علاه تتزوجو

hodayena · 2014-09-24, 18:44

بسم اله الرحمان الرحيم

تفكرت حادثة صراتلي في بيت الزوج كنا نتحدثو فقلت له انو بعض الرجال يتزوجو لبناء عايلة للاستقرار النفسي والاجتماعي اتمام نصف الدين حصانة النفس لكن قبل هذا لا زم يكون واعي للمسؤولية الي راح تكون على عاتقو وطرق الحفاظ على العش الزوجي
وكاين الي تزوجو برك حاب يتزوج صاب طفلة عندو دراهم حب يتزوج او باه الناس تقول تزوج

علاه نتزوجو علاه الانسان يتزوج اذا مراهش عارف معنى الزواج وواعي لهذه المسؤلية الي انحصرت من طرف الطرفين في غرفة النوم او العلاقة بين الزوجين والباقي حدث ولا حرج
علاه اذا عارف او عارفة روحها ماشي قد الزواج علاه كيما نقولو تباصي روحها وتتزوج ومن بعد تولي تندب غير برك ميقولو شمتزوجتش ولا اعمم كلامي على البنات فبعضهن لم يكت الله لهن الزواج

لماذا الزواج تغير او النية مكاش في الزواج او بالاصح النية تبدلت بكري كانو اهداف من الزواج تكوين عايلة الاستمرارية عن طريق الاحفاد بصح الان لا اما يتزوج باه تعاونو يتزوج باه يتهنى من النق تع امو او يتزوج باه شهرية وحدوخرا تدخل لجيبو وووووووووووووووووووووووووووووووو
ايضا الفتاة تتزوج للهروب من الواقع العائلي ديا لها تتزوج باه مايقولو كبرت او البعامية المصطلح الي نكرهو بارت او تتزوج باه تتحكم في الزوج وووووووووووووووووووو علاه راحت بنة الزواج ونية الطرفين في بناء عايلة واتما نصف الدين والعيش في حلال كتبه الله تعالى ولاحياء سنن النبي علاه الزواج اصبح مصلحة فقط

نتمنى كل واحد يمر يضع رد يقول علاه تزوج علاه تزوج واسكون كان قد مسؤولية الزواج

سحابة مسافرة · 2014-09-24, 18:53

و الله كلامك كله يدور في راسي و صحيح...لكن ملقيتلوش جواب يرضيني
مي درك تطفرت فيا كيما يقولو

papino · 2014-09-24, 18:58

كل واحد و الدرجة التي هو فيها هناك من هدفه بناء اسرة مسلمة و هناك من هدفه البعد عن المحارم و هناك من اجبره الاهل و هناك من تزوج مجبرا بعد ان هتك العرض و هناك و هناك للمزحة فقط يقول احدهم الزواج كالقصر المهجور من في الخارج يسعى لدخوله بكل الطرق و من في الداخل يتمنى لو لم يلجه ... انا من ناحيتي اروع ما في الزواج الابنااااااااااااااااااااااااااااااااااااااااااااا ااااااء ربي يصلحهم.

papino · 2014-09-24, 19:05

سحابة حاولي تغيري حياتك للاحسن و ليس الندم مهما كنت رجلا او امراة

thamourth · 2014-09-24, 21:51

الزواج امتداد الانساب و تعارف العايلات
مليح تروح لاروبا ....تم كاين النية.....نتع الاستقرار....بسبب وجود شروط الراحة و الترفيه
ici mariage ...pour les meilleurs cas

thamourth · 2014-09-24, 21:55

ممكن نتزوج في بلادي......بصح ريسك كبير.............

زهرة لرضوان · 2014-09-24, 22:15

صدقيني نفس الأفكار التي في رأسي لكن أعود وأقول هي سنة الحياة ولابد منها أضف إلى ذلك حلم الأمومة وحسن الظن بالله هو وحده من يحقق كل الرجاءات اللهم إفتح لنا أبواب رحمتك

anise2011 · 2014-09-24, 23:46

الزواج امتداد الانساب و تعارف العايلات

salem1985 · 2014-09-25, 00:11

كي تتزوج في الجزائر يطيح شعرك لانو رايح تموت من وجع الراس

~~كلنا راحلون~~ · 2014-09-25, 00:27

علاه تتزوجو

لكي لا ينقرض انسان

achwak.1993 · 2014-09-25, 08:33

الزواج نصف الدين و تحصين للنفس
و اللي يعرف يخير رايح بالإضافة إلى ذلك يعيش الاستقرار النفسي و العاطفي

جويرية الإيمان · 2014-09-25, 09:22

تزوجت من أجل الراحة النفسية و العاطفية هذا ثانيا

أما أولا فمن أجل إشباع غريزة الأمومة و الحمد لله على كل شيئ

فأولا و أخيرا كل ما في الدنيا من أحداث مكتوب من عند رب العالمين .

الألماسة · 2014-09-25, 10:36

عن نفسي تزوجت حتى نبني عايلة صغيرة خاصة بيا نكون انا المسؤولة عليها
و حتى نعيش مع الشخص اللي تمنيتو
لكن
هم حبو خديمة فالدار او كعبدة في زمن العبودية(تخدمي على الجميع و تسمعي السب و الشتم و بلاك تردي حتى بكلمة)

التواتي الونشريسي · 2014-09-25, 10:47

ابنوا حياتكم الزوجية على أساس الدين تسعدوا في الدنيا والآخرة، أما والأزواج بعيدون عن هدي القرآن والسنة فأنا تستقيم حياتهم الزوجية... بارك الله فيكم

fella111 · 2014-09-25, 13:57

ما نعرف .....اول مرة يسألني شخص سؤال تعجيزي