منتدى اللّهجة الجزائريّة أو منتدى واش تسمّوها عندكم ؟!

[⋟صقر☬الأندلس⋞]

السّلام عليكم و رحمة الله تعالى و بركاته

اخواني روّاد منتدى اللّهجة الجزائريّة ، أرجو أن تتقبّلوا منّي هذا النّقد البنّاء ، الذي لا ينقص من قدركم و لا من مجهوداتكم التي تبذلونها ، بل بالعكس سيعطيكم و يمنحكم دفعة قويّة لتنشيط هذا المنتدى و تغيير النّمط و الأسلوب الذي يسير عليه منذ أكثر من سنة أو يزيد .

هاذ المنتدى صح هو خاص بمنتدى اللّهجة الجزائريّة ، و لاكين واش هو الهدف منّو ، رني معاكم كي تقولولي هي لهجة كبيرة و متعدّدة سي بوغ صا نحبّوا نتعرفوا على كامل اللّهجات ، وي عندكم الحق ، بصّح تتعرفوا عليها ماشي برك بهاذ الشي واش اسمو عندكم و هاذيك واش تقولولها ........الخ ، لازم تكون مواضيعنا تخدم اللّهجة في حد ذاتها ، مثل ما لمسناه في بعض المواضيع الحصريّة و الرّائعة ، ايه ما ننكروش هاذ الشي و نطالبوا بالمزيد ، و حكاية واش تسموّها و واش تقولولها هاذيك كامل تجمع في موضوع واحد .

ألوغ هاذ الموضوع راح يكون منكم و اليكم هكذا باش تقترحوا أفكار مواضيع هادفة ، باغ ايكزومبل قضيّة لي مو فغونساز كاسي ( الكلمات الفرنسيّة المكسّرة ) لي صارت مكوّن كبير من مكوّنات لهجتنا للأسف ، و كيما راكم تقراو ، راني كثّرت من هاذ الكلمات باش تلاحظوا مدى تاثّرنا بها ، و سي فغي تغي ديفيسيل نستغناو عليها ، شكون يدير موضوع على هاذ القضيّة بحيث نجمعوا الكلمات الفرنسيّة المكسّرة و نطرح لها بدائل في شكل ردود .

نتمنى تشاركونا بآرائكم و مسودّات مواضيعكم ، أو حتّى أفكار عناوين ، و لي عندو الوقت باه يدير موضوع يأخذ الفكرة من هنا و يحرّر بها الموضوع ، و يعلم اخوانه أنّو تم حجزها ، بالتّوفيق و السّلام عليكم و رحمة الله تعالى و بركاته .

[آيات سرمدية]

فكرة رائعة يا اختي جزاك الله خيرا ان شاء الله سننفذها

[⋟صقر☬الأندلس⋞]

المشاركة الأصلية كتبت بواسطة miku hatsune

فكرة رائعة يا اختي جزاك الله خيرا ان شاء الله سننفذها

السلام عليكم ، أنا أخ و ليس أخت ، سعيد بأن لاقت الفكرة اعجابك و مرحبا بك .

[آيات سرمدية]

انا آسفة يا اخي الكريم

[hamza18]

شكرا فكرة رائعة ابدا بتطبيقها

[عائشة07]

بارك الله فيك

[⋟صقر☬الأندلس⋞]

المشاركة الأصلية كتبت بواسطة hamza18

شكرا فكرة رائعة ابدا بتطبيقها

بالتوفيق ان شاء الله .

[⋟صقر☬الأندلس⋞]

المشاركة الأصلية كتبت بواسطة عائشة07

بارك الله فيك

ننتظر آرائك و أفكارك ، شكرا .

[anise2011]

المشاركة الأصلية كتبت بواسطة أبوحميدة

السّلام عليكم و رحمة الله تعالى و بركاته

اخواني روّاد منتدى اللّهجة الجزائريّة ، أرجو أن تتقبّلوا منّي هذا النّقد البنّاء ، الذي لا ينقص من قدركم و لا من مجهوداتكم التي تبذلونها ، بل بالعكس سيعطيكم و يمنحكم دفعة قويّة لتنشيط هذا المنتدى و تغيير النّمط و الأسلوب الذي يسير عليه منذ أكثر من سنة أو يزيد .

