كيكة سميتها الزين فالقلوب ممنوع الضحك ^^

[ام اسماء واويس]

السلام عليكم
كيكة سميتها الزين فالقلوب : p لانو الشكل عشوائي ^^بصح ذوق روعة لي نمدلو قسمتو يقلي شكون شراها
سهلة متحتاجي لا شونتي لا قناش ولا هو يحزنون مكوناتها فالبيت
للكيك نحتاج 8 بيض +12 ملعقة سكر+12 ملعقة فرينة +1 ونصف خميرة + 2 فاني +فنجان ونصف زيت +3مغارف كاكاو
تخلطي البيض مع السكر والفاني وتضيفي الزيت ومن بعد الكاكاو ومن بعد الخميرة والفرينة الخليط يجيك ثقيل انا قسمتها على مرتين السنيوة القطر 25 سم وتحطيها طيب وتقسمي كل وحدة على 2 يخرجولك 4 طبقات
الكريمة نصف كاس زيت+ كاس حليب وشوي +3 ملاعق زبدة تخلطي بالباتور الزبدة وكل مرة تضيفي الزيت والحليب بالشوي كيما طلعي المايوناز وفالاخير تضيفيلها الفاني والسكر قلاصي حسب الرغبة
وتحطي الطبقات وبيناتهم شوي كريمة ومن بعد تغلفيها بالكريمة وتعملي تموجات بالملعقة من الفوق وترشي من فوق الكاكاو وعلى الجوانب عملب شوكولا بيضا مبشورة انتي والامكانيات نتاعك ممكن تعملي مكسرات او جوز الهند او قاطو مرحي