هل يموت الحب بعد الزواج

هبة خير · 2014-09-16, 21:33

سمعت بهاد الجملة بزاف وما عرفتش واش صح كاينة انا تزوجت عن حب وشحال فرحت كي جا اخطبني مشيت صليت ركعتين وبكيت من الفرحة ونهار عرسي احساس خاص وجميل جدا واليوم عندنا 11عام زواج الله يبارك وكل يوم حبنا يقوى اكثر حبيت نعرف واش كاين اللي الحب اللي كان بيناتهم نهايته فراق

~~كلنا راحلون~~ · 2014-09-16, 21:43

هههههههههههههه ما خبيش عليك

مابعرف

الجسم في غربة والروح في وطن · 2014-09-16, 23:36

ـ انا الحمد والشكر لله كل ما راهم يجوزو اليامات مع زوجي كل ما راني نحبو اكثر و اكثر فهو صديقي و ابي و حبيبي خاصة في هاد الغربة ربي يحنن قلوبهم علينا يا رب

هبة خير · 2014-09-17, 08:24

ربي يدومها عليك عرفي كيفاش تحافضي عليها

الجسم في غربة والروح في وطن · 2014-09-17, 16:51

El mouhim el ihtiram 9ad may kouna bin ezawjain 9ed mat zidi lemheba

*سندوسة* · 2014-09-17, 08:52

الله يحفظكم مالعين

ويبعد عنكم الحاسدين

وربي يدومها

Kawthar77 · 2014-09-17, 09:29

هدي المقولة ليست صحيحة اختاه والزوج هو لي يجدد الحب لزوجته او العكس وانا مرات غير وحدي نقنط ونبكي وبدون سبب وحبيبي وزوجي ربي يخليهلي ان شاء الله بكلمتين حنان ينسيني اسمي هههها والحمدلله على الدرية لي رزقنا بها ربي وانا متقلبة الحال ومرات نقوله نموت عليك ومنقدرش نعيش بلا بيك وبعد ساعة نقوله روح لبلادي ونسمح فيك هههها وهو يضحك عليا ويقولي مجنونة تاعي والحمدلله

هبة خير · 2014-09-17, 09:50

الحمد لله علئ نعمه واحد وشت راه باغي من هاد الدنيا غي الهنا وكلشي يفوت

achwak.1993 · 2014-09-17, 11:49

ربي يهنيكم أجمعين يا رب و يدوم الحب بيناتكم

هبة خير · 2014-09-17, 12:30

امين ياربي وعقبالك انشا الله

" أبو عبود" · 2014-09-17, 13:36

اولا واش هو مفهوم الحب عند الناس لي حطو المثل هذا؟ أظن ان الحب عندهم هدايا وعطور ونفقات وخرجات وسهرات وعرضات. لكن الحقيقة أن المراة كي تتزوج يولي راجلها هو راس مالها خصوصا إذا لمست فيه المعاملة الحسنة والحرص عليها. هنا هي تصبح تراه وبدون هدايا افضل رجل في العالم. والرجل إذا لمس في زوجته حبها له وحرصها عليه وعلى ماله يحب يفعل أي شيء لكي يسعدها لأنه يعرف انها تحافظ عليه فيكون اكرم عليها مما تتصور. لكن إذا بدأت تحاسبه على " ما جبتش، من مدة ما عطيتليش" هنا يراها " تبروفيتي" وهنا تتغير معاملته. وهي عندما تراه" يتهرب وينسى مناسبات مهمة في حياته وقد يصل به الامر إلى حرمانها من حقوقها" هنا تتغير وتبدا تبتعد وتتجاهله وهنا يشعر انها لم تعد تحبه.
يجب على المتزوج ان يحسن الظن بالطرف الآخرخصوصا المرأة، انت لا تعرفين ماذا حدث معه بالخارج وفي العمل. لا تعرفين إن كان تشاجر مع شخص أو طرد من العمل أو تعرض لتحرش من امرأة او اي شيء آخر. احسني الظن به ما لم تجدي دليلا على خيانته. لا تكوني كالمخابرات العربية يقحمون الشخص في مشكلة ثم يلقون عليه القبض بدل ان ينتظروا حتى يخطئ. او كالملعم عندما ينظر إلى ورقة التلميذ لا يبحث عما هو صحيح بل يبحث عن الاخطاء فإذا وجدها كلها صحيحة بدل ان يفرح يعيد القراءة بحثا عن الخطأ. هكذا حال بعض الازواج. آسف على الاطالة

هبة خير · 2014-09-17, 14:17

شكرا علئ الرد ولا اطالة في كلام مفيد

loufa · 2014-09-17, 14:23

ربي يهنيك مع زوجك وعائلتك وانصحك نصيحة ام لابنتها
لا تكثري من الكلام في هذا الموضوع فهناك ناس لديهم مشاكل ولم يوفقوا في حياتهم ويتمنون ربع ما انت فيه
ويوجد من هم ضعاف النفوس ويحسدون الناس لما فيه

انا لا اعمم فكما يوجد الطيب يوجد الخبيث
حفظك الله ورعاك

ولد حمد الباتني · 2014-09-17, 14:27

هاتي يتزوجو برك

هبة خير · 2014-09-17, 14:42

شكرا ختي علي النصيحة وهذه هي الدنيا ماشي كاملة وهادو اللي ماوفقهمش ربي في الزواج هو ابتلاء كيف ما عندوش الرزق واللي ماعندش الذريةوزيد ........وزيد