السلام عليكم يا الفحلات
اليوم بابا جابلنا كمية كبيرة من العنب الابيض و حرت واش ندير بيها قلت نصنع كمية منو معجون لكن ماعنديش وصفة اصلية و مضمونة الي عندها ماتبخلش علينا ربي يحفظكم
السلام عليكم ... حنونة انا موالفة ندير مربى العنب بصح معنديش وصفة مظبوطة يعني منقيسش كمية السكر علا خاطر كل عنب و حلاوتو ... نجيب العنب و نغسلو ومن يعد نحيلوا العلفة و نحطوا في اناء و نزيدلو السكر المهم نزيد و ندوق حتا تعجبني لحلاوة لي عندى
من بعد نبيتو في الثلاجة و غدوة باذن الله نحطوا يطيب علا نار هادئة و كي يبدا يغلي نحيلو هديك الرغوة البيضة باه ميخسرليش كي نخبيه
كي يبانلي بلي طاب نخليه يبرد و نرحيه و نشوف معاه ادا وصل للقوام لي نحبوا يعني عاقد او مزال ..
ادا عاقد نحطلو شوية ماء الزهر و نخليه يرفد العلية و نطفيه و ادا كان مزال معقدش نخليه حتا يعقد
كي يعقد كيما نحبو نخليه يبرد و نحطو في اواني زجاج . نخبيه في الثلاجة وكل صباح نتقهوا بيه .......
ان شاء الله نكون عاونتك
و حطي في بالك بلي راهو يزيد يعقد شوية في الثلاجة باه تتولهى برك و ميجيكش عاقد بزاف
سلام
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
( تقرير عن مشاركة سيئة )، و الموجودة أسفل كل مشاركة .
2014-10-10, 11:21
معجون العنب
العرض العادي
