اين الضمير

sarah1424 · 2014-09-03, 23:34

السلام عليكم
مشكلة وكارثة نعم كارثة حقيقية لم اجد الكلمات لوصف هاته الكارثة والحالة المزرية للنساء الحوامل في غرفة الولادة
اخلاق منحطة معاملة سيئة من قبل القابلات للحوامل
البارحة دخلت بنت خالتي المستشفى الساعة 22.00 غلقو الباب وراحو يرقدو وقالولهم مكمش نتاع زيادة
المهمالصباح كلمتني بنت خالتي قاتلي الحقيني راني في حالة رحتلها طولت شوي في الطريق بمجرد وصولي دخلت لقيت بنت خالتي تولد على الارض في حالة مرمية وكانها حيوان على الارض المهم انجبت بنت الحمد لله على سلامتها
انا عصبية ولا ارضى بالذل تشاجرت مع القابلة قاتلي كرهنااا هاد الخدمة ديما يولدوو:con fused:
مش متربيات يشتمو يسبو والله كلام ما يتقالش
وانا واقفة مع بنت خالتي امراة على ولادة باعلى صوتها والقابلة تقلهاا اسكتيييي بطريقة وقحة قالتلها وبنهم حوايجك قالتها حدا الباب بعنب تقدر تمدهمها القابلة لانو الحامل على طاولة الولادة قالتها بالحرف والله تنوضي تجيبيهم وحدك يالفحلة منمدش وحالة الاخرى تقطع القلب
اين الرحمة اين الانسانية اين الضمير
كلام فاحش والي تكون رابع ولادة ليها يقولولها من هادي المرة متزيديش توريلنا وجهك باركا عليك
نزعت الرحمة من مهنة الرحمة

ناصف الورداني · 2014-09-03, 23:58

حسبي الله و نعم الوكيل

sarah1424 · 2014-09-04, 00:02

حسبنا الله ونعم الوكيل

mouloudfan · 2014-09-04, 10:08

لا حول ولا قوة إلا بالله ، حسبونا الله ونعم الوكيل ، والله كاين بنات مربيات حابين الخدمة هذي محبوش يدخلهم ويدخلوا فصاحب التمسخير

sarah1424 · 2014-09-04, 10:11

اقتباس:

المشاركة الأصلية كتبت بواسطة mouloudfan

لا حول ولا قوة إلا بالله ، حسبونا الله ونعم الوكيل ، والله كاين بنات مربيات حابين الخدمة هذي محبوش يدخلهم ويدخلوا فصاحب التمسخير

صح كلامك اخي
حسبنا الله ونعم الوكيل

Majrouha · 2014-09-04, 20:46

Ya okhti hasbya alahou W ni3ma lwakil fi mqablat,ila man rahima rabi ,,,ana ki rah nzayd bni 1,,,,3jours wana ntmarmad 3andhoum,besif lgit m3rifa bah zaydouni,hasbya alahou W ni3ma lwakil

مـــاهـــر · 2014-09-04, 23:58

ربي يرحمو ويوسع علييييييييييه

mounia 85 · 2014-09-05, 05:23

صح عندك حق اخي راني جربت وشفت لعجب منهم وماشي غير السبان كاين حتى اللي يضربوهم حسبي الله ونعم الوكيل انا وحدة من الناس مانسامحهمش

loufa · 2014-09-05, 07:58

عنوان مناسب حقا لموضوعك
لا حول ولا قوة الا بالله
النظافة شبه معدومة والمستوى منحط واين المسؤولين من كل هذا مادام الضمير منعدم
تاثرت كثيرا لقصة قريبتك وحالات اخرى تشبهها واكثر
لو جيت انا المسؤولة عليهم نجبد كلاش ونتيري عليهم كامل بدون رحمة لانهم اصلا ميعرفوش الرحمة
شكرا

sarah1424 · 2014-09-05, 22:52

اقتباس:

