وداعا شبه طبي !!

سهيلة14 · 2014-10-06, 19:33

السلام عليكم ورحمة الله وبركاته :
_______________________________________
__________________________________________
__________________________________________

أردت مرمم اسنان في تخصص الشبه الطبي في ورقلة ولكن هذا العام لم يفتح ولا من قبل فتح للأسف
بعد التحريات و الاستفسارات رأيت أن التخصصات المفتوحة في الشبه طبي في ورقلة هذا العام
فرملي _ مخبري_ راديو
وهذو كل دايرا عليهم كروا حمرا من قبل ,,,لأسباب :
الفرملي متعبة وزيد خاصة بالرجال ياسر مش طايحة على البنات ,,, مخبري اختي دايرتها لواش ندير كيفها انوعو شويا,,, راديو فيها الاشعاعات خطيرة على البنات اكتر من الرجال على العموم خطيرة ,,, وزيد عندنا طبيبة وصاتني منديرش حاجة نتاع مجال الطب والتمريض خاطش متعبة وفيها المبات مبعد وقت الخدمة
وحتى الباراميديكال كي نعودو نديروا في السطاج يعود كاين المبات
وبصلاة الاستخارة شفت انو العلوم الاسلامية احسن لي ,,,, ان شاء الله ربي اراد لي الخير الحمد لله وزيد انحب هذ المجال و حافظة لكتاب الله الحمد لله والعاقبة ليكم : ,,,, والباراميديكال قرايتها بالفرونسي ونا ماشي متقنة الفرنسية مليح ,,,, والعلوم الاسلامية قراية بالعربي رغم انو الباراميديكال الخدمة مضمونة وع إ مبعد كونكورات بالاك نكونو من المتفوقين اميــــــــــــــــن :
مالا قررت نقرا وش كتبلي ربي وخلاص والحمد لله علوم اسلامية في قسنطينة ربي يوفقنا الكل للي فيه الخير

ان شاء الله مانندمش وربي يوفقنا في الدراسة والاجتهاد والطاعة

لعل هذي تكون اخر موضوع ليا هنا

ام سامي15 · 2014-10-06, 20:17

احسنت في الاختيار
ستفيدك في حياتك الدنيا و الاخرة ان شاء الله
فقط اخلصي النية

اميرة بكلمتي · 2014-10-06, 20:59

slm okhti wlh raki kima ana sajalt paramédical wma3rifa bzf wnejri apre khoft tan mel mbat w khedma f lil rah na9ra 9rayti ana f ecole preparatoire sah s3ib wrabi ywafa9na kamel

شرايط عاشور · 2014-10-06, 21:14

الحمد لله على اختيارك الصائب ان شاء الله

علوم اسلامية أفضل لك في دنياك و آخرتك ان شاء الله

سهيلة14 · 2014-10-06, 22:24

Just.Girl~ · 2014-10-06, 22:56

سـلــام عليـــــــكمْ
اختيـ نجحت بكالوريا 2011 ب معدل 14 دارت علوم اسلامية بوهران
تقرى في الجامعة وعاودت الباك جابت 12 دارت شبه طبي براميدكال والحمد لله لم يبقى لها الى اشهر ونخرج تخدم ومام فوتت الباك دا العام ومعولة تفوت معايا باه توصل للحلم تاعها
لـــا اعلم ان كان اختيارك صائب من كل شيء ام لـا بما انك قلتي صليت صلاة ال استخارة توكلي على ربي
+ لم اكن اود التدخل او الرد الى ان ردك على الاخ لم يعجبني بتاتاً
وان لم يكن ر ده لائق مع اني لم ارى فيهـْ اي كلام مشينْ وجب عليك الرد بالاحسنْ
صدقينيـ عندما بداتي تتحدثي عن نفسك اعجبت بكِ لكن كل ماقراته في درك الاخير يتنافى معه
صديقيني لا اقصد اي اهانة
وفrقك الله الى مايرضاه¨^

YOUSEF-ALG · 2014-10-06, 23:45

انا معك في اشياء ولست مع في شيئ
بالنسبة انك شابعين اطباء واختك والعائلة فهده ليست ذرائع اختي الكريمة لانو راح يكون مستقبلك انت صح يجب علينا ان نتقبل النصيحة لكن لازم نششوف وش يخرج علينا
شيئ اخر انك قلتي راهو جاي مجتمع فاسد ربما صحيح ربما العكس فاالاسلام لن يعود الى الوراء كما اننا نشاهد كل يوم العشرات من الناس يدخلون الى الى دين محمد عليه الصلاو السلام وهذا يبشر بالخير بدون ما ننسى ما نراه من ابتعاد على الدين فربما نبتعد اكثر ....
----
اما عن رايي فاعتقد ا اخترت القرار الصائب بما انك حافة لكتاب الله وفقك الله

