دار بابك مازالت محلولة يا بنتي

[Kawthar77]

أتعجب في كتير من الوالدين لي تجي عندهم بنتهم زعفانة من زوجها وتشتكي غبينتها ويقولوا لها والديها يا بنتي مازالتي صغيرة ودار بابك مازالت محلولة في عوض ما يصبروها وينحوا زعفها وقادرة تكون مشكلة تافها وأول حل يفكرو فيه هو الطلاق وصراحتا معرفتش علاش وقتنا الحالي الطلاق سهل ويبقى الأطفال هم الضحية ونقول للوالدين وبعد عمر طويل بإذن الله وما هو مستقبل بنتكم بعد وفاتكم لقدر الله ولازم الواحد يخمم لبعيد لان المراءة ادا طلقت لن تجد اب حنون لارلادها

[" أبو عبود"]

الأخت هناك عائلات دلل بناتها زيادة عن اللزوم. وهده تربية خاطئة وحتى بالنسبة للرجل الذي لا يستطيع فتح بيت بمفرده ويبقى عالى على والديه. ربي يجب الخير رانيا نسمعو لي تتزوج ما تقعدش عام وكاني حالات ما كملوش شهر طلقو.

[hodayena]

المشاركة الأصلية كتبت بواسطة kawthar77

أتعجب في كتير من الوالدين لي تجي عندهم بنتهم زعفانة من زوجها وتشتكي غبينتها ويقولوا لها والديها يا بنتي مازالتي صغيرة ودار بابك مازالت محلولة في عوض ما يصبروها وينحوا زعفها وقادرة تكون مشكلة تافها وأول حل يفكرو فيه هو الطلاق وصراحتا معرفتش علاش وقتنا الحالي الطلاق سهل ويبقى الأطفال هم الضحية ونقول للوالدين وبعد عمر طويل بإذن الله وما هو مستقبل بنتكم بعد وفاتكم لقدر الله ولازم الواحد يخمم لبعيد لان المراءة ادا طلقت لن تجد اب حنون لارلادها

اول شيء لا ادري ااذا كنت متزوجة ام لا
ثانيا الحمد لله انو النساء ميخموش كيما انتي انو المرءة المطلقة عائق او عيب
ثالث شيء كيما والدين المرءة يخمو على مستقبل بنتهم راح تكون مطلقة تاني والدين الراجل يخمو بلي كاين حفيد وراجل راه في غضب يهدنو وليدهم مش يشعلو النار
اذا كنت متزوجة وعشت متاعب الزواج ورماك راجلك دون سبب في دار والديك روحي ولي لدارك الراجل مراحش يقول فحلة بالعكس يقولو خافت من الطلاق ومهما الوالدين يردو بنتهم واال لا اذا ربي كتب الطلاق يكتبو حتى اذا الوالدين ردو بنتهم وهوما الي كانو يجو لدارك يبهدلوك وينصحوك باه متخربيش دار وتنظربي وتنهاني وراجلك يشوف وعاف بلي انتي مظلومة ومن بعد يجي على اتفه الاسباب يقيسك في دار باباك انت ووليدو لا مصروف وحتى يتفكر وليدو بلبسة ولا حتى حفاظات تما واش راح يقولك باباك ايا ردك وين يردك لدار العجوزة لوكان عندك دارك وحدك تولي بسيف عليك بصح في دار والديه لاه يردك والديك باه يشوف بنتو الي طول عمرها هو يعز فيها يجي الراجل ووالديه يذلوها علاه باه غير والدين مايحملوش اسم بنتهم على انها مطلقة اختي متحكميش ماشي كامل الوالدين كيفكيف وماشي كامل المشاكل كيفكيف والراجل الي يعرف المسؤولية والزواج والعايلة ولازم اول حاجة يكون يخاف ربي مراحش يخلي مرتو تروح تشكي لوالديها ولا هو يروح يشكي لنسابو يحل المشكل وحدو ويعرف كيفاه يربي مرتو


