كلمــــــــــااااااات من لسان المجتمـع...

[اسلام انس]

تغيضك كي تكون تمشي و تشوف شاب عمرو 20 سنة يهدر مع
روحو و هبل..

تغيضك كي تشوف واحد يبيع فالخبز في طابلة و تحبس
مدامة و تعطيه الدراهم من الزجاج ماتخرجش méme pas من السيارة

تغيضك كي تشوف واحد حاب يعاون دارهم لي مالقاوش
واش يتعشاو و مالقاش واش يدير غير يروح يسرق ,

تغيضك كي تشوف واحد حرق و أمه بلا خبر عليه , تغيضك مين تشوف مرى راحت تشري
كريدي و مول الحانوت هدرلها هدرة ماشي شابة ..

تغيضك كي تشوف اب راح يسلف دراهم على الناس باش يوكل ولادو و قاع الناس ردوه...

هاذو الصوالح كل يوم يصراو بالصح مكانش لي علابالو كل واحد
لاهي في روحو دير كاش نهار و قعد تتأمل مليح فالناس تشوف العجب
كالعادة

انا درت هاذ الكلام باه الناس
تفهم و تدعي باش ربي يصلح حوالنا !
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

ربما الغلطة ليست في المجتمع و النساء لعاريات
ربما الغلطة ليست في من يروون أخواتهن عاريات و يزيد هو يشجعها
ربما الغلطة ليست في من يقوول لأخته ديريلي لافار مع صحبتك
ربما الغلطة ليست في الفتاة لي تجيب صاحبها لدارهم و تقول هذا هو يا يما
ربما الغلطة ليست فاللي يدخل يلقى ختو تحكي فالتيليفون يغلق عليها الباب و يقولها سمحيلي
ربما الغلطة ليست في من يرى أخته تدخل وقت المغرب و لا يسألها أين كنتي و مع من ؟؟
ربما الغلطة ليست في من يمشي مع أختو في الشارع و هي لابسة الميني و تكحل للرجال نوورمال
الغلطة ليست فيكم
ربما الغلطة في أنا و أمثالي
مازلنا أشخاصا بدائيين و نعيش في الجاهلية
لكن كونوا متأكدين
إذا كانت هذه هي الحضارة فنحن نفتخر بجاهليتنا[/COLOR]