هنا دخول جميع طلاب المراسلة يدا بيد

hamza touazi · 2012-05-02, 10:38

السلام عليكم حبيت نعرف مدا بيا كل واحد يحكينا وقتاش دخل الدراسة بالمراسلو وشحال من سنة واعطونا امثلة من واقعكم ومن ناس تعرفوهم درسو بالمراسلة ودخلة الجامعة نتمناو كمل ندخلة الجامعة الممهم انا متلا حبست فالبيام خصتني مقطة محبيتش نعاود غاظتني عمري علاجال نقطة خرجت سجلت بالمراسلة طلعوني ديركت اولى ثانوي درست عامين علمي للاسف كنت منهار ومعلاباليش كمل بالقرايا عاوتهم ومبعد رجعت ادبي الحمد لله زيرت شوي نجحت جبت المعدل 11ولله الحمد والله يناس تفائلو ياك وبنعمة ربك فحدث والله مكنت واجد مي طليت شوي عالكتب وكنت متفائل ودعةت امي والحمد لله دورك راني سنة ثانية وامنيتي نكمل ونطلع للباك ادعولي راني حايف هاد المرة مي نشاء الله ننجحو كمل تحياتي حمزة براقي الجزائر العاصمة

انارة · 2012-05-02, 12:15

عندي أختي شجعتها باش تدخل المراسلة هذا العام الرابعة متوسط قولي خويا شحال معدل النجاح راها خايفة ما تنجحش للاولى ثانوي

Mohamed-islam · 2012-05-02, 16:07

معدل النجاح فالمراسلة العام الي فات كان ب.9

انارة · 2012-05-02, 16:24

وهل يتم الحساب بالمعاملات مثل شهادة التعليم يعني العربية* 5 الرياضيات*4

نجاح03 · 2012-05-02, 17:56

انا عندي عامين عقبت ومنجحتش وهذا العام الثالث رايحة نعقب ادعولي وجزاكم الله كل خير

hamza touazi · 2012-05-03, 12:15

شكرا لردودكم الرائعة ربي ينجحنا كمل نشاء الله من الناجحين وهدا دليل على حبكم النجاح ايه في معاملات لكل مواد وانا اشك الامتحان راح يطيحنا من الفروظ والله اعلم راجعوهم مليح خاوتي

mer ilham · 2012-05-03, 14:02

أنا نجحت في bem بلوحة شرف أنا ثاني عقبت عامين علمية و ما نجحتش بسبب التهاون في المراجعة بصح هاد لعام حابة ننجح ,لأنو الإنسان بالإرادة يقدر يحقق كل آمالو أنا نعرف ياسر ناس قدرو يوصلوا بالمراسلة,نتمنى حنا ثاني نكونو منهم يا رب.

hamza touazi · 2012-05-05, 08:58

نشاء الله الهااام من فمك لربي كمل نوصلو تغيظني عمري كي نشوف ناس رايحين للافاك ونا للخدمة لازم نوصلووووو واش خصنا حنا

الأميرة ميمي · 2012-05-06, 19:08

ان شاء الله كامل ننجحو
انا تاني كيما راك تقول غاضتني عمري خصرت البيام ب 9.95 ايا قلت والله مانزيد حبس 5 سنين ايا وليت طلعوني ديراكت سنة اولى تانوي
من بعد ديت العام الاول ب 10.85 مع عاونوني شوية فروض
ربح السنة تانية تانوي اداب وفلسفة خسر رغم كنا ندير الفروض
وراني نعاود وراني خايفة مانطلعش سيرتو مكانش كامل الفروض لي يعاونونا
دعيونا

hamza touazi · 2012-05-07, 08:23

اه ميمي راكي كما انا اختي مي علاش ميمي انا دوك راني ثانية اداب وفلسفة احكيلي كيف كان الجو واعرة واش من مواد لمحدمتيش فيهم وراكي ديري ليكوغ او لا

الأميرة ميمي · 2012-05-07, 11:12

واش نقولك تفائل خير كيما نقولك
ادا لقيت لي يعاونك فنقيلة ماتخممش
انا شوف الفلسفة جبت فيها 12 العام لي فات العربية 10
صوالح لحفيظة ماجبتش بارسكو لي حفظنهم ماطاحوش الرياضيات غترت جبت ربعة فرونسيواللونجي انا شوية تقيلة فيهم

hamza touazi · 2012-05-07, 11:42

اييه راكي هايلة الله يبارك كفاش فهمتي الفلسفة الله يبارك الله يسترك ياميمي قوليلي كفاش دخلت الفلسفة فراسك هديك نقطة ظعفي واللغات خليها على ربي ملي بدا العام ونا نقرا فرونسي ليكوغ ومفهمتهاش الانجلش درت شوي حصص تدعيم ومزال مفهمتهاش ربي يجازيك ختي ميمي كنتبي فقوقل منتدى طلاب المراسلة راني حليت منتدى فيه دردشة ارواحي دخلي تعاونيني هنا مكاش دردشة

الأميرة ميمي · 2012-05-07, 13:32

اوكي غادي ندل
بصح انا عندي كراس حفظت منو
مي نحاول نعاونك

الأميرة ميمي · 2012-05-07, 13:33

عطيني الرابط نيشان خرجولي بزاف

hamza touazi · 2012-05-07, 13:36

ميمي هنا ممنوع نحطو روابط المنتدى https://onefd.forumalgerie.net/ منتدى طلاب الديوان الوطني للتعليم والتكوين عن بعد الرسمي