مسالة الرضاع

مشكلتي · 2014-11-16, 13:33

السلام عليكم ورحمة الله تعالى وبركاته
حبيت نطرح مشكلتي يمكن نلقى واحد يعاوني راني في حيرة
المهم أنا شاب مقبل على الزواج وعندي خالــــــة هي خالتي الوحيدة وعندها بنات وفيهم وحدة كنت حاب نخطبها هذا الصيف المهم انتقلت الاخبار إلى خالتي بلي حاب نجيها لبنتها وكي سمعت الخبر جات لعندنا وقالت لأمي بلي ما يمكنش نمدلكم الطفلة لانها أختي من الرضاعة فخالتي كانت قد ارضعتني وانا صغير ...المهم .كي جيت من الخدمة العشية فاجأتني بهذا الخبر الصادم ومن ذاك النهار وانا في حالة الخبر هذا الصراحة صدمني وسمط عليا لاني كنت حاب الطفلة هاذي يعني انا معنديش الزهر والي نقربها تعواج
لا علينا المهم بعد أسبوع كلمت امي في الموضوع وقلتلها روحي لخالتي وقوليلها كيفاه حتى رضعتي الطفل ولما راحت امي حكاتلها القصة والي هيا لما كان عندي عام تقريبا خلاتني امي عند خالتي فنضت في الليل نبكي فاعطاتني نرضع كانت حابة تستكتني لانها كانت مريضة تريد النوم
الخلاصة ان خالتي هي الشاهد الوحيد في القصة ومقدار الرضعات هي رضعة فقط
مشكلتي هي اني حوست في النت على مخرج شرعي وعلى فتاوى ترفع عني الحرج فلقيت مسألة 3رضعات او خمسة وبعض الشروط والي يمكن تخليني نتزوج بنت خالتي ولكن كيفاه نقنع خالتي انها تروح للامام وتسقسي
وهل هناك مسائل شرعية تجيزلي
منيش نحوس على الفتوى بقدر ما نحوس على وسيلة نقنع خالتــــــــــي ترو ح للامام
مشكلتي الثانية اني اعتبر قاطع رحم لان خالتي لما عرفت انها رضعتني عدت منروحش ليها لاني ببساطة منقدرش نشوف فيها بعد الان وكانها عدوتي لما تجي لدارنا نهرب ومانسلمش عليها مع انها اعز الناس بعد أمي
شكرا