مستعجل من فضلكم ، الأخ صالح و أمين .

أحمد زابانة · 2014-09-12, 10:00

السلام عليكم اخواني الأعزاء .,
أخواني ذهبت البارحة الى مركز الخدمة الوطنية و استفسرت عن حالتي فقيل لي أن هناك أستدعائين قد خرجا لكن لم أستلمهما ، في حين هذا الشهر سبتمبر لم يخرج استدعاء ، اخواني أردت أن أنتهي من شبح البطاقة الصفراء ، فقمت بتفضيل الذهاب في هاته الدفعة كضابط احتياطي متطوع و اخترت المدرسة التطبيقية للهندسة ن ع 5 ب بجاية . علما أن العدد كبير في المركز الذي طلب الذهاب الى بجاية و كلهم جامعيون و لديهم ديبلومات علمية عكسي أنا لدي ليسانس في التربية البدنية .
سؤالي اخواني :"
هل من الممكن أن أخرج كفائض ؟ أم أن المتطوع لا يمكن أن يخرج فائض ؟

أحمد زابانة · 2014-09-12, 11:42

هل من مجيب يا أخواني .

khaoula la dentiste · 2014-09-12, 12:07

خويا واش راح نقولك اذا تشوف معريفة خير و خير لك... اما بخصوص ديبلوم لاتفرح كثيرا لانهم يحتاجوا جماعة sport.. ولكن بطبيعة الحال مايرفدوش غير جماعة سبور يهزوا غير واش يحتاجوا.. يعني ممكن يكونوا جماعة سبور بزاف فيرفدوا كعبات و يطلقوا للبقية.. و ان شاء الله خير يا اخي و تفرج عليكو تخرج اعفاء
و نصيحة لك اذهب متأخر

أحمد زابانة · 2014-09-12, 12:49

ان شاء الله أختي الكريمة دعواتكم لنا ربي يحفظكم ، لا تنسونا بدعواتكم خاصة يوم الجمعة و الله الانسان عافس على قلبو 28 سنة و رايحين على ربي سبحانو .

algeriano2009 · 2014-09-12, 14:31

أنت يا أخي روح بنية أنك تجوزهأ لأنه الصراحة بجــاية المتطوعين يشدوهم + أنت تخصص رياضة يعني التخصص المفضل عندهم. لكن الأمل دائما موجود كاين متطوعين تعرفت عليهم كانوا في بجــاية خرجوا بملفات طبية أكدولي و جود متطوعين خرجوا فائض أيضا.

بالتوفيق.

amiminou · 2014-09-12, 14:48

خلي مرآ لجيا وجيب أخرى ــــــــ لأنه بجآيه يشدو متطوعين

صالح القسنطيني · 2014-09-12, 15:06

شوف إذا دخلو بزاف عاملوا المتطوع كغيره

و بصح إذا مدخلوش بزاف حتى 24 سبتمبر بدأوا بتجنيد المتطوعين

و بجاية معروفة بلى يدخلوها بزاف و تخرج فايض بزاف

محمد صديق علي · 2014-09-12, 15:09

كل شيء بالمكتوب تكل على ربي وروح وممكن تخرج فائض دير شوية روطااار برك يامات قلال برك

أحمد زابانة · 2014-09-12, 17:57

يا جماعة ندي معاي ملف طبي أفضل ؟

Corleone · 2014-09-12, 18:34

الملف الطبي يضاعف نسبة خروجك عشرات المرات شوف كاشما تعرف طبيب نفسي معتمد لدي المحكمة وقولو يديرلك compte rendu بلي راه عندك مرض نفسي او شيء من ذلك القبيل بعيد الشر عليك

أحمد زابانة · 2014-09-12, 18:45

أوكي أخي بارك الله فيك