موضوع حيرني ارجو التفاعل

جولنار1000 · 2009-12-29, 13:57

انا عندي اشكال محيرني راح نطرح هذا الموضوع ونتمنى الجميع يتفاعل

لماذا الرجل او الشاب عندما يريد الزواج اغلبهم اصبح يتطلع للمثقفة او بالاحرى اللي قرات في الجامعة بغض النظر عن مستواه الدراسي كاين اخرين ماكملش حتى المرحلة الابتدائية ويخطبها سايي او حتى يتزوجو خلاص ثم يولي يقول انا شرطي تقعدي في الدارماتكمليش قراية ويبقى هذا موضوع مجادلة بينهم ممكن يوصل حتى للفراق وممكن تكون كملت قرايتها لكن يفاجئها بانو يرفض تخدم اوحتى تكون حكمت خدمة ويطلب منها تبطل ممكن هي تكون طبيبة او معلمة او ممرضة .....وهو يحب يقعدها في الدار علاه البخل راهي راح تفيد المجتمع ويقول راني كافيك ماكان لاه الخدمة انا مانيش نشوف الخطأ او المشكل في العلاقة عادي لكن المشكل المطروح هو اذا كان حاب الللي تقعد في الدار علاه مايخطبش وحدة قاعدة في الدار اصلا كاين بنات بزاف ماكملوش قراية وقاعدين في الدار وكاين قاريات وقاعدين في الدار علاه يروح للي تقرا او تخدم و يقولها بطلي؟؟ او علاه يشرط على وحدة قارية يقولها ماتخدميش علاه قرات؟؟؟؟؟؟؟؟؟ ماتقولوش كاين حب او عجباتو هي وهو قادر يوفرلها كل شئ علاه تخدم ؟ لانو اللي يحب وحدة او تعجبو يضحي شوي ومايحطش هذا الامر قضية فاصلة يا تقبل ياينفاصلو

ويبقى السؤال؟؟؟؟؟لماذا؟؟؟؟؟ لماذا؟؟؟؟ لماذا ؟؟؟؟؟

*أنسام*الجنة* · 2009-12-29, 17:43

السلام عليكم ورحمة الله

يا أختي راني كيفك

يسبوا بنات الجامعه وانهار الي يحب يزوج يشوف وحدى جامعيه

مايحبش الي تخدم ونهار الي يحب يزوج يشوف وحدى تخدم

راني نستنى في الاجابه منهم يفهمونا في عقليتهم كيفاه هادي

simsima687 · 2009-12-29, 18:47

الي حب وحده قاعدة فدار يديها من لولى قاعدة فدار. مشي يروح لوحده اعلى مستوى او منبعد يقولها قغدي فدار..... و الله ينارفو
حاابسين بصح الغلطة فلي تقبل

simsima687 · 2009-12-29, 23:50

اقتباس:

المشاركة الأصلية كتبت بواسطة yayagoal

السلام عليكم
أنتي مشكورة على طرح الموضوع
هناك من الرجال من يخشى و يخاف على زوجته خاصة في مكان العمل وما تتعرض له النساء من مضايقات و تحرشات لا تقوى عليها.بدافع حماية شرفها و الغيرة عليها ( و الله يا ختي اللواحد و لا يحشم يخرج حتا مع يماه لا قدر و لا حشمة ربي يهدينا اجمعين)
فالمجتمع اليوم أصبح لا يحترم لا المتزوجة و لا المطلق و لا الأرملة و النظرة إلى النساء تبقى دائما ناقصة.
هناك من الرجال من يرى ان مكان المرأة هو البيت و هذا رأي المتشددين و اللذين لديهم مركب نص و يرى أن دور المراة يتمثل في رعاية شؤونه و تربية الأطفال
c'est a dire femme de menage + nourrisse c'est très grave .
اما فيما يخص إختيار المثقفة فاكيد ان الرجل يأمل في أن يتشبه أولاده بأمهم (يخرجو قاريين ليماهم) كما تتحمل ايضا مسؤولية تعليمهم و متابعتهم في حياتهم الدراسية
إحتراماتي لكم

