عيوب سيارة 301

[عبد الفتاح8]

سلام الله عليكم أما بعد :
عندي سيارة بيجو 301 بصح وصلتني إشاعة بلي فيها مشكل معا la chainne يقولك مصنوعة من البلاستيك وقابلة للكسر بسرعة وإلي يتنج عليها تخريب عدة قطع في المحرك مما تكلف حوالي 12 مليون فما مدى صحة هاته الإشاعة وهل يوجد حقا من تعرضو لهذا المشكل أفيدونا ربي يجازيكم

[Kob-Tiarti]

يفيدوك باقية الاخوان لاني ماعنديش علم بهذا الشئ ، لكن الذي اعرفه ان هناك عيب مصنعي في ال 301 اللي تعمل بالمازوت.

[julien2013]

ايه سمعتها الاشاعة هاذي بصح والله ما نكذب عليك..
حبيت نعرف la finition تاعك وشنهي؟ active access wella allure

[ooraoufoo]

خويا ماديرش على الهدرة تاع الناس علاه هذا لخدم الموتور ما يخممش انا عندي 208 نفس محرك بنزين و لا شان ****llique معنتها متتكسر ما تتبدل

[ام ايمن17]

انا كنت باغي نهبل عليها خاصة كي سقتها وفيها لكرو تاكتيل و لكن الحمدلله ما شريتهاش على جال العطب الي خرج فيها
و على جال هذي الهدرة تحبط في السوق
اقرا تعرف
https://www.elbilad.net/article/detail?id=9581

[ramzi-messi]

active access wella allure

واش معناها خويا و بغيت نعرف 301 واش فيها البنزين و المازوت و شكون لي خير

[julien2013]

وش رايكم فيها مليحة ولا والو؟

[karimzak]

يلزم تعرفوا أن الإشاعات 90 في المئة بكري دارو إشاعات على السامبول وقبلها على الداسيا وعلى 207 وياريس تويوتا غيرة برك لأنهم مشاو في البيع ومن بعد اكتشفنا أن وكلاء السيارات يديرو في الاشاعات باه تحبس الحاجة الماشية.
الإشاعات هذي نفسها لي حدثت في الثمانينات والتسعينات في أوربا.
كل السيارات فيهم عيوب لكن قليلة حتى السبارات العالمية.
وزيد ماهمش خادمهم عربي الحمد لله. ههههههههه

[2haitham]

انا عندي من 2013 ما شفت منها حتى مشكل

[Ayad3]

المشاركة الأصلية كتبت بواسطة karimzak

يلزم تعرفوا أن الإشاعات 90 في المئة بكري دارو إشاعات على السامبول وقبلها على الداسيا وعلى 207 وياريس تويوتا غيرة برك لأنهم مشاو في البيع ومن بعد اكتشفنا أن وكلاء السيارات يديرو في الاشاعات باه تحبس الحاجة الماشية.
الإشاعات هذي نفسها لي حدثت في الثمانينات والتسعينات في أوربا.
كل السيارات فيهم عيوب لكن قليلة حتى السبارات العالمية.
وزيد ماهمش خادمهم عربي الحمد لله. ههههههههه

************************************************** ************************************************** ************************************************** *****
للأسف الشديد هذه ليست اشاعة العطب موجود في بيجو 301 1.2e بنزين
وراجت أنباء عن تعرض محرك سيارة ”بيجو301 /1,2 بنزين” الفرنسية الأصل وشقيقتها ”سيتروين سي إليزي”، اللتان لم تمض سوى سنة واحدة على ولوجهما عالم سوق السيارات، بسبب عطب مفاجئ لما تحتويانه السيارتين من قطع غيار غير صالحة تسمى بـ ” بكرة عمود الحدبات” أو La Poulie de l’Arbre à came، مما يؤدي إلى وقوع أضرار جسيمة بالمحركاذا لم تصلح بحكم أن تصميمه جاء مطابقا لطراز السيارتين، حيث أكدت مصادر مختصة أن العطب يسبب التوقف المفاجئ والسريع له متسببا في حدوث ما لا يحمد عقباه،
لكن هذا العطب قد تم التغلب عليه باكتشافه و تم استدعاء أصحاب هاته السيارات الى ورشات بيجو في كل الولايات و العملية لا تتجاوز عمل 03 ساعات داخل الورشة لي صديق له 301 وقد تم اصلاحها و هي الان عنده وقال لي بأن كل شيئ على مايرام تحكم جيد في الطريق راحة الراكبين ..............الخ

[Ayad3]

المشاركة الأصلية كتبت بواسطة ramzi-messi

active access wella allure

واش معناها خويا و بغيت نعرف 301 واش فيها البنزين و المازوت و شكون لي خير

أخي حسب علمي الاختلاف في الثلاثة هو les obtions فالترتيب تصاعدي access ثم active ثم allure
فمثلا يشتغل المبرد في active يدويا بينما في allure فهو ألي. أضواء ضد الضباب غير موجودة فيacces و أشياء أخرى
أما فيما يخص سؤالك الثاني فيوجد فيها البنزين و المازوت أما شكون لي خير ههههه
ذلك حسب ذوقك أنت و كفائتك و راحتك في سياقة سيارات البنزين أو المازوت.

[sabri2012]

ربي بارك فيكم خاوتي

[ramzi-messi]

االه يحفظكم . شحال راهي واصلة 301 درك جديدة من la maison ؟

[amineunited]

شكرا لك اخي العزيز جميل جدا بارك الله فيك نورت المنتدى
العاب سيارات جديدة

[zineeddine721]

المشاركة الأصلية كتبت بواسطة عبد الفتاح8

سلام الله عليكم أما بعد :
عندي سيارة بيجو 301 بصح وصلتني إشاعة بلي فيها مشكل معا la chainne يقولك مصنوعة من البلاستيك وقابلة للكسر بسرعة وإلي يتنج عليها تخريب عدة قطع في المحرك مما تكلف حوالي 12 مليون فما مدى صحة هاته الإشاعة وهل يوجد حقا من تعرضو لهذا المشكل أفيدونا ربي يجازيكم

ماهيش إشاعة كلامك صحيح مشكل تاع لاشان
أنا صرات لي مع 301 تاعي وكيغير خدمتها في عنابة وراني نبيع فيها
مزية ما زالت الكروسة في الضمان la garentie