تقسيم وقت الطبخ في رمضان

[omritadj]

السلام عليكم حبيباتي صح رمضانكم حبيت نعرف منكم خواتاتي على قداش تبداو طيبو الفطور في رمضان لوحة تكون وحدها يعني دير كلش وحدها مكانش المعاوتة و دير 4 او 5 اطباق حبيت نعرف منكم كاش نصائح باش نطيب عدة وصفات في وقت قصير و صح فطوركم

[فاتي تيارت]

بعد العصر ابداي بالشوربة و عجنى الخبز خليهيخمر اطبخى بيطراف و الروز للسلطة ادخلى للطاجين وتبلى البوراك معبقاء ساعة اقلى ماعندك كالبوراك بطاطا و طيبى قهوة

[ملاك_هبة الرحمن]

شوفي تقدري تطيبي بعض الاشياء الصباح مثلا تغلي بيطراف ولا توجدي بطاطا تاع المعقودة وديريها في الثلاجة وتقدري حتى الشربة او الحريرة تطيبيها صباح ويبقاولك طاجين وصوالح لخرين لعشية على 4 بداي طيابك

[ام قسوم]

اطبخى الشو ربة تاع يومين والبوراك تاع يومىن بدون قلى والكسرة تاع يومين في الكونجلاتور

اغسيلى السلاطة تاع ىومىن و هكذا

[takwazakou]

انا نبدا على 4:30 ننصب الشربة ونخليها تتقلى مليح نبدا بيها هي الاولى لانها تحب تتقلى ونحط ندير الطبق الثاني اما طجين الحلو والحميس ندير تاع يومين ونحط نوجد العجينة تاع الصالي اللي رايحة نديرها سواء بيتزااو بوراك اوسوفلي او كوكا ونخليها تخمر وندير الحشوة نتاعهم اما السلاطة والماسيدوان والبيطراف نديرهم الصباح وندير تاع يومين اوثلاث ايام غير السلاطة تاع الريش نغسل كل يوم الجديدة يبقالي العجين نخليه هو الاخير اذا درت الكسرة نطيبها على 19:00 واذا درت المطلوع كذللك نطيبو على 19:00بصح نعشي كااااااااو مع العلم اني مع الصباح راني خدامة

[ام طه14]

انا غير اليوم رح نطبخ ههههههه
كنت عند ماما 4 ايام الأولى عايشة كي الملكة من بعد رحت لعجوزتي مممممم اكم علابالكم واليوم في داريييييي..
بديت على 15.00 نصبت الشربة ووجدت حوايج السلاطة واني ندير فالبوراك والطبق الثاني. رمضان كريم

[Amouna.DZ]

بصراحة أنا ندير كلشي صباح نبدأ الطياب على 11 ونحط كلشي فالفريجيداغ القليان برك نخليه العشية و العشوا نوض آلاز إذا غراتان نحطها فالفور و اذا قليان نقليه نوجد طابلة لفطور نسيق دار إذا غسيل نحطو في ماشين لافي ننشر ولما نفطر نغسل ماعين لفطور وباقي لوقت رااااااايحة خلاص نتفرغ لعائلتي ولعبادتي

[fefecoolyellow]

صحا فطوركم كل عام وانتم بخير