قصة الطفولة والقيلولة

*جوداء* · 2009-06-16, 15:01

السلام عليكم
القيلولة من الذكريات الجميلة في طفولة كل واحد
يعني بيناتنا
**( كيفاش كانت ام كل واحد تعمل معاه باش يدخل يرقد وقت القيلولة)
هيا....فرصة لكشف اسرار الطفولة...
**بالنسبة ليا كانت تقولي يجي ليك شيخ الكانون
لكن لحد الان مازلت ماشفتوش هذا شيخ الكانون...بليز اللي عندو عليه معلومات يخبرني بليييييز

dafyaaz · 2009-06-16, 15:41

انا كنت نرقد بلا ما تجي امي مسكينة الله يخليها لي
وعندما التقي شيخ الكانون غادي نهدر معاه باه يجيك اختي شيرازهههههههههههههههههههههه

ratibal · 2009-06-16, 15:51

انا كنت نرقد ماما
من بعد نروح نوصي شيخ الكانون على الاطفال الي كيفك يلقطهملي
و يعلقهم من رجليهم ونا نروح نعذبهم ههههههههههههه
من بعد نروح انا وشيخ الكانون يشريلي الحلوة ونرجع لدار فرحانة
وهكذا حتى يكبر الاطفال هههه

*جوداء* · 2009-06-16, 16:31

اقتباس:

المشاركة الأصلية كتبت بواسطة ratibal

انا كنت نرقد ماما
من بعد نروح نوصي شيخ الكانون على الاطفال الي كيفك يلقطهملي
و يعلقهم من رجليهم ونا نروح نعذبهم ههههههههههههه
من بعد نروح انا وشيخ الكانون يشريلي الحلوة ونرجع لدار فرحانة
وهكذا حتى يكبر الاطفال هههه

هههههههههههههههه
تشري الملح

*جوداء* · 2009-06-16, 16:32

اقتباس:

المشاركة الأصلية كتبت بواسطة dafyaaz

انا كنت نرقد بلا ما تجي امي مسكينة الله يخليها لي
وعندما التقي شيخ الكانون غادي نهدر معاه باه يجيك اختي شيرازهههههههههههههههههههههه

جاتني اخبار بلي راه عضو معانا فالمنتدى هههههه
شكرا

/زهرة عصفور الجنة/ · 2009-06-16, 16:37

في الحقيقة كنت اكره القيلولة والان لا ارغم اولادي عليها منى لا تحبها وياسين ربي يحفظو يقول لي انا تعبان وينام حتى وان كان وحده ولا احي فكرة ارعاب الاطفال لان اطباء النفس يولون اذا هددت الطفل فيجب ان تنفذ تهديدك اذا قام الطفل بشيء مزعج تخيلو نقولو جيك الغولة ويقولي اين هي.وفعلا حدثت هذه الحادثة مع ابنة فريبة لي نقول لها نامي سيأتي الثعيان ويلتهمك تقول اراه لبرهة بعدها سأنام ههههه

اليتيمة العصماء · 2009-06-16, 17:06

انا ماكنتش نحب نرقد و امي لا ترغمني هههههههه

*جوداء* · 2009-06-16, 18:01

اقتباس:

المشاركة الأصلية كتبت بواسطة أم منى وياسين

في الحقيقة كنت اكره القيلولة والان لا ارغم اولادي عليها منى لا تحبها وياسين ربي يحفظو يقول لي انا تعبان وينام حتى وان كان وحده ولا احي فكرة ارعاب الاطفال لان اطباء النفس يولون اذا هددت الطفل فيجب ان تنفذ تهديدك اذا قام الطفل بشيء مزعج تخيلو نقولو جيك الغولة ويقولي اين هي.وفعلا حدثت هذه الحادثة مع ابنة فريبة لي نقول لها نامي سيأتي الثعيان ويلتهمك تقول اراه لبرهة بعدها سأنام ههههه

حنا كنا نية بزاف ومازلنا هكذا ست نوال اللي يقولوهالنا نصدقوها
لكن الاطفال اليوم ماتقدريش تفوتيها عليهم
راهم يطيروا
ربي يحفظلك منى وياسين

*جوداء* · 2009-06-16, 18:13

اقتباس:

