هم

[مشكلتي]

السلام عليكم و رحمة الله تعالى و بركاته بسم الله الرحمن الرحيم و الصلاة و السلام على سيد المرسلين و على آله و صحبه أجمعين الحمد لله أنا متزوجة و سعيدة مع زوجي لكن لم أرزق بعد بالذرية و الحمد لله راضية بما قسمه الله لي أنا في بداية زواجي لم تكن والدة زوجي راضية كانت خايفة مني لأني من منطقة أخرى و بعد اصرار زوجي الكبير قبلت مع تخوف و بعد الزواج الحمد لله أصبحت تحبني أكثر من بناتها و تدائما تحاول تعتذر مني على واش دارت و أنا نعذرها و نقلها عادي كنت خايفة على ولدك و عادت تقلي راح نزوج ولادي كامل من عندكم راكم عاجبيني.....المهم راني سنوات معاهم الحمد لله متهنيين و تدعيلي دائما و تقلي راني راضية عليك انت ولدي........... بصح عندي وسواس دائما نقول راه ربي ماعطانيش الذرية لأنو ام زوجي لم تكن قابلة بيا في الأول مع أنو و الله اليوم الناس تحسد فيا على المحبة الي بيني و بين حماتي ربي يحفظها دايرتها أمي نخدمها بعيني نحس بيها أكثر من ولدها و زوجي راضي عليا و دائما يدعيلي و يقلي راكي تعيني فيا على رضا والديا.......... لكن ديما يجيني هاذ التفكير........أنصحوني أنا راني راضية بواش قسملي ربي بصح هل تفكيري سليم..... السلام عليكم