مساعدة

[رحاب الرحمان]

السلام عليكم اخواتي راني حابة طريقة عش العصفور لام محمد تاج تكون موضحة وبالصور

[titina]

السلام عليكم
هذي طريقة أم تاجو

المشاركة الأصلية كتبت بواسطة idron0

عش العصفور ام محمد تاج
العجينة:
3كيلات فرينة وكيلة سمن نصها مارغارين ونصها سمن ورشة ملح وزوج مغارف سكر قلاصي وبيضة ونلم بماء الزهر نلوزها ونخليها ترتاح مليح كل مارتاحت كل ماتعبكش في الخدمة نحلها ماشي رقيقة وماشي خشينة ونحطها في لي مول .
الحشو:
200غ كاوكاو مقلي بالقشور و600غ مقشر ومقلي وثلاث مغارف سكر عادي وزوج مغارف مارغارين طرية وفاني ومغرف كبيرة اكستري تاع الكارامال ونلم بالبيض ومالازمش تجي جارية ولا يابسة ونخليها ليلة تبات وباقي الطريقة راهي موضحتها الحبيبة فلة في الرابط وكي طيب نعسلها مرتين وكي نحط المكسرات في التزيين نسخن شوي جولي وندهن برفق من فوق ونذرذر شوي بريو دوري وخلالالالالاص ولا نذرذر حبيبات فضية الصغيرة.

[size=5]

وهذا شرح للطريقة للأخت فلة

المشاركة الأصلية كتبت بواسطة fella food art

المقادير
عجينة الفيلو: Pâte phyllo
*8كيلات فرينة
*1كيلا سمن دايب و دافىء
*1ملعقة كبيرة لافني
*قرصة ملح
*ماء الزهر و ماء
*نشا

مقادير الحشو
*2كيلات لوز مرحي بقشورو
*1كيلا جوز
*1كيلا سكر تسكار
*extrait de noix غير ضروري
*1ملعقة كبيرة لافاني
*بيض

مقادير الشربات
*1 كيلو سكر
*3كيسان كبار ماء
*قد حبة حميصة شب او برج ليمون

طريقة تحضير الحجينةpâte phyllo

1تكيلي من بعد ديري الفرينة +لافاني+قرصة ملح + السمن من بعد بلي بماء دافيء و قليل من الماء الزهر

اعجنوها مليح كي تنطم ديروها في كيس و خليوها تريح


من بعد اقسموها ال 10 اجزاء

من بعد حلو كل جزء بالحلال و حطي واحدة على وحدى حتى تكملي هادوك 10 اجزاء ok
ما بين كل وحدى ديرو النشا




ابداى تحلي بالحلال حتى تولي كلي عجينة وحدى حتى تولي رقيقة ديري النشا كي تحليها ماشي الفرينة ok


من بعد قطعي مستطيلات كبار و حليهم في ماشينة الرشتة حلي مرة في رقم 4 و مرة في رقم 6

و قطعي وديريهم في لي مول يكونو شوية كبار و هابطين ماشي كي تع الدزيريات








و خليهم بجيها دوكا نروحو لل حشو

طريقة تحضير الحشو

نرحي اللوز و الجوز رقيق ثم في ايناء كيلي 2 لوز و 1 جوز و 1كيلا سكر تسكار و لافاني و بلي بالبيض حتى تنطم العجينة ديرو بشوية البيض attention مايلزمش جي جارية و لا يابسة تكون متوسطة ok


و لي تحب دير عطر الجوز ماشي ضروري انا نحب نديرو درت نص ملعقة خاطرش قاطع بزاف
تقدرو ديرو 3كيلات لوز + 1ملعقة كبيرة عطر الجوز يجي بزاف بنين تحسب درتي الجوز سبحان الله الاخترعات واش دير



انا ف هاد الكيلا درت حبة بيض متوسطة الحجم


كي تنطم ديريها في كيس و خليها تريح

طريقة التشكيل

et taraaaaaaa


يا عمري شحال شابة هههههه


من بعد دخليهم لل فرن يكون متوسط الحرارة
كي يطيبو ينتفخو شوية

من بعد شربيهم يا يكونو هما سخونين و الشربات باردة و لا العكس

[/center]

ان شاء الله يكون عجبكم

صحا عيدكم كامل يا اصحاب منتدى الجلفة

[أم ياسين الزهراء]

هي بدلت غير العجينة والباقي كيما تاع فلة ساهلة اختي تبعي كيما دارت فلة الحشو وكملي الباقي