العمل , روشارشي , الكفالة , مساعدة عاجلة من فظلكم ...

haled Fr · 2014-09-18, 11:55

السلام عليكم ...
خاوتي انا جاني الاستدعاء الثالث معاه امر بالإلتحاق مارس 2014
وقتاه برك نولي روشارشي باه نرح للمحكمة العسكرية
الشهر لي فات ديما ندير طلة على مكتب التجنيد باه يعطوني la mise en route باه نروح بيها للمحكمة
وين نروح يقولولي مازال .
انا نجحت في مسابقة التعليم وطلبو عليا السورسي
عطاوني في لاكاديمي وثيقة ( التبليغ بالمنصب ) وهاد الوثيقة معروفة يعطوك بيها سورسي تاع 6 اشهر
البارح كي رحت باه نشوف كيفاه قال انت مانقدروش نديرولك سورسي puisque راهم شكاو بيك ( تاع الخدمة الوطنية ماهمش
الجيران لي شكاو بيا )
قتلو وقتاش برك نولي روشارشي باه ندي la mise en route .
قالي ماعلاباليش exact بصح ليمات هادو
خاوتي لي يعرف كاش فكرة وقتاش تخرج exact ولا فاتت عليه الحالة هادي يخبرنا
انا حاب نروح للمحكمة العسكرية باه ندفع ملف كفالة
سؤال آخر كي ندفع الكفالة يقدر يعطيلي procureur سورسي كي نحكيلو على الخدمة ونعتلو الورقة تاع تبليغ بالمنصب , ولا الورقة الاولى لي يمدهالي تعتبر سورسي !

اسمحولي طولت عليكم
لي عندو معلومة يفيدنا بيها
وشكرا مسبقا ...

abdeldjalil147 · 2014-09-18, 13:15

au maximam aprés 6mois mali jatak ordre apelle talya
fi hada octobre jay inchallah roh tal9a rohake insomi

صالح القسنطيني · 2014-09-18, 18:24

انت اك عاصي بحكم قالولك ان مركز الخدمة بث امرك لوكيل الجمهورية في المحكمة العسكرية و هذا يعني انك عاصي و المحكمة توجه لها بعد العصيان و ليس بعد الروشارشي لانه ان كنت مبحوثا عنه يحق لهم توقيفك

haled Fr · 2014-09-18, 19:06

اخي صالح في مكتب التجنيد قالولي راهم شكاو بيك عند وكيل الجمهورية بصح مازال مابعثوش امر بالبحث
الاستدعاء الاخير معاه امر بالإلتحاق ( 15 مارس 2014 )
يقولو apres 6 mois تولي روشارشي
فاتت ال 6 mois ومازال , شكاو بيا ومازال ماوليتش من المبحوث عليهم يعني مازال منقدرش نهز la mise en route
خويا صالح ممكن الاسبوع القادم نولي روشارشي ونقدر نهز la mise en route باه نروح بيها لقسنطينة ؟ حسب معرفتك
سؤال آخر كي ندفع الكفالة يقدر يعطيلي procureur سورسي كي نحكيلو على الخدمة ونعتلو الورقة تاع تبليغ بالمنصب , ولا الورقة الاولى لي يمدهالي تعتبر سورسي !
عابالي الوكيل راح يكون صعيب شويا بصح نقدر ندي ونجيب معاه في الهدرة
ممكن تفيدني بارك الله فيك اخي ...

haled Fr · 2014-09-18, 19:09

اقتباس:

المشاركة الأصلية كتبت بواسطة abdeldjalil147

au maximam aprés 6mois mali jatak ordre apelle talya
fi hada octobre jay inchallah roh tal9a rohake insomi

merci خويا لعزيز
علابالي بعد 6 mois بصح telement نحتاجها على جناح السرعة راني نسقسي على الوقت exact