دعاء لوجه الله عاجل جداااااااااا

[sasou2013]

من فضلكم الدعاء تم الدعاء لي باه ربي ان شاء الله ربي يفرج عليا في هدا العواشر و هدا الايم المباركة و ربي يديرلي سبة نرحل من الدار الي راني ساكنة فيها و يرزقني بسكن في اقرب وقت لانو لوستس اصبحت المعيشة معاها لا تطاق لا تطاق لا تطاق و الا ربي يجيبلها ان شاء الله ضربة تروح هي من الدار مررتنا المعيشة و انا راني رايحة نزيد انا اصلا راني مقلقة و خايفة من الولادة و هي راهي ملي بدا رمضان زاد سخن راسها محبتش تخطيني مخلات مدير فيا راهي تتفنن في المشاكل و كي باباها و مرتو و راجلي و سلفي يديهم النيف عليا دارت عليهم واحد مراه سالك منها رجعنا ندعو لارواحنا بالموت باه نتهناو منها و درك راهي تهدد فيا بالقتل بالسكين رهي تحلف و تتوعد تقتلني و راجلي ره يقولي راهي تخلع فيك برك و لكني متاكدة من انو قادرة ديرها عندها غيرة الهبال مني و حب السيطرة و التحكم و انا كي منيش ندير وش راهي حابة تكرهني مووووووووووووووووووووووووت نحب وين تحدلك متزيدش حاسبة روخها علينا هي راجلنا و كي تشوف وحدة متفاهمة مع زوجها تعايرو و تطيح بيه و تقول مكش راجل لانك مخلي مرتك هانية و مدابيها هي ترقد و احنا العرايس نخدمو الشغل و نسيقو اللدار حتي الزنقة و نفلحو الجنان و السطوح ووووو و انا راني في شهري هدا الاسبوع رايحة نزيد راني كارهة روحي رجعت ندعي لنفسي بالموت باه نتهنى من هدا الزواج و مانيش حابة ندخل ماليا في الوسط باه ما يكحالوش القلوب مع الزوج ديالي و اهلي ناس داري بلي كان مدناوش ليا بالقدر الي راهم خياتو يديروه حتى و يكونو مشاكل و الا كلام و الله يجوز و لكن الشي و المشاكل تع خياتو و سيرتو هدي منقبلش معرفتش ادا نشكي للشرطة و الا وش ندير دبرو عليا و ادعولي ربي يجازيكم مسالة حياة او موت

[nanoua7]

ربي يفتح عليك و يسر لك أمورك ويقدم لك الخير ان شاءالله

[مراد الجلفاوي]

لا حول و لا قوة إلا بالله .......
أكثري الدعاء أختي الكريمة، و لا تتكلي على أحد ...، سيدنا إبراهيم عليه ، حينما أزمع قومه أن يلقوه في النار جاءه جبريل فقال : " يا إبراهيم ألك حاجة ؟ " قال : " منك ؟! " قال : " لا ، من الله عزَّ وجل " فقال : " علمه بحالي يغني عن سؤالي .

[خولة لبابة]

اه اختي في الله لا تدعي لها بالسوء .....ان كانت هي سيئة معكي كوني انت معها جيدة.....لا تقابلي المعاملة السيءة بالسيء......قابليها بالمليح و اكثري الدعاء ربي يهديها و فقط.....و لا تقولي مثل ذالك الكلام اختي.....فهي مهما حصل هي اخت زوجك ....و لا تكوني السبب في الشقاق بينهما بل حاولي ايجاد طريقة تصلح كل شيء......و الله المستعان......

[*أم سجى*]

ان شاءالله ربي يسترك ويفتح عليك.......ربي يهدي العباد

[BORABORA]

بارك الله فيكِ ،،

[وَحْـــ القلَمْ ـــيُ]

ربي يحل مشكلتك يا رب ويهديها ويتمم فرحتك بوليدك
ما تقلقيش روحك القلقة ما مليحاش ليك وربي يخفف عليك
وزوجك فهميه بلي نتي ماقدراش تخدمي باش ما يحطش كلامها في بالو
وربي يصلحلك زوجك وأولادك ويحفظك من شرور الكائدين

[HB_Mhamed]

ان شاء الله ربي يفرج عليك اكثري من الذكر و الاستغفار فهم مفتاح الفرج