هاذ المنتدى صح هو خاص بمنتدى اللّهجة الجزائريّة ، و لاكين واش هو الهدف منّو ، رني معاكم كي تقولولي هي لهجة كبيرة و متعدّدة سي بوغ صا نحبّوا نتعرفوا على كامل اللّهجات ، وي عندكم الحق ، بصّح تتعرفوا عليها ماشي برك بهاذ الشي واش اسمو عندكم و هاذيك واش تقولولها ........الخ ، لازم تكون مواضيعنا تخدم اللّهجة في حد ذاتها ، مثل ما لمسناه في بعض المواضيع الحصريّة و الرّائعة ، ايه ما ننكروش هاذ الشي و نطالبوا بالمزيد ، و حكاية واش تسموّها و واش تقولولها هاذيك كامل تجمع في موضوع واحد .

ألوغ هاذ الموضوع راح يكون منكم و اليكم هكذا باش تقترحوا أفكار مواضيع هادفة ، باغ ايكزومبل قضيّة لي مو فغونساز كاسي ( الكلمات الفرنسيّة المكسّرة ) لي صارت مكوّن كبير من مكوّنات لهجتنا للأسف ، و كيما راكم تقراو ، راني كثّرت من هاذ الكلمات باش تلاحظوا مدى تاثّرنا بها ، و سي فغي تغي ديفيسيل نستغناو عليها ، شكون يدير موضوع على هاذ القضيّة بحيث نجمعوا الكلمات الفرنسيّة المكسّرة و نطرح لها بدائل في شكل ردود .

نتمنى تشاركونا بآرائكم و مسودّات مواضيعكم ، أو حتّى أفكار عناوين ، و لي عندو الوقت باه يدير موضوع يأخذ الفكرة من هنا و يحرّر بها الموضوع ، و يعلم اخوانه أنّو تم حجزها ، بالتّوفيق و السّلام عليكم و رحمة الله تعالى و بركاته .

ابو حميدة خويا لعزيز والله لقد اعجبني الاسلوب وحتي الكلمات والجمل التي ي سطرت تحتها وكتبت بالاحمر
وكانك تقرا رسالة مجاهد من مجاهدين الثورة الاحرار لقد تكلمت بلسان اللهجة الجزائرية الحقيقية
فعلا طرح قييم واكثر من رائع شكرا لك ولقلمك الذهبي

[⋟صقر☬الأندلس⋞]

المشاركة الأصلية كتبت بواسطة anise2011

ابو حميدة خويا لعزيز والله لقد اعجبني الاسلوب وحتي الكلمات والجمل التي ي سطرت تحتها وكتبت بالاحمر
وكانك تقرا رسالة مجاهد من مجاهدين الثورة الاحرار لقد تكلمت بلسان اللهجة الجزائرية الحقيقية
فعلا طرح قييم واكثر من رائع شكرا لك ولقلمك الذهبي

السلام عليكم و صباح الخير و الربح الكبير ، كيف حالك أخي أنيس ، و الله هذا من ذوقك أخي ، كتبت بعفوية و دون تكلّف ، ما دابينا على كل حال نحركوا هاذ المنتدى باش تكون عندو فعالية أكثر ملموسة في الواقع ، في أوّل مشاركة كيما شفت كثّرت من الكلمات الافرنجيّة لي طغات على لهجتنا ، و للأسف فرضت علينا و كانت احدى نتائج محاولات الاحتلال لطمس و مسح الهويّة ، مي مالغري تو ما نجحوش ، نتمنّاو نلقاو حل و بديل لهاذيك الكلمات ، كأوّل خطوة لخدمة لهجتنا .

[جَمِيلَة]

السلام عليكم ورحمة الله وبركاته
أهلا أخي أبو حميدة
أشكرك على الطرح المميز للموضوع
بالفعل خسرنا في البداية لغتنا العربية ثم خسرنا لهجتنا والآن طمست هويتنا
هو ليس بالأمر الهين كما يتصوره الكثيرون لأن اللغة من أهم مقومات المجتمع
صراحة كنت أدخل لقسم اللهجات لأنني مهتمة بهذا الأمر لكن كما قلت انت في موضوعك "واش تسميوها عندكم" طغت على القسم فلم أعرف حتى أي نوع من المواضيع يمكن طرحها فيه
لذلك لم أزره حتى رأيت موضوعك
الآن ليس لدي أفكار ربما بعد تصفية ذهني سأجد بعض الحلول
فقط أبق موضوعك حيا أخي الكريم -لأنني لم أجد موضوعك الأخير بحثت عنه ولم أجده فرحلت أفكاري-
أشكرك جزيل الشكر على فكرك البناء أدام الله عليك نعمة العقل والفهم وزادك من فضله
بارك الله فيك
تحياتي

