مساعدة منك ايها الاخ الكريم sarl02

[عزف الكمان]

المشاركة الأصلية كتبت بواسطة sarl02

المشكل ليس ف المهنة ...بل في كيف تكون ناجح فيها ام لا....يعني هل هذا الشخص بانتر احب خدمتو وناجح ام نهار يخدم ونهار لا .وانا شخصيا لي جاري وصديقي شاب في بداية الثلاثينات بانتر لكن محترف يعني ما اطيرلكش باش يخدملك لازم ادير لاشان ...اكتسب خبرة في وقت قصير جدا والان راه امعلم وعندو قريب 10 عمال اشغلهم معاه في مشاريع يعطوهالو المقاولين....وهو ناجح جدا مقارنة بموظفين واصحاب شهادات عند الدولة...وانزيدلك متزوج ودار سكن خاص وسيارة جديدة وعايش لباس بيه من مهنته كدهان فقط وليس له اي مدخول اخر...وانزيدلك التالية عليها ونختمو ..انا بشهريتي ثابتة والحمد الله كي تبانلي حاجة هو اسلفلي الدراهم ووفق الله الجميع.

قريت ردك هذا وهذا ماكنت ابحت عنه
ايلا درت مزية بغيت نعرف اسم هدا الدهان =دهان الجدران == ربي يجازيك الخير
انا راح نسكن في القريب ولاية الشلف وقررت نمارس هادي الخدمة بصح ماني عارف والو
سقسيت واحد من الشلف قالي كاين واحد واسمو امين خدام دهان جدران بغيت نعرفو
والله راني عارف راح نكون وحداني في الشلف بصح هادي الدنيا تفرض علينا حاجات حنا ماناش باغينها
وربي يرزقك الخير يا اخي الكريم

[عزف الكمان]

نتمنى ان لا ينقل الموضوع

[ana-howa]

اخي ارسل له رسالة خاصة ولالو مع المشرفين حتى و ان لم ينتبه للموضوع راح ينتبه للرسالة اكيد
موفق خويا

[sarl02]

يا اخي كانك تبحث عن ابرة في كومة قش....على الاقل حدد مكان الشخص ولقبه...فولاية الشلف ولاية مليونية وفيها 16 دائرة و35 بلدية...ويا ترى كم من امين يمارس مهنة دهان في الشلف+ما طبيعة استقرارك ف الشلف هل تعمل وتعود او تسكن هنا نهائيا وفي اي جهة ربما نستطيع مساعدتك

[عزف الكمان]

المشاركة الأصلية كتبت بواسطة sarl02

يا اخي كانك تبحث عن ابرة في كومة قش....على الاقل حدد مكان الشخص ولقبه...فولاية الشلف ولاية مليونية وفيها 16 دائرة و35 بلدية...ويا ترى كم من امين يمارس مهنة دهان في الشلف+ما طبيعة استقرارك ف الشلف هل تعمل وتعود او تسكن هنا نهائيا وفي اي جهة ربما نستطيع مساعدتك

هو يسكن في دايرة الشلف على ما أظن والده متوفي وعمره 30 سنه يخدم في الصبيغة اللقب والله ايلا نعرفو
بالنسبة للسكن مازلت مخممتش حتى نتأكد من أمور الخدمة تم
ايلا عندك ادنى معلومة ساعدني جازاك الله الخير