احتاج مساعدتكم في مأكولات مريض بحساسية القمح

~عبق الجنة ~ · 2013-05-13, 12:55

السلام عليكم
لدي قريبي مريض بمرض حساسية القمح
يعني المأكولات التي تحتوي على القمح لا يأكلها ابداااااا
و يأكل بدلها الذرة

فهل منكم من يعاني من هذا المرض ؟ ارجوا ان تكونوا في تمام صحتكم و ان يدوم الله بعافيته عليكم
و هل من مجرب لمأكولات ناجحة بالذرة بدل من القمح
و هل تعرفون محلات كبرى في الجزائر لبيع المأكولات الخاصة بالمرض؟

ساعدوني و اجركم عند الله

و ادعوا لقريبي المريض بالشفاء و لكل المرضى

و بارك الله فيكم

انا في انتظاركم...

بريق الامل& · 2013-05-13, 13:11

اتمنى له الصحة والعافية
الارز وخبز الشعير و الذرة

أم محمد تاج · 2013-05-13, 13:19

حنونتي ربي يشفيه ويعافيه كاين ولد خالتي كي كان بيبي يعاني من هاذ الحساسية يعني مشتقات القمح لي فيهم القلوتين بصح دارتلو خالتي ريجيم قاسي مسكينة عانات بزاف توكلو كلش تاع الذرة دقيق فرينة والحمد لله ارتاح وراه في عمرو 5 سنين ضرك ولا عادي ياكل كلش ارتاح
نصيحتي أشري دقيق الذرة بدل القمح وربي معاك نشالله مدة وتفوت

إلهام07 · 2013-05-13, 13:19

ربي يشافيه ويعافيه ، نعرف ناس مرضو بيه بصح اتبعو الريجيم وارتاحو.
شوفي في الصيدليات وفي السوبيرات لكبار يبيعو كل المأكولات نتاعهم ، عجائن يعني ، سباقيتي ، فرينة ، قاطو ....
أما الوصفات والله مانعرف ، لازم الواحد يجرب أو يسأل الناس اللي عندهم في العائلة شخص ، أتمنى يساعدو الأخوات لأن السيلياك مرض شائع

أم ماجد · 2013-05-13, 13:19

نعم اختي اعرف كثيرا المرضى بهاذ المرض
كاين كل شئ متوفر في بلادنا كسكس وجميع انواع العجائن
بنت خالي كانت مريضة وشفيت اديرلها امها الكسرة بدقيق الذرة وكاين حتى القاطو والفلان
وحتى الحلوى
اي سؤال بامكاني مساعدتك لا تستح واسالي

~عبق الجنة ~ · 2013-05-13, 13:29

اقتباس:

المشاركة الأصلية كتبت بواسطة أم ماجد

نعم اختي اعرف كثيرا المرضى بهاذ المرض
كاين كل شئ متوفر في بلادنا كسكس وجميع انواع العجائن
بنت خالي كانت مريضة وشفيت اديرلها امها الكسرة بدقيق الذرة وكاين حتى القاطو والفلان
وحتى الحلوى
اي سؤال بامكاني مساعدتك لا تستح واسالي

طبعا اختي عندي اسئلة بزااااااف اصبري عليا برك
ممكن تتعطيني طريقة عمل الكسرة الي بدقيق الذرة؟
و ثاني القاطة و الحلوى

و قوليلي بنت خالتك شحال عاد عمرها كي مرضت و كي شفيت

و شى الله جميع مرضى المسلمين

~عبق الجنة ~ · 2013-05-13, 13:30

و كذلك اسألولي على عناوين المأكولات الملاح

أم ماجد · 2013-05-13, 13:44

اقتباس:

المشاركة الأصلية كتبت بواسطة درة الاسـلام

طبعا اختي عندي اسئلة بزااااااف اصبري عليا برك
ممكن تتعطيني طريقة عمل الكسرة الي بدقيق الذرة؟
و ثاني القاطة و الحلوى

و قوليلي بنت خالتك شحال عاد عمرها كي مرضت و كي شفيت

و شى الله جميع مرضى المسلمين

نعرف بزاف بنت خالتي واولاد صحاباتي ووووووووووووووووووووووووووووو
المهم الكسرة بدقيق الذرة وتزيد البيض باه تقدر تتلم لان دقيق الذرة مايتلمش بسهولة

وديري قطعة المنيوم وقرصي فيها وطيبي على طاجين الكسرة
بنت خالتي كان عمرها عشر سنوات والان 20سنة والحمد لله
القاطو يتباع والحلوى ايضا وكل العجائن تلقايهم عند الحكومة وين ايبيعو الدقيق والاثمان معقولة جدا