ا
خويا لي يخاف على مرته يروح يدي وحده قاعده فدار. علاه يروح يدير فلمشاكل لوحده مسكينه تعبت و جدها نقلع باه قرات. يجي هو يقولها قعدي فدار نخاف عليك و الله لغايهه هو يخاف عليها و امها و بوها ما يخافوش عليها هو غادي يحبها كثر من والديها عيش تسمع
الرجل بطبعه يحب السيطرة و تغيضه كي مرته متكونش محاتجه ليه ماديا امالا لازم دايمن تكون قل منه و الحل تقعد فدار باه كي جي رايحة للحمام تقوله عطيني 50 دج ايا هو يحسب روحه صاي راه راجل و نص .............و الله رجال اخر زمن

dr.sirine · 2009-12-30, 14:42

صح تقرا ومبعد يقولها اقعدي في الداررر انا مانقبلهاش

yayagoal · 2009-12-30, 17:22

و الله رجال اخر زمن ؟؟؟؟؟؟ اظن أن الموضوع مطروح للنقاش و كل حر في الإدلاء برأيه بإحترام و ليس بالسب و التجريح .

منى · 2009-12-30, 17:32

أختي العزيزة أنا عندي عادي جداا أنو الوحدة كي تزوج تحكم بيتها و خاصة تلها تربي ولادها.. أنا مع هذا النوع من الرجال،، المرا في بلاصتها الطبيعية و الراجل في بلاصتو الطبيعية... الرجال ممكن يختارو في الجامعيات لأنهم مثقفات عموما.. و ميش معناها الوحدة راها تقرى غير باش تخدم تقدري تقراي على جال المستوى و الثقافة الي تفيدي بيهم أولادك.. بالنسبة ليا أسمى و أروع ديبلوم تديه المرأة في هذي الدنيا هو أولاد متربين و صالحين و ما نحكيلكش على أولاد النساء العاملات.. كاين لي ولادهم بداو الدخان في عمر 12 سنة و كاين لي واصلين حتى للزطلة..وووووو.... أنا نضن أنو المرأة العاقلة كي تزوج تحكم بيتها وحدها بلا ما يقولهالها واحد و تربي وليداتها أكيد راه يحاسبها ربي عليهم.. و من جانب الرزق راه على ربي إلا راه عاطيك ربي راكي تعيشي ملكة و إلا موش عاطيك كون تعودي رئيسة جمهورية ما تلحقيش... و ربي يسهل للجميع

منى · 2009-12-30, 17:36

شوفو برك حلاوة أمهاتنا في البيت كيفاش معمرين بالأنوثة و اللطافة على عكس العاملات يضلو يجرو برا و في الدار و ماهم لاحقين والو...

جولنار1000 · 2009-12-30, 18:16

اقتباس:

المشاركة الأصلية كتبت بواسطة *أنسام*الجنة*

السلام عليكم ورحمة الله

يا أختي راني كيفك

يسبوا بنات الجامعه وانهار الي يحب يزوج يشوف وحدى جامعيه

مايحبش الي تخدم ونهار الي يحب يزوج يشوف وحدى تخدم

راني نستنى في الاجابه منهم يفهمونا في عقليتهم كيفاه هادي

وعليكم السلام ورحمة الله وبركاته
شكرا اختي الكريمة على المرور صح انا ثاني راني نستنى في الاجابة لكن لاحياة لمن تنادي واحد ماعبرنا!!؟؟؟
راكي زدتي طرحتي موضوع اخر كنت راح نخصصو للنقاش يعطيك الصحة والله ماعلبالي علاه يسبو بنات الجامعة على اساس يحبو الحرية والمكياج الصارخ واللباس الفاتن والالوان و.......وهذي كلها حجج طبعا انا نحترم كل وحدة لانو تبقى دائما هذي فترة خاصة والصغر وكل وحدة تحب تعيش هذه المرحلة وهذا مايقللش من احترامها او اخلاقها لكن ربما كلنا لاحظنا بلي كاين بنات حاطين على رواحهم صح يعني مايستعملوش مكياج ولباسهم محتشم لكن والله واحد مايعبرهم الا نادرا ويجريو وراء الحطة وراني نقصد يجيوها للزواج طبعا ليس من اجل العلاقات العابرة لانو هديك في نظري ماعندها حتى معنى والله هذه حقيقة رانا نشوفو فيها وش رايك اختي وكي تقبل يولي ماتلبسيش هدي وديري نقاب و...دائما يجعلهم الرجل مواضيع فاصلة يعني ياتقبل يايخليها وزعمة بحكم انو يحافظ عليها ووو.... وعلاه من الاول مايروحش لوحدة بتلك المواصفات هذي اللي نحب يفسروهالي

