الله لا تربحهم

[مشكلتي]

السلام عليكم
بدايتي كانت فتاة هادئة لاقصى الحدود عاذفية و حساسة لدرجة اني اذا شفت فقير ذليل او صغير يبكي او اي شخص في موقف محزن نرجع للدار نبكي بزاف و ندعيله و نبقى نخمم
التضحية عندي كانت واجب للكل لدرجة تخليت على التخصص اللي بغيته في سبيل نبقى مع صديقتي و لانها جيت الاولى على الدفعة خرجتني من الغرفة و تخلات عليا باصعب موقف
زيادة على ذلك صرالي مشكل كبير بزاف ابتلاء عظيم الناس الكل تخلت عليا اهلي و صحبتي و بعد مدة الكل طلبو السماح وصلت اهلي يبـكيـو قدامي يطلبو السماح و سامحت
و صديقتي خليتلها التخصص و الجامعة و انسحبت من حياتها لانها هي طردتني و السبب اني كنت الاولى على الدفعة و جات بعد 3 سنوات اعتذرت و طلبت السماح و كتبت حتى في مذكرتها للتخرج اهداء خاص ليا مي فات الحال و صدمتي فيها و اللي داراتو ما يتحكاش

المهم سامحت اهلي و صديقتي و جا وقت زواجي و خطبني شخص كنت من قلبي متمنية يجي نهار يخطبني و صارت و كانت فرحتي لا توصف الى ان خدعني هو تاني و غدر بيا و حطمني و --- صبرت

بديت بداية جديدة مع اخر و كنا عادي ملاح و تحدد موعد العرس و كنت نقول يا ربي محتاجة بداية جديدة ننسى كل همي و نفرح
و قلت له راح نترك عملي و نستقر معاك و مع ولادنا ان شاء الله و قبل عرسي بأقل من شهرين بعدما بدأنا التحضيرات الكل اكتشفنا انو زير نساء و و و و و
شخص نتاع حرام باختصار
و العديد العديد استـشفاو فيا و قالك مليح فيها تعرفو علاه على خاطر ما عندي حتى علاقة بالناس دابي داب روحي ما نخالط ماني نتاع زنق و علاقات و و و

جات دور زوجة اخي نحن عليها نعطيها دراهم نشريلها واش نشري لروحي و اكثر خرجتلي في الاخير واش نقلكم اول واحدة شافت دموعي و علابالها بهمي استشفت فيا و جرحتني و نقلت اخباري و عجبها لي راني محطمة و غير نبكي بعدما كنت زهوانية في الدار

النتيجة :
* انا اليوم واحدة ترتاح لما تشوف الناس تبكي
* الكل جرح و الكل طلب السماح مي حابتهم الكل يخلصو
* حابة كل واد فرح لعذابي يتعذب و نشوفها بعيني
* خطيبي الخائن يمر قدامي يقلي شوفي راني تزوجت و انتي لا
* صديقتي و اهلي والاخر ندمو كثير
* اليوم اللي يغلط فيا ما نسامحوش و صرت عدوانية و عنيفة
* الكل في فمو كلمة واحدة راك تغيرتي وين راحت هاذيك العاقلة و الهادئة نتاع قبل ههههههههههه نساو لي هوما لي فرماطاوها

باختصار انا نكره الناس الكل و هادي عندها مدة ماشي نهار و الا شهر و الا عام
نكرهم و حابة لي جرحني يخلص و ما صبرتش حتى يجي نهار

و ما خفي اعظم

[azera dz]

الصبر ثم الصبر العالم لم ينتهي بعد .....في الحقيقة شخصيتك الاولى رائعة جداا لكن لو كانت فيها بعض البرودة احسن ...و شكراا

[أم شروفة]

.تعلمي أن تكوني أقوى واستمري في حياتك وكأن الناس اللي يجرحوك غيرموجودين. ما زلت لم تدخلي الدنيا بعد............تزوجي وانجبي وعيشي مع زوج لا يحترمك يخونك الف مرة في اليوم . وأطفال لا يسمعون كلمتك.ولا يقدرون تضحيتك . و اهل زوج وكأن هدفهم الوحيد في الحياة قلب حياتك والتشفي فيما يحدث لك.وعيشي مع اعداء حقيقيون .عيشي مع جارة تخطف زوجك وووووووووووووووووووو.ثم رديلي بالخبرو شوفي النساء وش محتملة وعايشين حياتنا وكأننا اسعد الخلق