بدلو عقليتكم اتجاه المرءة المطلقة ماشي بالظرورة تتطلق راح اجيب العار لالا العفيف عفيف كاين متزوجات وربي يعلم واش يديرو والمرءة المظلقة الي تقعد تسمع لهدرة الناس وفعايلهم تبقى متوخرة ومراحش تنوض تصون نفسها وتشوف مستقبلها الحمدد الستاجات كاين التعليم كاين مش شرظ تبيع نفسها وكيما الرءة مايدومولهاش والديها الراجل مايدملوش والديه كيفكيف

[SS86]

المرأة صح لازم تتحمل زوجها لكن كاين حالات وين تنتهك حقوقها و تروح كرامتها و ما تلقى غير دار بباها ما لازمش دايما حاتين اللوم على المرأة كل حالة وحدها و ضرك بعض الرجال هزو الذريعة تاع أنو لمرا هي لي تتحمل و مرمدوها و إضطهدوها راهي إنسان مهما كان و مخلوق ضعيف أيضا

[يوسف برياني]

الدســـــــــــــــــــــــــــــــــتور في الجزائري

لكــــــــــل امراءة طالق مع ابن لها مصروف 12000
ماهذا الان تصبحن النساء يبحثن عن اي شيء حتى يتطلقن
---- يعني يا امراءة غير طلقني
هنــــــــــا هم يشجعن االنساء الطلاق
؟؟.؟؟....؟؟؟.؟؟..؟..؟؟.؟؟؟..؟؟؟..؟.؟..؟؟؟..؟؟؟.؟؟. ؟؟؟؟؟؟؟.؟؟؟؟ .؟؟؟؟؟؟.؟؟؟؟.؟؟.؟؟؟؟..؟؟؟؟؟.؟؟؟؟؟؟؟؟.؟؟؟؟.؟؟؟؟..؟؟ ؟؟.؟؟..؟؟؟؟؟
...
*** يالهو من زمان يحللون الحرام ويحرمون الحلال
ربي يهدي ولا يدي

[*نسرين]

ربي يهديهم ان شاء الله

[الألماسة]

انا معاك يا اخت هدينة في كل ما قلتيه
يا اخت كوثر ان شاء الله تتزوجي و ما يصيبكش واش صابنا في زواجنا
زوج لا يتحمل المسؤوولية
حماة و العياذ بالله شيطانة بكل ما تعنيه الكلمة
اخت زوج ماكرة و غيورة و سبب كل المشاكل لانها غير متزوجة و كانني من منع زواجها
والديا كي رجعوني مرة ولاو يعايروني راكم خايفين نرميوك لداركم و تطلقي
تصبري تصبري و تصبري و لكن يا اختي لكل شيء حدود
هنا لازم والديك يدوك و لا تنهاري عصبيا
و الله يا اختي غير انا حكمني انهيار عصبي لانني نسمع و ندير فقلبي و ما نردش
يا اختي الناس مش الكل كيما بعض
كاين زوجات و الله العظيم غير مظلومة
حسبي الله و نعم الوكيل

[" أبو عبود"]

السلام عليكم
استسمحكم عذرا للاخوات. الزواجح ليس قصرا ولا امراة في بلادنا وفي مجتمعنا. إذا كان زوجك في صفك ويعمل جاهدا لاسعادك فلا تملئي راسك بحماتك. فهي امه وهو عاجز عن فعل اي شيء ازائها ولكن اصبري حتى يفرج الله عليك وعلى زوجك. لكن ان كان لا يهتم ولا يعيرك اي اهتمام في هذه الحالة وإن طلبت الطلاق - شرط ان تكوني مظلومة لان المراة التي تطلب الطلاق بدون سبب لا تشم ريح الجنة- قلا يمكنها طلب الطلاق واطلاقا هنا يكون نعمة .

