السلام عليكم ورحمة الله
حبيت نمدلكم وصفتي لطبخ الارز اسهل منها ماكنش
اولا نحضر اطراف دجاج على حساب عدد افراد اسرتك
3 مغارف زيت
زعفران
ملح انا درت مغرف صغيرة دجاج محمر يحب الملح
وريقة رند
فلفل اكحل
اذا كنت مقلقة غطيه بورق المنيوم ولا كنتي في ليتساع خليه يطيب هكداك كيما درت انا"قالو الامنيوم ماشي مليح للطياب يتاكسد انا نحاول قد مانقدر باش مانستعملوش"
والي الفرن مباشرة
الان ندير قدرة فيها ماء وشوية ملح حسب الرغبة وريقة رند زعيترة وشوية زيت باش مايتلاصقش الروز وكي تغلي القدرة كبي الروز فيها وخليه يطيب 50بالمائة و20 الاخرى يكملها نفوره بعد مايغلي
الان نجيو للصلصة
بصل مقطع ملح وزعفران وفلفل اكحل ونخليه يتقلى مليح
حتان يولي هكدا
في هديك الاثناء نرابي 4 طماطم متوسطات انا كانت عندي كونجلي
وماشي حمرة بزاف
نرابي فوقها 2 فصوص توم
ونكبها فوق الصلة الي تقالات
ونخليها تقلي حتى هيا
وبعدها نحط 2 مغرف طماطم مصبرة
وونظيفلها كاس ونص ماء ونفص للنار ونخليها تتجمر وبعدها الصوص الي تخرج من الدجاج نحط على الصوص وهي طيب
والخطوة هدي نسيت مصورتهاش
وفي الاخير كي يقور الروز وونكونو طفينا على الصوص والجاج يكون طاب
نفرغو روز وصوص ونستفو عليه الجاج والي الفرن وحد 10 دقايف باش يزيد يطيب 15بالمية الي بقات ومايكونش معجن يكون كيف البربوشة
وهاهي النتيجة في الاخير
نتمنى نكون وفقت في الشرح ونتمنى تجربوه
مجرد تنويه الاسم الي في الصورة اسمي على الفايس
( تقرير عن مشاركة سيئة )، و الموجودة أسفل كل مشاركة .
2014-03-07, 15:32
نزولا عند طلب بعض الاخوات اسهل طبق روز ودجاج محمر
العرض العادي
