سؤال في العلوم

[المُعادلة الصّعبة]

السلام عليكم
كيف احوالكم اخوتي
اود سؤالكم
في الوحدة الاولى في العلوم الطبيعية
هل يجب حفظ الرسومات الخاصة بـ بنية جزيئ ARNm و حمض الفوسفور و النكليوتيدات و السكر الخماسي وو... ام لا ؟
لانني قد وجدتها صعبة قليلا في الحفظ ..هل هو مقرر علينا حفظها و هل اتت من قبل كسؤال في البكالوريا ام لا؟
أفيدوني بارك الله فيكم

[الحالمّــة]

لا اظن ذلك فقط احفظي موقع الكربون في السكر الخماسي و موقع الارتباط بالنكليوتيدة
+ هل يمكنك تفريغ صندوق الرسائل اريد ان نتواصل ان امكن؟

[المُعادلة الصّعبة]

المشاركة الأصلية كتبت بواسطة محطمة المستحيل

لا اظن ذلك فقط احفظي موقع السكر الخماسي و موقع الارتباط بالنكليوتيدة
+ هل يمكنك تفريغ صندوق الرسائل اريد ان نتواصل ان امكن؟

الله اعلم
طيّـب لكِ ذلك ، انتظري

[mohamed.2000]

يقدر يقلك اعطيني الوحدة البنائية لل arnm

هنا لازم تكوني تعرفي الرسم تاعي النيكليوتيدة (سكر ريبوز + حمض الفوسفور+ قاعدة ازوتية) وهنا ماشي لازم تحفظي الصيغة تاع السكر فقط شكل خماسي و حمض الفوسفور يجي دائرة و القاعدة تكون مربع فقط ساهلة

[المُعادلة الصّعبة]

المشاركة الأصلية كتبت بواسطة mohamed.2000

يقدر يقلك اعطيني الوحدة البنائية لل arnm

هنا لازم تكوني تعرفي الرسم تاعي النيكليوتيدة (سكر ريبوز + حمض الفوسفور+ قاعدة ازوتية) وهنا ماشي لازم تحفظي الصيغة تاع السكر فقط شكل خماسي و حمض الفوسفور يجي دائرة و القاعدة تكون مربع فقط ساهلة

اهلاً محمد
انا راني نراجع من مجلة بن خريف مصطفى ضرك
والبنيات هذوك دايرهم مفصلين جاوني صعاب
ما فهمتش لضرك وش لازم ندير خخخ

[طالبة لها هدف]

لالا مش مقرر عليكم تحفظو الجزيئات حنا العلميين و مش نحفظوا فيهم
و زيد برك لازمك تولي تعرفي الشكل ماشي الصيغة _اشفاي على الشكل_
ربي يوفقك

[رونق الصبح]

السّلـام عليـكم
افهميهم عامة و ان استطعت احفظيهم - من يدري - لا أظنّك تحبين شعور النّدم
جاء سؤال عن بنية ال ARNm العام الماضي في الدورة الاستثنائية لشعبتكـم

[اسلام123]

جانا ف اختبار الفصل الاول سؤال من هادوك

نتي حاولي تفهميهم ماش تحفظيهم كيما درت انا

[mohamed.2000]

متحفظيش الصيغ المفصلة فقط الشكل وطريقة الارتباط (الروابط)

[رونق الصبح]

عذرا سأخرج قليلا عن الموضوع - فيزياء -
شدّني أحد تعليقات الأساتذة و بما أنّه الموضوع الأنسب سأضعه هنـا
"المشكل دائما يبقى مطروح و هو لا توجد إشارة إلى ذلك تدل على انها خارج المنهاج أو داخله، و تناولها على شكل تمرين افضل، كما تجدر الاشارة الى ان حساب الطاقة المحررة من التفكك مشار اليها في المنهاج على انها خار المنهاج إلا انها طرحت في بكالوريا 2017 تقني رياضي+ رياضي، لذلك يجب التفريق بين الأمور المشار اليها في المنهاج على انها خارج منه، و الامور التي لم يتطرق لها المنهاج، هل هي منه ام خارج منه، كما ننوه الى ان المعادلة التفاضلية للتوتر بين طرفي المقاومات لم يشار اليها في المنهاج إلا انها و ردت في البكالوريا، و خلاصة القول يجب التفريق بين المشار اليها على انها خارج لمنهاج لا نتطرق لها، و الامور التي لم يتطرق لها لا تعني انها خارج منه، و الله أعلم."