[الألماسة]

المشاركة الأصلية كتبت بواسطة أبو عبود";3991733083][b][right][size=&quot

السلام عليكم
استسمحكم عذرا للاخوات. الزواجح ليس قصرا ولا امراة في بلادنا وفي مجتمعنا. إذا كان زوجك في صفك ويعمل جاهدا لاسعادك فلا تملئي راسك بحماتك. فهي امه وهو عاجز عن فعل اي شيء ازائها ولكن اصبري حتى يفرج الله عليك وعلى زوجك. لكن ان كان لا يهتم ولا يعيرك اي اهتمام في هذه الحالة وإن طلبت الطلاق - شرط ان تكوني مظلومة لان المراة التي تطلب الطلاق بدون سبب لا تشم ريح الجنة- قلا يمكنها طلب الطلاق واطلاقا هنا يكون نعمة .[/size][/right][/b]

يا أخ عبودة ما رايك في زوج يتفاهم مع زوجته
لكن
امام امه لا يجرا على فعل شيئ خوفا من كلامها(حتى لا تقول داير راي مرتو) حتى في ابسط الامور
ما رايك في زوج لا ياخذ زوجته الى الطبيب حتى لا تقول امه انه لا يستشيرني لما اخذها او اخذني معها
ما رايك في زوج يلغي عطلته التي خطط لها مع زوجته منذ الخطوبة لان امه زعفت لانه لم يخططا لاخذها لانهما يريدان ان تكون عطلة مميزة لحبيبين و عاشقين
ما رايك في زوج لا يشتري لك حتى ثوب حتى لا تغضب امه و يقول اشتريه لما تروحي لداركم و ما تقوليش وقتاش شريتيه
علابالي تبانلك امور تافهة
لكن يا اخي تعمدت نمدلك الامور التافهة
يتدخلون حتى في هذه الامور و اترك الاكبر
يا اخ عبودة الزوج لازم يكون مسؤول و يحط النقط على الحروف
الام في مكانها و الزوجة في مكانها
يا اخي الحمد لله و لحد الساعه لم نطلب الطلاق لانني اعرف معناه
لكن لازم الزوج يفصل بين الاثنين
فتخيل ان يحدث الطلاق رغم ان الزوجان يعشقان بعضهما و لا يحدث خلاف بينهما
و لكن الخلاف بين الزوجة و الام
هل هذا زوج يعرف معنى الزواج او معنى المسؤولية؟
اين حق الزوجة في بيت مستقل بعيدا عن المشاكل و مع قدرة الزوج على فتح هذا البيت المستقل
اين حق الزوجة التي لا تريد سوى غرفة واحدة مع زوجها لكن مستقلة عن الاهل حتى تعود لبيتها و زوجها و تكون اسرة
يا اخي البيوت اسرار فلا تظلموا النساء دائما

[" أبو عبود"]

انا لم أظلمك يا اخت الماسة. لك الحق في كل ما قلت. ولكن دعني اسألك ولك الحق أن تجيبني او تجيبي نفسك:
إذا كانت كل هذه المساوئ في زوجك فلم لا تطلبين الطلاق؟ هل انت قادرة على ذلك؟

[عين الصقر]

اتفق معك صاحبة الموضوع
لقد كثرت حالات الطلاق في وقتنا هذا لأسباب تافهة

وفي كثير من الأحيان تكون خلافات بين الزوجة والحماة وبعض الزوجات يفضلن الكبرياء على الصبر ولا يقدرن ظروف ازواجهن . فهل يريد اي شخص ان يعيش في المشاكل بارادته! ضعي نفسك مكانه ؟
من تستطيع ان تستغني عن امها التي ولدتها فلتطلب الطلاق

[الألماسة]

المشاركة الأصلية كتبت بواسطة أبو عبود";3991733883][b][size=&quot

انا لم أظلمك يا اخت الماسة. لك الحق في كل ما قلت. ولكن دعني اسألك ولك الحق أن تجيبني او تجيبي نفسك:
إذا كانت كل هذه المساوئ في زوجك فلم لا تطلبين الطلاق؟ هل انت قادرة على ذلك؟[/size][/b]

