مربعات الكراميل باللوز ... حلوى اختراعي شكلا و مضمونا

[remadna]

بسم الله الرحمن الرحيم

السلام عليكم و رحمة الله



حبيت نخترع وصفة من عندي بدون اي اعانة تاع كتب او نت و فعلا نجحت
هذه الحلوى اول مرة نعملها كان عندي بقايا العجينة المورقة في الفريز و حواشي بقلاوة حمصتهم مليح و درت الكراميل على النية و عند اضافة الخليط جاني عجنة مستوية و كأنني كيلتها بالدقة
انا جاتني شوية قاسية لأنني درت نص كاس حليب ، لكم انتم بدلت الوصفة ( 1 كاس حليب)
لكن البنة ما عندي ما نقول كراميل و لوز يقرمش رووووووووعة عجبت كل من ذاقها

بالنسبة للعجينة المورقة بدلت الزبدة و عند الطبخ تقطعت الى قطع و هي في الفرن و خرجت الزبدة تاعها ، احتفظت بها حتى جاء النهار تاعها و لقيت لها الحل
راكم عارفيني كي تصلح الوصفة او لا ، عندي كيف كيف ، المهم لا اغضب و لا افشل و لا ارمي نعمة ربي (اتوكل على الله و ألقى اي حل)

المكونات: حواشي بقلاوة (مدششة) طايبين بدون عسل، بقايا العجينة المورقة (مدششة) لا ترحى في المكسور، لوز محمص و مدشش خشن (مغربل)


الكراميل: 600 غ سكر احرش، 50 غ زبدة، 1 كاس حليب سائل تاع ساشي (25سل)، 2 مك ماء
الطريقة: يوضع السكر و الماء على نار متوسطة حتى يتبدل لونه ، ينزع من النار تماما وتضاف الزبدة و تحرك بالملعقة بسرعة حتى تذوب ثم يضاف الحليب و يحرك جيدا


تضاف المكونات و تحرك طبعا بعيدا عن النار


توضع في بلاطو فوق ساشي و يضاف اللوز من فوق و يمرر بالحلال لكي يدخل و يثبت


تقطع بساطور لتسهيل المهمة و هي دافئة ( انا درت نصف كاس حليب و قطعتها و هي دافئة الحمد لله و بعدما ما بردت يبست شوية، انتم ديرو 1 كاس)


تزين بخطوط الشكلاطة


هذه غلفتها بالسيلوفان لإعطائها منظر حلويات المصنع تاع الخارج


دعواتكم لأخوانكم المسلمين المكروبين