جولنار1000 · 2009-12-30, 18:25

اقتباس:

المشاركة الأصلية كتبت بواسطة simsima687

الي حب وحده قاعدة فدار يديها من لولى قاعدة فدار. مشي يروح لوحده اعلى مستوى او منبعد يقولها قغدي فدار..... و الله ينارفو
حاابسين بصح الغلطة فلي تقبل

شكرا اختي على مرورك يعطيك الصحة هذا هو الكلام الزين الواحد لازم يكون واضح من الاول ومن الاول اذا شرط عليها ووافقت عادي لكن انو يتخطبو او تمشي الحكاية بينهم ثم يخليها نقطة فاصلة والله حرام

جولنار1000 · 2009-12-30, 18:32

اقتباس:

المشاركة الأصلية كتبت بواسطة simsima687

ا
خويا لي يخاف على مرته يروح يدي وحده قاعده فدار. علاه يروح يدير فلمشاكل لوحده مسكينه تعبت و جدها نقلع باه قرات. يجي هو يقولها قعدي فدار نخاف عليك و الله لغايهه هو يخاف عليها و امها و بوها ما يخافوش عليها هو غادي يحبها كثر من والديها عيش تسمع
الرجل بطبعه يحب السيطرة و تغيضه كي مرته متكونش محاتجه ليه ماديا امالا لازم دايمن تكون قل منه و الحل تقعد فدار باه كي جي رايحة للحمام تقوله عطيني 50 دج ايا هو يحسب روحه صاي راه راجل و نص .............و الله رجال اخر زمن

شكرا اختي على المشاركة راني معاك وش قلتي راك عندك وجهة نظر رائعة في الموضوع علاه يروح يدير فلمشاكل لوحده مسكينه تعبت و جدها نقلع باه قرات؟؟؟؟؟؟؟؟؟؟؟؟؟؟؟؟؟وهذا سبب يخلي المرا تخدم هديك 50 دج خاصة اذا حافظ الميم ماعنديش استناي حت نسلك.....

جولنار1000 · 2009-12-30, 18:56

المشاركة الأصلية كتبت بواسطة yayagoal
السلام عليكم
وعليكم السلام
أنتي مشكورة على طرح الموضوع
العفو اخي والله الموضوع حقيقة محير وانا ايضا اشكرك على المرور
هناك من الرجال من يخشى و يخاف على زوجته خاصة في مكان العمل وما تتعرض له النساء من مضايقات و تحرشات لا تقوى عليها.بدافع حماية شرفها و الغيرة عليها ( و الله يا ختي اللواحد و لا يحشم يخرج حتا مع يماه لا قدر و لا حشمة
والله لازم تكون الثقة اولا والمضايقاتاو التحرشات قادرة تتعرض ليها حتى لو كانت معاه وممكن مايقدر يدير والو حط في بالك اخي والله والله والله شخصية المراة راهي تلعب دور اساسي في الموضوع ممكن تكون تخدم في وسط كلو رجال لكن شخصيتها تخليهم يحتارموها وحتى النظرة مايتجرؤش يشوفو ليها
ربي يهدينا اجمعين)
امييييييييييييييين
فالمجتمع اليوم أصبح لا يحترم لا المتزوجة و لا المطلق و لا الأرملة و النظرة إلى النساء تبقى دائما ناقصة.
صدقني وتيقنبلي والانسان هو اللي يفرض على الناس باش يحترموه ومهما كان المجتمع راهو افراد وكل واحد عندو يماه اختو زوجته بنتو لازم عليه دائما يشوف للنساء من هذاك المنظار وزيد اللي يصدر منو مايسيء للمراة هداك راه حالة شاذة والشاذ لايقاس عليه
هناك من الرجال من يرى ان مكان المرأة هو البيت و هذا رأي المتشددين و اللذين لديهم مركب نص و يرى أن دور المراة يتمثل في رعاية شؤونه و تربية الأطفال
c'est a dire femme de menage + nourrisse c'est très grave
صح عندك الحق كل واحد عندو وجهة نظر راهي على العين والراس لكن الاشكال يبقى دائما مطروح يحب وحدة قاعدة في الدار من الاول يروح لوحدة قاعدة في الدار علاه يروح لوحدة مفنية سنين عمرها في القراية ويوقفلها في الطريقاو من الاول يشرط ماشي يخليها مشكل فاصل.
اما فيما يخص إختيار المثقفة فاكيد ان الرجل يأمل في أن يتشبه أولاده بأمهم (يخرجو قاريين ليماهم) كما تتحمل ايضا مسؤولية تعليمهم و متابعتهم في حياتهم الدراسية ايه شفت كي تقعد في الدار تولي قرايتها الغداء والعشاء والغسيل وحليب الاولاد.......
إحتراماتي لكم

