تابع هل ظلمتها؟

[مشكلتي]

السلام عليكم ورحمة الله وبركاته
شكرا لكم على النصائح و للتوضيح أنا لست ضد عملها قبل الزواج وأساسا لا أملك حق منعها مادامت في دار باباها انا قلتلها تكملي كيما تبغي الخدمة وتجهزي روحك لكن بعد الزواج استحالة نقبل بالخدمة لكن هي على حسب ما فهمت لا تريد التفريط في الزواج ولا في الخدمة يعني حاكمة من الجهتين وتريد أن تقنعني بالعمل وحتى راهي معايا في نفس المؤسسة انا ادرى منها بعقليات الرجال ونظرات الخبث اللي في عينيهم وقلتلها هذا الكلام و تأكدت أنها مازالت صغيرة في عقلها ومستهينة ومتساهلة او ساذجة لا أدري بالضبط انا نشوف اني ما ظلمتهاش انا كنت نحب نحط النقاط على الحروف من الاول وهي كانت تحبني نحكي معها ونسال عليها ونعيشوا رومنسية كيما الناس وكلما نحب ناقش موضوع العمل تحاول تبدل الموضوع او تزعف وتزيد ترجع وحدها انا صح تعلقت بيها ومشيت معاها في الخط لكن كنت حاب تكون الامور في اطار رسمي وحلال وتكون اتفاق على الامور الاساسية كيما العمل وما نأجلش الأمور لأني راح نتعلق بيها أكثر وبعد نندم وكيما قلتلها في رسالتي الأخيرة الحب وحدو ما يبنيش ديار وانا مستعد نتقدملها ومازالني متسمك بيها اذا قبلت انها تحبس الخدمة بعد الزواج مباشرة
شكرا لكم ويعطيكم الصحة على النصائح ونتمنى تفهموني أكثر