نغفل عليه يضرب اختو وانا نافس اه اه واص صرا فيا اعصابى فلتت وليت هو يبكى وانا نبكى ........
والناس كل واحد واش يقلى وطبعا نروح نفذ وبدون جدوى
وابنى فى هداك الوقت كان ميهدرش حتى لعمر 3سنوات يقول غير كليمات خفاف
قبل ماتزيد اختو كانت حالتو تفسيرها غضب منا لانا منفهموهش واش يحوس ويفرغ غضبو بالبكاء لانو ميقدرش يهدر وبعد مازادت اختو ولات معاها غيرة
لازم تعطيه الحنان على قد ماتقدرى ونهار كامل وانتى تشكرى فيه وتبلعى غضبك وتضحكى فى وجهو وتلعبى معاه وتقوليلو انك تحبيه بزاف ومالازمش يبكى
انا عانيت بزاف معاه ورحت عند النفسانى وتبعتلو عند الاورتوفونيست حتى ولا يهدر ويسب كى يزعف و......وكى كان عمره ثلاث سنوات دخلتو الروضة بنصيحة من الاورتوفونيست بصح للاسف مقدرش يتاقلم مع الاطفال يضربهم ويتعارك معاهم وكلش ليه وحدو ميخليهمش يلعبو بالالعاب وكثرت الشكوى من المربية كملتو شهر ونحيتو
وشريتلو العاب متنوعة وكل يوم نعطيه لعبة جديدة باش ميكرهش وكهذا حتى مرت الايام بدات تخفلو بالشوية وانا كل يوم الصباح نقرى عليه رقية لحمايته والان عمره اربع سنوات ونصف والحمد لله راها مين داك تجيه وراه يقرى فى جمعية وحفظ بعض السور والحروف والان راهم يشكو منو كى يزعف يعظ زملائو هههه يعنى ارتحت من البكاء ولا يعظ كل من يجى قدامو حتى كى يزعف حتى الانسة نتاعو يعضها وهم خير من هم ههههه وفى هذه الايام راها اختو ولات تجيها نوبة بكاء وترمى روحها فى الارض ومتسكتش خلاص يعنى وراثة هههههه
رانى حكيتلك قصة حياتى مع ولادى باش نصبرك وكلهم هكذا ويكبرو وننساو واش دارو فينا يارب يحفظهم من كل سوء
اذا تحبى نكتبلك الرقية الى نقراها على وليدى الصباح هى تحصين من العين ومن كل سوء

تعرفي يا ام ياسمين ملي زيدت ماضحكتش والله مع حكاية ولدك قدرتي ضحكتني ربي يجازيك الجنة
والله نفسيتي في اسفل السافلين
اكتبيلي الرقية من فضلك
ادعيلي حبيبتي

[mereyoucef]

اختي ام ياسمين شكرا على تفاعلك معنا انا تاني شكاولي في الروضة انو يزعف يقلب الطاولة كي خرجنا من الروضة حكمتو و هدرت معاه و كاني نتكلم مع شخص كبير و قتلو ماتزيدش تعاودها صدقيني من هاديك المرة تبدل سلوك انتاعو كلية وصار عاقل و شريت قصة و غلفتها و عطيتها للمربية باش تمدهالو كجائزة صدقيني تبدل 180 درجة
اختي ريهان صدقيني واش قاتلك اخت ياسمين عندها الحق تعاملي معاه بالحنانة و شجعيه وخرجي انتي معاه فقط رايح يتبدل بلعقل

[ايهان]

المشاركة الأصلية كتبت بواسطة mereyoucef

اختي ام ياسمين شكرا على تفاعلك معنا انا تاني شكاولي في الروضة انو يزعف يقلب الطاولة كي خرجنا من الروضة حكمتو و هدرت معاه و كاني نتكلم مع شخص كبير و قتلو ماتزيدش تعاودها صدقيني من هاديك المرة تبدل سلوك انتاعو كلية وصار عاقل و شريت قصة و غلفتها و عطيتها للمربية باش تمدهالو كجائزة صدقيني تبدل 180 درجة
اختي ريهان صدقيني واش قاتلك اخت ياسمين عندها الحق تعاملي معاه بالحنانة و شجعيه وخرجي انتي معاه فقط رايح يتبدل بلعقل

ان شاء الله والله رايحة نحاول لانني على حافة الجنون
نتمنى برك يولي يفهم ويستوعب ويحس بلي طريقة البكاء تاعو ماتنفع
ربي يجازيك حبيبتي على الاهتمام

[Simassim]