المشاركة الأصلية كتبت بواسطة fati-fleur

انا ماكنتش نحب نرقد و امي لا ترغمني هههههههه

كنتي تضلي طالقة شعرك وتجري فالطريق ههههههههههه

أمـ جيجل ــال · 2009-06-16, 23:08

السلام عليكم ورحمة الله وبركاته :

أنا يا أختي شيراز نشفى على روحي كنت نرقد أنا وأختي بالسيف علينا ماما وخواتي مايخليوناش نتفرجوا أفلام الرسوم المتحركة لي كانت تعدي يوم الإثنين وكنا أحنا حاطين روحنا فوحلين نقعدو نهدرو بالشويا وحد الساعة هكدك ومبعد نحبكو عيونا قبالا ونجيو خارجين من البيت حاطين روحنا شاطرات بصح دايما يفيقونا ويردونا للغرفة ويحطو العود قدام الباب باش نخافوا ونرقدو بصح والله كانت معضم قيلولاتنا نرقدوهم خاطر ماعندنا مانديرو واحنا محبسين في الغرفة لازم نرقدو بيش نتفرجو الرسوم المتحركة على 5 شكرا لك

''أسيل'' · 2009-06-16, 23:09

شيخ الكانون ههههههههههههههههههه
اول مرة نسمع بيه بصح باين على حسابها دونجي

إبتسامة أبي · 2009-06-16, 23:12

أنا لم تكن أمي تتعب في جعلي أنام
كاما تقولو جدتي شكارة الرقاد نحب نرقد كي كنت صغيرة
بصح نهار نحرن منحبش نرقد إما تحزني وتقعد تدوح بيا ولا تقولي يجيك شيخ القايلة
ولاكن كي زدت كيما تعرفو بلي في 94 صرات حملة واكنو يشربولي دواء تاع رقاد حتان طلعت لصبيطار منو ربي يهديهم قريب قتلوني
وجدة كانت تغنيلي كانت تقول لماما بنتك تسمعني نغني ترقد بابا يقوللها خافت من صوتك حسباتك شيخ القايلة

*جوداء* · 2009-06-16, 23:13

اقتباس:

المشاركة الأصلية كتبت بواسطة amal jijel

السلام عليكم ورحمة الله وبركاته :

أنا يا أختي شيراز نشفى على روحي كنت نرقد أنا وأختي بالسيف علينا ماما وخواتي مايخليوناش نتفرجوا أفلام الرسوم المتحركة لي كانت تعدي يوم الإثنين وكنا أحنا حاطين روحنا فوحلين نقعدو نهدرو بالشويا وحد الساعة هكدك ومبعد نحبكو عيونا قبالا ونجيو خارجين من البيت حاطين روحنا شاطرات بصح دايما يفيقونا ويردونا للغرفة ويحطو العود قدام الباب باش نخافوا ونرقدو بصح والله كانت معضم قيلولاتنا نرقدوهم خاطر ماعندنا مانديرو واحنا محبسين في الغرفة لازم نرقدو بيش نتفرجو الرسوم المتحركة على 5 شكرا لك

زعما تخرجو سونسمير هههههههه
بصح عندها طعم خاص القيلولة تاع الطفولة
شكرا لك امل على الرد

*جوداء* · 2009-06-16, 23:16

اقتباس:

المشاركة الأصلية كتبت بواسطة أمينة34

أنا لم تكن أمي تتعب في جعلي أنام
كاما تقولو جدتي شكارة الرقاد نحب نرقد كي كنت صغيرة
بصح نهار نحرن منحبش نرقد إما تحزني وتقعد تدوح بيا ولا تقولي يجيك شيخ القايلة
ولاكن كي زدت كيما تعرفو بلي في 94 صرات حملة واكنو يشربولي دواء تاع رقاد حتان طلعت لصبيطار منو ربي يهديهم قريب قتلوني
وجدة كانت تغنيلي كانت تقول لماما بنتك تسمعني نغني ترقد بابا يقوللها خافت من صوتك حسباتك شيخ القايلة

هههههههههههههه
كانو يرقدوك كي كنتي صغيرة وكي كبرتي نضتي لينا
اعطيني اسم الدوا اللي عطاوهولك باه نشريه ونعطيهلك

وردة الجزائر كوثورة · 2009-06-16, 23:23

انا جداتي ترقدني بسيف وتقولي يا ترقدي يا والله العشية ما تروحيش معانا وبما اني نحب نخرج نولي نرقد