طلب مساعدة فى مشروعى من الاخت روزا sd

fatma1977 · 2014-06-22, 10:36

السلام عليكم أختى روزا رانى حبيت تجاوبى رانى ناوية نعمل مشروع كوفر كنابى(تغليفة نتاع مطرح ومعاه زوج مخايد ) يعنى وريشة صغيرة حبيت تساعدينى واش هى الاولويات فى الالات والمواد الاولية للخياطة رانى ناوية نبدا المشروع فى دارى مع زوجى برك وبما أنك عندك خبرة من قبل حبيت تعطينى الايجابيات والسلببيات والعبر الى خرجتى بيها من موضوعك( أفلست فى مشروعى )رانى حابة نعمل المشروع ونوزع وطنيا شمال جنوب شرق غرب بالصح فى الاول راح نعملو محلى عاونينى الله يبارك فيك حبيبتى وأختى rosa sdبارك الله فيك وربى يخليلك آدم وخوه والامورة أروى ويعاونك فى تسيير مشروعك من جديد وبالبركة عليك أختى فتح الورشة من جديد رمضانك مبارك تصيميه بالصحة والهناء

fatma1977 · 2014-06-24, 19:08

يا للاسف المشاهدات 48 والردود 0 ربى يهديكم

rosa sd · 2014-06-25, 19:30

فاطمة اختي اسمحلي هذا وين شوفت الموضوع تاعك ,لي عودة ان شاء الله هذان اليومان ان شاء الله
اكرر اعتذاري

totana · 2014-06-28, 07:56

السلام عليكم ورحمة الله تعالي وبركاته الي الاخت الفاضلة rosa sd اريد منك مساعدة لو سمحتيلي

fatma1977 · 2014-07-01, 11:25

ألف شكر أختى روزا يعطيك الصحة وربى يشدلك فى وليداتك رانى فى الانتظار ربى يبارك فيك وصح فطورك وسحورك.

rosa sd · 2014-07-01, 18:06

السلام عليكم
اول واهم شيء التوكل على الله ,وجعل هذا العمل عبادة
فاطمة راني رايحة نعطيك بعض الاسئلة باش نقدر نعاونك ان شاء الله
اولا قلتي راكي راية تخدمي في الدار هل المكان اللي رايحة ديره ورشة واسع

fatma1977 · 2014-07-08, 10:27

وعليكم السلام ورحمة الله وبركاته أختى روزا المكان الى رايحة نعمل فيه الورشة 2.70متر على 3.90 متر للآلات والتفصيل عندى غرفة أخرى نقدر نتوسع فيها 4متر على 3.50مترعاملتها للضياف (وانا ما يجونيش الغاشى من غير لفامى للمبيت غير دارنا ودار راجلى عندى غرفة أخرى لإستقبالهم ) رانى عطيتك التفاصيل على المكان نتمنى تجاوبينى فى القريب وصح فطورك وربى يخليلك وليداتك وبوسيلى الحبوبة أروى .

fatma1977 · 2014-07-11, 20:07

أرجو الرد حبيبتى روزا وصح فطورك وسحورك

rosa sd · 2014-07-17, 22:34

السلام عليكم صحا فطورك
فاطمة عدد مشاركاتك راهو 963مشاركة بقاتلك 37 مشاركة برك ويوصل رقم تاعك الى 1000
كي يوصل ل1000 ابعثيلي رقم هاتفك على الخاص وان شاء الله راني رايحة نتصل بيك ونعاونك باللي نقدر
اما الان ما عنديش الوقت باش نكتب خصوصا رانا في رمضان الوقت ضيق راني خدامة وزيد الاطفال والطياب ,,,,,,وووو,,,,,

rosa sd · 2014-07-17, 22:40

البحث تاعي مازال مكملتوش وان شاء الله نكملو ونحطو كموضوع ويكون مرجع لمن يريد

fatma1977 · 2014-07-20, 21:00

السلام عليكم ورحمة الله وبركاته صح فطورك وصح سحورك

يعطيك الصحة أختى روزا رانى كى نوصل 1000 مشاركة رانى نبعثلك رقم تلفونى وحاولى تتصلى بيا فى القريب رانى حابة ما يجينى العيد الجاى غير نكون حضرت كنتيتى كبيرة باه نوزعها على التجار ومن بعد أنا نعاودك ونستفسر بالبيا على الورشة ربى يجازيك ويشدلك فى وليداتك .

طموح1948 · 2014-08-30, 13:27

اختي لو بداتي مشروعك افيدينا لشراء من عندك

fatma1977 · 2014-09-01, 12:32

إعتمدى أختى طموح وراسلينى على الخاص وان شاء الله نكون عند ضنك بيا

نذير المداني · 2014-09-01, 12:34

أيتها المتالقة (fatma1977 )

ربى لايحرمنا من هذا القلم الذهبى

دمت ودام قلمك

fatma1977 · 2014-09-19, 19:12

يعطيكم الصحة على المرور وبالاخص المدانى نذير هذا كلام بالزاف عليا لست بهذا الكم فى القلم نتمنى يكون قلمى ذهبى كيما راك تقول