[المُعادلة الصّعبة]

المشاركة الأصلية كتبت بواسطة طالبة لها هدف

لالا مش مقرر عليكم تحفظو الجزيئات حنا العلميين و مش نحفظوا فيهم
و زيد برك لازمك تولي تعرفي الشكل ماشي الصيغة _اشفاي على الشكل_
ربي يوفقك

اهلا لينو
شكون قالك نتوما العلميين ماشي تحفظوا فيهم بلاك نتي ثاني برك ماعلابالكش باللي يتحفظوا ؟؟
اصلا العلوم تاع الرياضيين نفسها العلوم تاع العلميين فقط نتوما زايدين علينا بوحدات بصح الوحدات المشتركة هي مشتركة في كل شيئ والله اعلم
واستاذتنا في اول العام قالت احفظوهم بصح عموما هدرتها ما تقنعنيش ما نتبعهاش ياسر وما نعرف
ويوفقك ثاني شكرا

المشاركة الأصلية كتبت بواسطة رونق الصبح

السّلـام عليـكم
افهميهم عامة و ان استطعت احفظيهم - من يدري - لا أظنّك تحبين شعور النّدم
جاء سؤال عن بنية ال arnm العام الماضي في الدورة الاستثنائية لشعبتكـم

عليكم السّلام
امم لم اذكر الشعبة عمدًا لاني اريد دراسة المادة كما يدرسها العلمي
لاني اذا دخلت الشعبه فالحكاية ماعادش تفرا هذا اكبر خطأ كنت مرتكبتو والحمدلله فقت
بلاك نحفظهم وخلاص
مانقدرش نفهم حاجه كيف هكاك

المشاركة الأصلية كتبت بواسطة متفوق بامتياز

جانا ف اختبار الفصل الاول سؤال من هادوك

نتي حاولي تفهميهم ماش تحفظيهم كيما درت انا

امم يا اما نحفظها كيما راهي يا اما نخليها كيما راهي ما نقدرش ندير حاجة وسطية للاسف ههه
شكرا اخي

المشاركة الأصلية كتبت بواسطة mohamed.2000

متحفظيش الصيغ المفصلة فقط الشكل وطريقة الارتباط (الروابط)

طيب محمد

المشاركة الأصلية كتبت بواسطة رونق الصبح

عذرا سأخرج قليلا عن الموضوع - فيزياء -
شدّني أحد تعليقات الأساتذة و بما أنّه الموضوع الأنسب سأضعه هنـا
"المشكل دائما يبقى مطروح و هو لا توجد إشارة إلى ذلك تدل على انها خارج المنهاج أو داخله، و تناولها على شكل تمرين افضل، كما تجدر الاشارة الى ان حساب الطاقة المحررة من التفكك مشار اليها في المنهاج على انها خار المنهاج إلا انها طرحت في بكالوريا 2017 تقني رياضي+ رياضي، لذلك يجب التفريق بين الأمور المشار اليها في المنهاج على انها خارج منه، و الامور التي لم يتطرق لها المنهاج، هل هي منه ام خارج منه، كما ننوه الى ان المعادلة التفاضلية للتوتر بين طرفي المقاومات لم يشار اليها في المنهاج إلا انها و ردت في البكالوريا، و خلاصة القول يجب التفريق بين المشار اليها على انها خارج لمنهاج لا نتطرق لها، و الامور التي لم يتطرق لها لا تعني انها خارج منه، و الله أعلم."

بيناتنا اختي رونق راه كتب هاذ السطور كامل بصح والله مافهمت وش حاب يقول وما فهمتش مخ الهدره ههه
مافهمتش وش قصدو بالامور اللي خارج المنهاج والامور التي لم يتطرق لها المنهاج ..هو قال يجب التفريق بينهما فـ ما الفرق ؟