جولنار1000 · 2009-12-30, 19:01

اقتباس:

المشاركة الأصلية كتبت بواسطة dr.sirine

صح تقرا ومبعد يقولها اقعدي في الداررر انا مانقبلهاش

شكرا اختي على المرور يعطيك الصحة

جولنار1000 · 2009-12-30, 19:06

اقتباس:

المشاركة الأصلية كتبت بواسطة yayagoal

و الله رجال اخر زمن ؟؟؟؟؟؟ اظن أن الموضوع مطروح للنقاش و كل حر في الإدلاء برأيه بإحترام و ليس بالسب و التجريح .

ايه الموضوع دائما راه مطروح للنقاش ونحترم جميع الاراء وكل واحد حر في الادلاء برايه لانو موضوع قاس الكثير من الناس على حد سواء الرجل او المراة لهذا نحاولو نمدو اراءنا عسى ان يفستفيد الجميع شكرا

جولنار1000 · 2009-12-30, 20:19

أختي العزيزة أنا عندي عادي جداا أنو الوحدة كي تزوج تحكم بيتها و خاصة تلها تربي ولادها.. أنا مع هذا النوع من الرجال،، مشكورة اختي على المشاركة لكن تبقى هدي حرية شخصية يطلب منك توافقي انت اصلا تبالي ماتهمكش الخدمة ليست ضرورية لديك يعني ماعندكش مشكل وتبقاي حبيبتي حالة خاصة لكن الاشكال انو لوكان عندك رغبة ويخيرك بينتنفيذ القرارو استمرار العلاقة؟ المرا في بلاصتها الطبيعية و الراجل في بلاصتو الطبيعية...
يبقى دائما المشكل في الزمان تغير يتعاونو في 2 ومانعرف
الرجال ممكن يختارو في الجامعيات لأنهم مثقفات عموما..و ميش معناها الوحدة راها تقرى غير باش تخدم تقدري تقراي على جال المستوى و الثقافة الي تفيدي بيهم أولادك.. منين تجي الثقافة تقعدي في الدار شغل الدار والمسلسلات اللي تقرايه كامل باي وزيد الفراغ يشغلك بحوايج تافهين وانا ضد وحدة قاعدة في الدار لاخدمة لا قراية وتظل برا عندي الخرجة كي تكون لازم بهدف لكن العكس كي تكملي القراية الهدف راهو واضح تزيدي في الثقافة وتحسني وضعك في العمل (ماجيستار او دكتوراه)واذا تخدمي دائما تحتكي بالناس وهذا وحدو كافي باش تجددي تفكيرك ومايكونش عندك وقت للتوافه دائما
بالنسبة ليا أسمى و أروع ديبلوم تديه المرأة في هذي الدنيا هو أولاد متربين و صالحين

صح هدي نوافقك فيها
و ما نحكيلكش على أولاد النساء العاملات.. كاين لي ولادهم بداو الدخان في عمر 12 سنة و كاين لي واصلين حتى للزطلة..وووووو....
كي تكوني منظمة وقادرة صح والله توفقي بين الاثنين وانت هانية وهدا المشكل يرجع للتربية كل واحد وشخصيتو واللي يربي اولادو صح ويعيشلهم باذن الله يخرجو صالحين يما نساء قاعدات في الدار واولادهم مانحكيلكش عليهم التربية هي الصح
أنا نضن أنو المرأة العاقلة كي تزوج تحكم بيتها وحدها بلا ما يقولهالها واحد و تربي وليداتها
ايه لكن ماتتخايرش
أكيد راه يحاسبها ربي عليهم.. يحاسب الام اللي تخدم واللي قاعدة وماتنسايش الاب
و من جانب الرزق راه على ربي إلا راه عاطيك ربي راكي تعيشي ملكة و إلا موش عاطيك كون تعودي رئيسة جمهورية ما تلحقيش... و ربي يسهل للجميع اكييييييييييييد ربي سبحانو يرزق حاولي تفهميني حبيبتي لانو الاشكال اللي طرحتو ليس هنا عموما شكرا لك استمتعت بمناقشتك