طبق فارميسال

هانية2 · 2014-09-07, 15:30

السلام عليكم ورحمة الله وبركاته
عملت طبق فارميسال بزاف عجبني
تدهني حوال 500غ فارميسال بالزيت ممبعد تفوريها
كي تفور رشيها بنص كاس ماء
زيدي شوية ودهنيها بالزيت ممبعد زيدي فوريها
في كوكوت سكرفجي حبة بصل مع شوية زيت و4سنات ثوم
واطراف دجاج وزيدي حفنة حمصو زوج ورقات رند
حمسيهم مليح ممبعد ديري الملح والفلفل الأسود
بعد دقائق ارمي عليهم زوج حبات طماطيش مسكرفجين
مع ملعقة كبيرة طماطم مصبرة وراس فلفل حار والعكري
خليهم شوية يزيدو يتحمسو ممبعد فرغي عليهم لتر ماء
واغلقي الكوكوت حتى يطيب الجاج
كي يطيب ننزع الدجاج ونفرغ الفارميال فالمرق
نغلق الكوكوت مليح ونحط الصفارة بدون ما نشعل النار
يعني نخليها طافية ، نخلي الفارميسال تتشرب المرق مليح
والنار طافية وإلا رايحة تلصقلك
زيني الطبق بالدجاج

اية2007 · 2014-09-07, 15:59

شكرا على الوصفة اختي هانية.

ام محمد78 · 2014-09-07, 20:31

شكرا على الوصفة

تينا ماريا · 2014-09-07, 21:40

شكرا على الوصفة اختى
بصح تديريلها الماء مرة برك و لا زوج مرات ما فهمتش مليح

هانية2 · 2014-09-08, 08:51

انا درت مرة وحدة حوالي لتر
ممبعد كي نضج الدجاج بقات شوية مرقة هذيك رميت فيها الفارميسال
وعينك هي ميزانك ، يعني اذا لقيتيها نشفت تماما لازم تزيدي شوية
باش تلقى الفارميسال وين تتشرب

اقتباس:

المشاركة الأصلية كتبت بواسطة سارة 84

شكرا على الوصفة اختى
بصح تديريلها الماء مرة برك و لا زوج مرات ما فهمتش مليح

~ 하난 · 2014-09-08, 09:38

بارك الله

باينة تهبل

scorpionoir · 2014-09-08, 10:06

شكرا لكي فعلا تجي بنينة

عطرالذهب · 2014-09-08, 10:24

رووووووعة بالصح يااختي حطي صور باش مواضيعك تلقى نسبةمشاهدة اكبر

تينا ماريا · 2014-09-08, 11:16

اقتباس:

المشاركة الأصلية كتبت بواسطة هانية2

انا درت مرة وحدة حوالي لتر
ممبعد كي نضج الدجاج بقات شوية مرقة هذيك رميت فيها الفارميسال
وعينك هي ميزانك ، يعني اذا لقيتيها نشفت تماما لازم تزيدي شوية
باش تلقى الفارميسال وين تتشرب

شكرا على الرد اختى انا قصدت الفارميسال قداه تديريلها الما كاس و لا نص برك لاني موالفة درتها واش نقولك كثرتلها الماء تلبزت في بعضاها كما حطيتها في المرق جات معجنة

بارك الله فيك