المشاركة الأصلية كتبت بواسطة loufa

عنوان مناسب حقا لموضوعك
لا حول ولا قوة الا بالله
النظافة شبه معدومة والمستوى منحط واين المسؤولين من كل هذا مادام الضمير منعدم
تاثرت كثيرا لقصة قريبتك وحالات اخرى تشبهها واكثر
لو جيت انا المسؤولة عليهم نجبد كلاش ونتيري عليهم كامل بدون رحمة لانهم اصلا ميعرفوش الرحمة
شكرا

يا اختي الي يحير الي عندها المعريفة يتهلاو فيها مصلحة الولادة لخدمة كل النساء الحوامل خدمة عامة يا ربي سيدي حتى هده فيها معريفة
الي عندها معريفة تتعامل مليح والي معندهاش يحقروها
لا حول ولا قوة الا بالله

sarah1424 · 2014-09-05, 22:54

اقتباس:

المشاركة الأصلية كتبت بواسطة mounia 85

صح عندك حق اخي راني جربت وشفت لعجب منهم وماشي غير السبان كاين حتى اللي يضربوهم حسبي الله ونعم الوكيل انا وحدة من الناس مانسامحهمش

هدي مشكلة كل الحوامل امي انجبتني قبل 23 سنة تحكيلي نفس الوضعية ونفس المعاملة
يعني مشكلة قديمة ومعندهاش حل لليوم يجب ان نجد حل لحماية الحوامل من اهانات القابلات

" أبو عبود" · 2014-09-05, 23:45

للاسف نقص المطرق. لو ان كل امراة تتعرض لمثل هذا تستدعي صديقاتها ويحكمو القابلة في الطريق يعطوها طريحة يربوها يا تخدم يا تبطل.
الدلوةو ولات عاجزة تماما عن انها تفك الشعب.

mounia 85 · 2014-09-06, 02:24

اقتباس:

المشاركة الأصلية كتبت بواسطة sarah1424

هدي مشكلة كل الحوامل امي انجبتني قبل 23 سنة تحكيلي نفس الوضعية ونفس المعاملة
يعني مشكلة قديمة ومعندهاش حل لليوم يجب ان نجد حل لحماية الحوامل من اهانات القابلات

والله الكل يشكي منهم مايرحموش خلاص انا السبيطار اللي رحت ليه لاعبينها مدينين تصوري اختراع جديد كي راح راجلي يستفسر على حالتي فالبيرو غطات وجهها وقالتلو حنا مانهدروش مع الرجالة زعمة الحرمة غير فالسبيطار كلي ماراهيش تتعامل مع الرجال خلاص من دارها للسبيطار لي عينها مايشوفوهاش الرجالة تحكم دارها هادي اللخرة تاع القابلات
انا بالنسبة ليا لقيت الحل لانو بعد يومين من العذاب والميزيرية قرر راجلي يديني للبريفي وولدت بعد ساعتين او ثلاثة فقط من وصولي لتما والمعاملة ماشاء الله يعني الا البريفي بالصوارد ياخي القابلات تاع السبيطار تاني خالصين ماهمش دايرين فالناس مزية والله نخسر زوج ملاين ونص ونربح كرامتي خير من التمرميد والرخس من ناس يخافوش ربي وكاين موقف بقا في بالي وماقدرتش ننساه هو كانت وحدة تولد تما ومن السطر حكمت في قابلة قالتلها القابلة ماتمسينيس راكي ناجسة مع انها نافسة وعند ربي لوكان تموت نافسة ديراكت للجنة ....منبعد كي ولدت مات ابنها وبعد مدة جابولها تشوفوا وهو ميت هاديك المرا تبكي على بنها وهوما يشايخو عند راسها ويضحكوا سي فري راحت الرحمة من قلوبهم هادوك يومين شفت لعجب ولوكان نحكي كلش مانخلصش ..الفايدة يحيا البريفي وانا بربي ان شاء الله مايزيدوش يشوفوا وجهي تما ... والله لا يربح كل قابلة دارت الشر في مرا

kati83 · 2014-09-06, 02:56

حسبنا الله ونعم الوكيل عندك الحق يحيا لبريفى