[⋟صقر☬الأندلس⋞]

المشاركة الأصلية كتبت بواسطة جميلة مناجمنت

السلام عليكم ورحمة الله وبركاته
أهلا أخي أبو حميدة
أشكرك على الطرح المميز للموضوع
بالفعل خسرنا في البداية لغتنا العربية ثم خسرنا لهجتنا والآن طمست هويتنا
هو ليس بالأمر الهين كما يتصوره الكثيرون لأن اللغة من أهم مقومات المجتمع
صراحة كنت أدخل لقسم اللهجات لأنني مهتمة بهذا الأمر لكن كما قلت انت في موضوعك "واش تسميوها عندكم" طغت على القسم فلم أعرف حتى أي نوع من المواضيع يمكن طرحها فيه
لذلك لم أزره حتى رأيت موضوعك
الآن ليس لدي أفكار ربما بعد تصفية ذهني سأجد بعض الحلول
فقط أبق موضوعك حيا أخي الكريم -لأنني لم أجد موضوعك الأخير بحثت عنه ولم أجده فرحلت أفكاري-
أشكرك جزيل الشكر على فكرك البناء أدام الله عليك نعمة العقل والفهم وزادك من فضله
بارك الله فيك
تحياتي

و عليكم السلام أختي جميلة مناجمنت ‏،‏ أسعدتني كثيرا مشاركتك هذه ‏،‏ شفتي كيفاش فغيمو هاذ المنتدى خاص غير يسموه واش تسموها عندكم ‏،‏ في حين يوجد أفكار كثيرة للنهوض به و جعله يخدم مختلف اللهجات ‏،‏ إيل فو نكونسونتغيو مليح و نحاولوا نعملوا مواضيع جديدة تعطي لهاذ القسم بصمة و سمعة و هذا لن يكون إلا بالتعاون و الجدية في ذلك ‏.‏ ‏
بارك الله فيك و يعطيك الصحة و نورتي الصفحة ‏

[جَمِيلَة]

المشاركة الأصلية كتبت بواسطة أبوحميدة

و عليكم السلام أختي جميلة مناجمنت ‏،‏ أسعدتني كثيرا مشاركتك هذه ‏،‏ شفتي كيفاش فغيمو هاذ المنتدى خاص غير يسموه واش تسموها عندكم ‏،‏ في حين يوجد أفكار كثيرة للنهوض به و جعله يخدم مختلف اللهجات ‏،‏ إيل فو نكونسونتغيو مليح و نحاولوا نعملوا مواضيع جديدة تعطي لهاذ القسم بصمة و سمعة و هذا لن يكون إلا بالتعاون و الجدية في ذلك ‏.‏ ‏
بارك الله فيك و يعطيك الصحة و نورتي الصفحة ‏

وفيك بارك الله أخي أبو حميدة
أجاريك وي فغيمون كاتاستروف واحنا زدنا كملنا على الحالة بالسكات ولا نيقليجونس
نعم كما قلت أخي الكريم علينا بالتعاون والاهتمام بالموضوع
وإلا بسلبيتنا هذه لن يتقدم شيء وربما سيتأخر أكثر
على كل حال الموضوع هذا راهو أنغجيستري في دماغي
ربي يهنيك أخي الكريم
تحياتي

[سفيان الحسن1]

بارك الله فيك امثال تلكم المواضيع تركت القسم اشبه بمكان للهو والتكرار الممل لا جديد ولا نشاط محسوس موضوع يستحق التتبيث

[⋟صقر☬الأندلس⋞]

المشاركة الأصلية كتبت بواسطة سفيان الحسن1

بارك الله فيك امثال تلكم المواضيع تركت القسم اشبه بمكان للهو والتكرار الممل لا جديد ولا نشاط محسوس موضوع يستحق التتبيث

يا خويا سفيان مسا الخير ‏،‏ نظن كان عندك موضوع الكلمات التركية إن لم تخني الذاكرة ‏،‏ كيما قلت و نزيد نأكد حقيقة لي يطالع المواضيع مؤخرا يحس و كأنها للتسلية مع احترامي لكل الإخوة ‏،‏ راني سعيد بمشاركتك هاذي و مرحبا بيك ‏.