مساعدة حول القريوش

[نينانينا]

السلام عليكم
منذ يومين شفت قريوش في قناة سميرة عجبني الودال لكن ملحقتش بالوصفة الله يخليكم لي عندها الوصفة ولا شافت الحصة تكتبهالي وربي يجازيكم خير ان شاء الله
وهدي صورة القريوش


الف شكر

[ام رشدى]

وانا ايضا اختي ما لحقتش بالمقدير انشاء الله يجاوبونا الاخوات

[raboha]

ختي أنا شقتها بصح المقادير بالضبط مانيش عارفة المهم دارت غير فرينة و زبدة و لمت بماء الزهر
و الطريقة ساهلة حلتها رقيقة ثم قطعتها بالرقيقة ثم ظفرتها و متزيريش الظفيرة من بعد دارتها دائرية و حكمتهم بالبيض الأبيض
ضوك نفتش في قوقول ونشوف إذا لقيتها

[khaoula90]

أختي حتى أنا عجبني و بزاااااااف شكون اللي تعرفو تحطيلنا طريقتووووو بالتفصيل

[نينانينا]

ان شاء الله يجاوبونا انا شفت كلش من غير المقادير ههههههههه

[oum tesnime]

Ingrédients

500 g de farine
4 Oeufs
1 Iincée de sel
1 Cuil. à café rase de levure chimique
Eau
Miel
Eau de fleur d'oranger
Pistaches concassés

Mélanger la farine, la levure , les oeufs et le sel , mouiller avec de l'eau jusqu'à obtention d'une pâte ferme, la pétrir un peu, former une boule, l'enveloppée d'un film alimentaire et la laissée reposer
Découper des carrés et les faire passer dans la machine a spaghetti , pour avoir des bandes fines comme pour faire la Samsa ou la Rechta du n° 1 au n° 6 tout en la saupoudrant de maïzena pour faciliter le passage ( j'ai complètement oublier de prendre les photos a ce moment là)
Opération fini, passer les bandes dans la partie réserver aux spaguetti

Former de longues tresses , former ensuite des anneaux en soudant les extrémités avec un peu d'eau et les faire frire

Laisser refroidire ensuite passer les dans du miel et eau de fleur d'oranger tiède, parsemer de pistaches concassés



أختي نقلتهالك درك من مدونة إدا حابة نترجمولك مكانش مشكل

[نينانينا]

شكرااااااااااااا اختي لا داي للترجمة الف شكر

[oum tesnime]

العفو أختي بالتوفيق

[شوق الليالي]

الوصفة لي داروها في قناة سميرة مافيهاش البيض
دارت 500غ فرينة مع 125غ سمن دايب وبارد وقرصة ملح والخمارة وشوية فاني على ما اضن ولمتها بالماء والماء الزهر

[ام هاديل وياسين]

اخواتي بارك الله فيكم كنت رايحة نطلبها من

الاخوات الي شافوها والي عندها الوصفة الصحيحة تمدهالنا وربي يجازيها خير

[ام رشدى]

انا راني موجدا الحوايج من البارح ونستنى فى الطريقة والله رايحا تقسملي قلبي كى ما احضرتاهاش

[نينانينا]

شكراااااااااااا لكن لي حطت الطريقة الثانية لي مفيهاش البيض شحال دارت الخميرة

[مفيدة الحلوة]

تعيشو اعطونا طريقة صحيحة وبرك الله فيكم
انا راني حابة نديرها في نفاسي

[زهرة7]

سلام حبيبتي راني وضعت لك الوصفة باش نفيدك وهي منقولة من منتدى اخر

من قناة سميرة و بدون تحميل

المقادير
العجينة :

رطل (500غ) فرينة (طحين)

125غ سمن ذايب

فانيليا

قريصة ملح

ملعقة صغيرة خميرة كيميائية

ماء الزهر

للتزين

عسل ثقيل مع نصف ليمونة

فستق منسل (مقطع إلى شرائح بواسطة سكين حاد)

بياض بيضة للصق

نشاء للرش

طريقة التحضير:

نخلط جميع مقادير العجين مع بعض و نلمها بماء الزهر حتى الحصول على عجينة متماسكة و طرية.

ندلكها جيدا ثم نتركها ترتاح بدون أن نغطيها حتى تتشرب ماء الزهر

بواسطة حلال نحل العجين فوق طبقة وفيرة من النشاء ثم نمررها في آلة التوريق في الرقم 3 مرتين ثم 4 أو 5 (حسب الآلة) مرة واحدة

ملاحظة: في كل مرة لابد من طيها عدة مرات و رشها جيدا بالنشاء

ثم تقطع في جهة الرشتة الرقيقة

نمسك أحد أطرافها جيدا مع بعضهما البعض

ثم نضعها بين الوسطى و السبابة و نعطيها شكل الضفيرة تكون مرتخية (ماشي مزيرة) بهاذ الشكل:

ثم نمسكها من الطرف الآخر جيدا و نقص الزوائد من الجهتين

حاولي فتحها قليلا بتحريكها ذهابا و إيابا حتى لا تلتصق ببعضها البعض أثناء الطهي

نلصق الطرفين بواسطة بياض البيض للحصول على شكل أسورة و نتركها ترتاح قليلا

بعدها ترمى في الزيت الساخنة قليلا و على نار هادئة مع رمي الزيت عليها من فوق حتى تنتفخ

مع فتحها باستمرار بواسطة الشوكة

اقلبيها و اتركيها حتى تأخذ اللون الذهبي الأصفر

قطريها في مصفاة و اتركيها حتى تبرد ثم قومي بتعسيلها في العسل الدافئ مضاف إليه قطرات من ماء الزهر

زينيها في الوسط بالفستق المنسل