ربي يكون معاك حنونة ماعنديش تجربة وزيد خوفتيني مين نولد ولدي يقفل عامين وهو متعلق بي بزاف

[raboha]

المشاركة الأصلية كتبت بواسطة mereyoucef

اختي ربي يكون معاك لكن من تجربتي مع ولدي هاديك الحرنة تروحلو لما يكبر انا وليدي الان عمرو 4 سنين نحس بلي كبر ويفهم ويتقبل كي نعاقبو او نتكلم معاه انا كي كان يبدا في البكاء مريت بحالتك ومن بعد لما يبدا يبكي كنت نحاول نلفت اهتمامو لحاجة واحدة اخرى مثلا نقولو ياه راك تسمع القط او الحمامة هو يسكت من تم نكمل حكاية طبعا من اختراعي مثلا حبت تدخل وانا ماخليتهاش وقاتلي بلي طاحت في حفرة ووووووووو كملي قصة طويلة عريضة باش ينسى البكاء صدقيني نفعتني هادي النصيحة من عند الاخت لينا و لما يلحق للسن المناسبة دخليه للروضة رايح ينشغل هادي عن تجربة وعمرك ماتقارنيه مع خوه دايما قوليلو الشاطر انتاعي العاقل باش ما يزيدش في السلبية انتاعو

الحرنة تروح حتى يكبر بنتي ثان هاكاك قالولي حتى تولي في عمرها 12 سنة و راني صابرة بطريقتك هذي
أنا ثان نبدا نكلخلها بحوايج باش تروح البكيا
معليك غير بالصبر و كي راكي نافس و مبروك عليك و إن شاء الله تقومي بالسلامة من رايي إذا الوالدة تاعك قريبة خليه عندها الغيرة ثان تزيد عليه

[minina2601]

السلام عليكم ورحمة الله وبركاته
ربي يخفف علينا وعليك
اقراي عليه المعوذتين والاخلاص واية الكرسي واواخر سورة البقرة وادهني بزيت الزيتون واهم شي تكوني متيقنة بحصول الخير ان شاء الله
ربي يهنيك اختي

[meray]

ماتنسايش اختي بلي ابنك راه ايغير تاني لازم تخليه يلتى بخوه الصغير ويحبو .

[زينب 83]

تقول راكي تحكي على لازززززززم الصبر هذا واش نقدر وند يرو كيما صبور أمهاتنا علينا

[ام ياسمين10]

عذرا على التاخير النت كانت منقطعة عندى ..حبيبتى فرحتينى لانى ضحكتك متنسايش بلى النافس راها تانى تكون نفسيتها صعيبة وكاين الى يجيهم اكتئاب ........وهذه هى الرقية الى قتلك عليها تضع يدها على رأس الطفل ثم

- تقرأ سورة الفاتحه
- و آية الكرسي
- و أخر ايتين من سورة البقره
آَمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ
كُلٌّ آَمَنَ بِاللَّهِ وَمَلَائِكَتِهِ وَكُتُبِهِ وَرُسُلِهِ لَا
نُفَرِّقُ بَيْنَ أَحَدٍ مِنْ رُسُلِهِ وَقَالُوا سَمِعْنَا وَأَطَعْنَا
غُفْرَانَكَ رَبَّنَا وَإِلَيْكَ الْمَصِيرُ (285) لَا يُكَلِّفُ اللَّهُ
نَفْسًا إِلَّا وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ
رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلَا
تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ
قَبْلِنَا رَبَّنَا وَلَا تُحَمِّلْنَا مَا لَا طَاقَةَ لَنَا بِهِ وَاعْفُ
عَنَّا وَاغْفِرْ لَنَا وَارْحَمْنَا أَنْتَ مَوْلَانَا فَانْصُرْنَا
عَلَى الْقَوْمِ الْكَافِرِينَ (286)

- و سورة الاخلاص 3مرات

- و سورة الفلق 3مرات

- و سورة الناس 3مرات

ثم تقول بسم الله 3مرات

و تقول اعيذك بعزة الله وقدرته من شر ماتجد وتحاذر 7مرات
ثم تقول (بسم الله الذي لايضر مع اسمه شيئ في الارض ولافي السماء وهو السميع العليم)

و تقول ( استودعتك الله الذي لاتضيع ودائعه)

ثم تمسح على راس الطفل وجسمه
وهكذا ترتاح الام من العين والامراض ومن العدوى من الاطفال وكل شي مقدر ومكتوب (قل لن يصيبنا الاماكتب الله لنا)
وربى يشافى وليدك ووليداتنا كاملين يارب