[ندى الصبح]

[سامحيني اذا قتلك انت سبب ما حصل لك!
سمحت في تخصصك على جال صحبتك؟؟؟ هذه ليست طيبه ولكنها بكل اسف جياحه
المهم الي صرا صرا وما عندك ما تبدلي فيه ولكن اعتبري من اخطائك وكيما يقولو الضربه الي ما تقتلكش تقويك
تأكدي يا حبيبتي انك لست الوحيده التي ظلمها الناس وضحت وفي المقابل تخلى الجميع عنها ،،،،،،، امثالك كثير فلا تقنطي ولا تسمحي للحقد ان يعمي بصيرتك
حاولي ان تجدي طيبتك من جديد ... تقربي من الله فهناك تجدين الطمأنينه الحقة ..... واما الناس فلهم رب يحاسبهم
بالتوفيق [/U]

[salem1985]

اختي لابدا ان نحس بالاخرين والانسان لابدا ان يكون بحر في زماننا حتى يبتلع كل شئ والا نرى كل الناس اعداء وانا اقول لك بكل صراحت انا اعاني من سحر اوعين اومس بعد الي كنت انسان ملتزم ولا يفوت يوم الا واقرا القران اصبحت لا اطيق حتى القرب من المصحف حتى اني في مكان العمل لا ارتاح ولا يمكنني ان ابقى في المكتب اكثر من 5 دقائق رغم اني ابقى في مكان عملي اكثر من 20 ساعة لاني اسكن في مكان عملي ولا يمكنني ان اغادر مقر عملي الا بشق الانفس ولكن مكتبي لا ارتاح فيه مطلقا

[achwak.1993]

قصتك مؤثرة ما عرفتش واش نقول
جيت نقولك راكي غالطة لقيتك عندك الحق تلفتلي
لكن الحل الوحيد هو أن تقتربي من الله عز وجل قدر المستطاع

[aya2007]

ربي معاك ...كاين مقولة ...لايلدغ المؤمن من جحر مرتين ...راكي خالطتي الناس ..الإنسان لازم يستفاد من تجاربو يتعلم ما يحكيش اسرارو و مايثيقش في اي حد و مش اي شخص يقولينا كلمة حلوة راه يحبنا ..ما لازمش نبينو نقاط ضعفنا امامهم و إلا نبكو او نشتكو...نتصرف معاهم بحكمة ...صدقيني انا عشت تجارب مشابهة لك و اكثر بكثير و تعلمت و مازلني نتعلم ....تعلمت انو نحافظ على اعصابي و عقلي لازم يفكر في حاجة تفيدني في دنياي و اخرتي ....حفظ قرآن ..ممارسة هوايات ...نتخلص من كل مشاعر سلبية لانها ماراحش تفيدني و راح نمرض و عدوي يفرح ...حافظي على صحتك اختي و انسي اللي فات لاكن إحذري منهم و إنشالله تتلاقاي بناس احسن من هاذو ..و اوصيك اختي بقراءة سورة البقرة ...صدقيني عن تجربة ..ربي معاك و إن شالله ما نكونش خرجت على الموضوع و نكون افدتك ...

[النجمة القطبية]

انا اسفة يا اختى
لكن لا مبرر لديك لتتحولى الى انسانة معندها حتى مبدا تفرح لمشاكل الغير وتضحك لبكاءهم
بهذه الطريقة تكوني اعطيتلى الفرصة للشيطان ان ينتصر
شوفي اولا انتى غلطتى في اكثر من امر
اولا انتى كنتى شخصية عاطفية اكثر من اللازم حساسة لدرجة كبيرة وهذا دليله تضحياتك الكبيرة يعنى بين قوسين كيما نقولو ساذجة لا تفكرين بعقلك ومنطقيا كان يستلزم ان تتكرر سقطاتك
يا حبيبتى في هذه الحياة يوجد جوانب سلبية واخرى ايجابية وكاين ناس ملاح وناس نص نص وناس العكس وعليها التضحية تكون على قدر العطاء يعنى ضحى من اجل من يستحق ماشي نخلى دراسة تخصص احبه من اجل صحبتى ثم اترك لها الجامعة كاملة المبدا هنا هو هل انتى رحتى للدراسة ولا من اجلها ولمصاحبتها
بالنسبة لعلاقاتك الشخصية اخطاتى الاختيار ربما بسبب العاطفة او لمجرد التسرع وعادى الانسان يتعلم من الخطا
الان اطوي صفحة الماضي وابدي حوسي على التوازن بداخلك
ماشي مليح الانسان يكون ساذج لكن الاسوء لما يولى شرير او حقود وانتى على ما يبدو جربتى الاثنين
الان تقربي من الله واستغفري لتجدى التوازن
ربي معاك