سهيلة14 · 2014-10-07, 09:04

شكرا للجميع
يا اخت Just.Girl~
واختك حبست علوم اسلامية و عاودت الباك ودارت شبه طبي ؟
يعني ماعجبتهاش القراية؟
تعاويد الباك تعبة كبيرة

سهيلة14 · 2014-10-07, 09:42

شكرا يا اخ yousef-alg ,,,, اسمحولي على كلمة شابعين اطباء ماكنتش نقصد بيها لا تورية روح ولا تكسال ولا غرور و لا تكبر الحمد لله
كيما قلت انت هذا مستقبلي صح لازم نشوفو الايجابيات والسلبيات و معاهم الارادة
اصلا قضية الشبه طبي ماجاتش من عندي وزيد اذا كانو والديك راضيين على اختيارك وش بقالك تقلق ,, حت شي
حقيقة انا ماعنديش رغبة في الخدمة في الطبيب وماكانش هذا حلمي ,,,, نعرف وحدة تخدم فرملية من الخدمة نتاعها مرضت بفيروس في الكبد عافانا الله واياكم
وزيد اختي تخدم في اللابو تحليل الدم ديما تخاف على روحها و مرات تمس البورطابل نتاعها ونتا ماعلابالكش وش لامراض لي تنتقل عافانا الله واياكم وولدها ديما يلعب ببرطابلها ربي يستر
كان حلمي مدرسة عليا للاساتذة فرنسية او انجليزية ولكن قدر الله وماشاء فعل
و قلت اذا كان درت شبه طبي ااحسن للبنت هو ساج فام مبعد تقدر تفتح وحدها وللاسف في ولايتنا ماكانش كاين في تيزي وزو وبعييدة ياسر ,,, مفتوح عندنا غير الفرملي و المخبري و الراديو ماشي ملاح ,,,وحاجة اخرى انو الخدمة في مجال التعليم منقدروش نقولو انها ماشي مضمونة 100 ب 100 وعلاش هذوك الاساتدة لي ينجحو في الكونكورات مانقدروش نولو كيفهم ؟ ربي يقدرنا على الخير
واخيرا اسمحولنا اذا غلطنا معاكم بكلمة ولا

Just.Girl~ · 2014-10-08, 17:15

اقتباس:

المشاركة الأصلية كتبت بواسطة سهيلة14

شكرا للجميع
يا اخت just.girl~
واختك حبست علوم اسلامية و عاودت الباك ودارت شبه طبي ؟
يعني ماعجبتهاش القراية؟
تعاويد الباك تعبة كبيرة

مرحبـــــــا
لـا ماحبست القراية ومش ماعحبتهاش بالعكس علوم اسلامية صعيبة بزاف لليـ راهم يستهينو يـها وتبانلهم والو
+ هيـا كانت تقرى فيـها وتعاود فالباك بسكو غاضها المعدل الاول ماشي تاع تعبها والحمد لله على كل شيء
ثم كانت تجي ماجور دو برومو في الشريعة
الا انها سجلت بالباك الثاني فالبرميدكال تحقيق لرغبة الوالدة + الفرع الي كانت تقرى فيـهـْ وا صعيب ويليقلهـ الدخلـات والعرف واحنا عندنا غير ربيـ
وهيا الان تقرى ممرضة وراها تقرى بيولوجي بالباك الثالث وكي تكمل ان شاء الله معولة تكمل قرايتها في الشريعة
موفقة
ايـهـْ بخصوص تعاود الباك تعبة كبيرة والله والو ساهلة الي يحب يوصل للغاية تاعهـْ ويكون عنده طموح والله مايستسلم او يفرط نعرف وحدا عاودت الباك 7 مرات والسابعة جابته 16 راها تقرى طب والله على ما اقول شهيد

سهيلة14 · 2014-10-08, 20:30

بارك الله فيك ,,,
على كل مازلت نخمم منا للغدوا ان شاء الله ادعولنا معاكم في اتخاد القرار وكل المومنين وربي يوفقكم في قرايتكم

Mary-josie idir · 2014-10-08, 22:21

c'est grave

سهيلة14 · 2014-10-08, 23:16

pour quoi c'est grave!!!!!!!!!!

سهيلة14 · 2014-10-08, 23:23

merci just girl