**د لا ل** · 2013-05-14, 15:06

السلام عليكم

اخي الصغير يعاني منه منذ ان كان في عمره 4 سنوات وهو الان 21 سنه

سارجع مسااء ا باذن الله لاساعدك بما اعرفه لاني صرت خبيرة في مرضه ونوعيه الاكل وما يساعده وما لا يساعده

وربي يشفي جميع مرضى المسلمين

~عبق الجنة ~ · 2013-05-17, 09:05

شفاه الله اختي دلال

انا في الانتظااااار

maiar · 2013-05-17, 11:49

ربي يشفي جميع مرضى المسلمين عندي سلفتي مريضة بيه و منذ عام بدات الريجيم مدهولها الطبيب الكسرة كيما قالت ام ماجد و
لازم ما تاكلش الطماطم المصبرة عندها طماطم مصبرة خاصة بيها جابتها من الخارج او تعوضها بطماطم تع الحب و بالنسبة للعجائن تشريهم واجدين كيماالشخشوخة الفريك وووو تشريهم من قسنطينة و حتى في الصيدليات يتباعو و حتى الفرينة كاينة لي خاصة بيهم تع الخبز وحدها و تع البيتزا وحدها و تع القاطو وحدها و مرة درتلها كيكة هنا من المنتدى ليها و بدلت الفرينة بالروز مرحي و الخميرة الكميائية الخاصة بيهم
اتفضلي

تطبيقي لكيكة سمراء الدنيا و لكن لاصحاب ريجيم بدون غلوتين

maiar · 2013-05-17, 11:54

https://celiacarab.blogspot.com/

https://www.anaqamaghribia.com/vb/showthread.php?t=73054

https://q8celiacpatients.com/%D8%B5%D...-%D9%85%D9%80/

~عبق الجنة ~ · 2013-05-18, 17:01

ما هو صمغ الزنتان؟

**د لا ل** · 2013-05-18, 22:30

اقتباس:

المشاركة الأصلية كتبت بواسطة maiar

ربي يشفي جميع مرضى المسلمين عندي سلفتي مريضة بيه و منذ عام بدات الريجيم مدهولها الطبيب الكسرة كيما قالت ام ماجد و
لازم ما تاكلش الطماطم المصبرة عندها طماطم مصبرة خاصة بيها جابتها من الخارج او تعوضها بطماطم تع الحب و بالنسبة للعجائن تشريهم واجدين كيماالشخشوخة الفريك وووو تشريهم من قسنطينة و حتى في الصيدليات يتباعو و حتى الفرينة كاينة لي خاصة بيهم تع الخبز وحدها و تع البيتزا وحدها و تع القاطو وحدها و مرة درتلها كيكة هنا من المنتدى ليها و بدلت الفرينة بالروز مرحي و الخميرة الكميائية الخاصة بيهم
اتفضلي

تطبيقي لكيكة سمراء الدنيا و لكن لاصحاب ريجيم بدون غلوتين

كما اخبرتك الاخت

توجد اكلات مخصصة لهم وتباع في الصيدليات او المحلات الكبيرة او الاروقة

عندنا مثلا في خزانة المطبخ طابق خاص باغذية الخالية من الغلوتين

تحتوي على الكسكس + التليتلي+ البسكوي+فرينة الحمص +فرينة الذرة+فرينة الارز + بسكوي الارز+ الخميرة الكيميائية الخاصة والكثير من

المعجنات الصغيرة والكبيرة

الخالية من الغلويتن طبعا ويوجد الكثير من الاغذية كاالقهوة االخاصة وكذلك الطماطم المصبرة الخ

طبعا الاغذية الملونة غير مسموح بها كالطماطم المصبرة والمأكولات المعلبة كالتونة مثلا كذلك الكاشير والياوورت الملون

وغير الملون

المسموح هو الجبن او الياوورت الطبيعي

كذلك المشروبات الغازية غير مسموحة لاحتوائها على الملونات والمواد الحافظة ممكن شرب المشروب ذو اللون الابيض فقط **كحمود بوعلام الابيض* هذا فقط ما يستطيع اخي شربه

كذلك المثلجات ممنوعة

التوابل ممنوعة عدى الكمون المرحي

المسموح

طبعا اي شيء خالي من القمح والشعير

الحبوب والبقوليات

اللحم الاحمر والابيض و الخضر والفواكه

الجبن الابيض الحليب الرايب

التمووور

حتى الشكولاطه غير مسموحة

**د لا ل** · 2013-05-18, 22:39

ان كنت نعمل خبز الهمبرغر بفرينة الارز لانها الافضل وليس لها رائحة

كان الخبز مقبول

مع شرائح اللحم والبطاطا المقلية

كذلك كنت نعمل الحلوى بفرينة الارز والخميرة الخاصة والسكر والزيت

ونحط الخليط في مول وندخلها للفرن وبعد ما ينضج نقطعه ونلصقه بمربى المشمش ونغلفه بالشكولاطه