سأجيبك يا اخي الكريم
انا لست قادرة على طلب الطلاق لاني احب زوجي لا بل اعشقه
و اعرف و متاكدة انه يحبني
المشكلة هي والدته التي تتدخل في حياتنا الشخصية
اعرف انها امه و عليه بطاعتها ولكن ليس حتى في امورنا الشخصية
فهو لا يفقه معنى الطاعة بنظري
و انا لا اريد منه ان يبتعد عنها او لا يطيعها
انا فقط اطلب ان اكون مستقلة عنها و تبقى هي امه الحبيبة و انا زوجته
هل هذا حرام؟
هل هذا سيجعله غير مطيع لامه

[الألماسة]

المشاركة الأصلية كتبت بواسطة عين الصقر

اتفق معك صاحبة الموضوع
لقد كثرت حالات الطلاق في وقتنا هذا لأسباب تافهة

وفي كثير من الأحيان تكون خلافات بين الزوجة والحماة وبعض الزوجات يفضلن الكبرياء على الصبر ولا يقدرن ظروف ازواجهن . فهل يريد اي شخص ان يعيش في المشاكل بارادته! ضعي نفسك مكانه ؟
من تستطيع ان تستغني عن امها التي ولدتها فلتطلب الطلاق

نحن لا نطالب بالاستغناء يا اخي
لكن كل واحد يعرف اللي ليه و اللي عليه

[حورية38]

تعيش الفتاة في منزل الاهل سنوات //اقل شيء20عاما//لها من الاخوة والاخوات والوالدين وبعض الحالات حتى الجد والجدة وان لم يكن هناك زوجات اخوة وتعيش في مناوشات مع الاخت والاخ ومرات حتى مع الوالدين وتكون عادية وعابرة لمجرد انهم اهلها وتتغتضى عن العديد من المظالم في حياتها لكن تاتي عند العجوزة ولا اخت الزوج وتصفها بالشيطانة //اعتدر //لكن الله كرم الانسان وجعل فيه من المحاسن بقدر المساوئ فلما لا تكون العجوز مكان الام والشيخ مكان الاب واخو الزوج واخته مكان الاخوة

اصبحت البنت تاخد نظرة دونية عن اهل الزوج قبل الزواج لدا فهي ماهلة نفسيا لكراهية واختلاق المشاكل ولو تافهة تتغاضى عنها لاختها لكنها تقيم الدنيا ولا تقعدها لان اخت الزوج دخلت معها في مناوشات نسائية
وما من بيت لا يخلو من المشاكل لكن من تعرف كيف توازي الكفة ومحاولة الجميييييع وضع الامور في نصابها لكانت اسعد العائلات
ومتى فتحت ابواب المنزل العائلي للبنت ظلامة ومظلومة كترت غضباتها واشتد ظهرها باهلها وكانت عاقبتها وخيمة فالبنت بوالديها معتزة ولكن ليس لدرجة انو كل ماكانت المشال توقف معاها وتقول الدار مفتوحالك وقت ما تحبي لكن تهداة الطرفين وفتح المجال لاعادة النظر والتروي حتى تحل المشاكل وتبقى البنت مع زوجها لكن هدا ما يعنيش اني نرمي بنتي ونعفس على حقها وكل حاجة نقولها دارك خير فمتى كان المشكل لا يمكن ان نتساهل فيه فدار باباك خير //راي خاص بي//

[hodayena]

المشاركة الأصلية كتبت بواسطة عين الصقر

اتفق معك صاحبة الموضوع
لقد كثرت حالات الطلاق في وقتنا هذا لأسباب تافهة

وفي كثير من الأحيان تكون خلافات بين الزوجة والحماة وبعض الزوجات يفضلن الكبرياء على الصبر ولا يقدرن ظروف ازواجهن . فهل يريد اي شخص ان يعيش في المشاكل بارادته! ضعي نفسك مكانه ؟
من تستطيع ان تستغني عن امها التي ولدتها فلتطلب الطلاق

اخي الكريم لو نعكسو الامور وتولي النسيبة ام الزوجة تدخل في امورك ماشي تحاوز مرتك ولا تمنع عليها امها او تطلقها
لا تتكلمو دون علم وللصبر حدود وليس كل المشاكل مثل بعضها