[amine60]

ماتخليش هاذو الناس يبدلوك و يخلوك نسخة طبق الأصل منهم و عائلتك دير فيك واش تدير تسامحيهم لأنهم من لحمك و دمك أما الآخرون يدزو معاهم الصاحب يتخلف و الخطيب يخلف و هيا رايحة

[طُمآح الذُؤابة]

أرجوا لأختي أن تُطالع كتب التي تُطوّر الذات "النفس البشرية".
هذا ما يمكن لي أن أقوله ..
لأني لو أخذتُ في الحديث .. سأكتُب جريدة هنا .


همسة : أنتِ السبب في كل ما حصل "لا يوجد شخص آخر فعل بك ذلك"

هذه العبارة لا تُسقط الهمة .. بل لكِ أن تفكري بها و تقتنعي بها
و ستُدركي حينها ..

أنكِ السبب .. إذن المفاتيح بيدك !


موفقة .

[djamel125]

اختي حاجة مليحة يكون الانسان طيب وحساس بصح في حدود المعقول لانوا اذا اتجاوز الحد يعود ضعيف
وانا راني شوف بلي راكي حاسة روحك ضحية الطيبة نتاعك ومكر الناس ودايما تقدمي التنازلات وتسامحي وووو....
لازم يكون عندك شخصية وموقف وتواجهي الناس وتعبر عن الغضب نتاعك ميش دسي في قلبك وتكرهي الناس وتبكي
كونك قوية

[hodahodahoda]

من حقي ان تتعيري لكن ليس الى درجة انك تتلددي بالام الاخرين
لا لا لا

[زرقـآء اليمآمـة]

السلام عليكم
اختي كنت نية زيادة عن اللزوم ......... قوة الشخصية مطلوبة حتى ينجح الانسان في حياته وليس معنى ذلك قسوة القلب وانعدام الرحمة و الشفقة اتجاه الغير .......... لا ........... فالمؤمن القوي خير من المؤمن الضعيف ............
ثم اختي الي فات مات حتى وان ترك فيك آثارا معليش هذه هي الحياة دروس وعبر يجب ان تتعلمي منها ولا تعيدي الخطأ ...... ليس العيب في السقوط ولكن العيب في عدم النهوض مرة اخرى .......... لا تستسلمي و في المقابل لا تجعلي قلبك حقودا فالمؤمن مبتلى ....... ما جرى لك مزيج من الابتلاء و الرضوخ للاخرين ........ ابدئي صفحة جديدة واستعيني بالله وبالصبر وبالصلاة ...... واحتكي باهلك ولا تجعلي فارقا كبيرا بينك وبينهم ............. واكثري الدعاء فالله سبحانه قادر على كل شيء ................. والله المستعان

[هبة خير]

كنت انسانة رائعة غلطت برك كتخليت علئ التخصص حاولي ترجعي كيفما كنت بالتقرب الئ الله وتاكدي انك عايشة لعمرك ماشي لا لخطيبك القديم ولا صحبتك..............حاولي تبني حياتك من جديد كل انسان تمر عليه عترات

[حواء 19]

تسمحلي اختي بصح نقولك حاجة انت راكي تبرديلهم في قلوبهم تمناوك تكوني هكدا حققتيلهم حلمهم بصح نقولك تطفر غير فيك ننصحك شقي طريقك و خمي على روحك لا خاطر واحد ما رايح يقول هادي مسكينة بالعكس رايحين يشفاو فيك انساي كل ما مضى و اتفاءلي و صلي و ادعي ربي راهو مجيب الدعاء و القادم اجمل و احسن و ربي يوفقك ان شاء الله