اضحك.. خلي سنيك يبانو

[-asma-]

اضحك...

والله يا جماعة النكت تاعنا تبهديلة توافقوني الرأي ولا لا ؟

والدليل

.

..

.

.

.

.

.

.

.

.

شوفو هاذي النكتة مثلا :

واحد وسمو مبروك.. عندو جارتو قرعاجية بزاف وسمها فريدة يكرها للدم خطرة شرى كبش.. كي طلعو من الباطيمة شافتو من البالكون. خرجت للسقيفة قالتلو ".. مبروك الكبش".. جاوبها "فريدة البقرة" عندبالوا عايراتو

*** ما فهمتش شكون قرعاجي فريدة ولا مبروك باين بلي هو قرعاجي أكثر منها

وهاذي النكتة:

شاب واقف طول السهرة يراقب فتاة جميلة وهي تنتظر مبادرته.. وفجأة تقدم منها وقال لها. هل سترقصين؟

أجابت بخجل جديد: نعم..

قاللها: "أيا أنتيك باش ندي الكرسي".

*** بهدلتونا يعني الرومانسية انعدمت في المجتمع الجزائري، كلهم يجريو وراء مصلحتهم ههههههههه

العائلة الجزائرية في السيارة خارجين يحوسو "حنان أدناي شوي باش تقعد نوال قدامك. أنيس أطلع لوور.. ابراهيم خلي طارق يقعد في حجرك واذا شفت البوليس هبطلو راسو "

*** ياخي تفهمونا هاذي تاكسي ولا بيس مي اللي أنا سير منها بلي هاذي الطاكسي ماراهيش كيوكيو ههههههههههههه

واحد مزطول خدمتلوا.. قالهم: ياك من الجزائر للأغواط 400 كم ومن الأغواط للجزائر 400 كم

علاش من الأحد للخميس 5 أيام ومن الخميس للأحد يومين

*** وهذا دليل على أن الشوماج مسكين ديما هو اللي يتمسح فيه السكين لأنه هذا المزطول ما زطلش بسبب الشوماج لأنه إذا كان يعاني منه ما كانش حس بالفرق اللي بين الخميس والأحد ومابين الأحد والخميس مساكن عندهم كلها كيف كيف ههههههه

وهاذي واحدة أخرى

واحدة حبت تقص شعرها مي خافت من راجلها راحت قالتلوا راح نقص شعري تضامنا مع مرضى السرطان مساكن (ربي يشفيهم) قاللها: روحي قصي رجليك تضامنا مع المعاقين ماشي خير؟؟؟

حكيتها لبنت خالتي صغيرة قالتلي هاه ومن بعد؟

تخيلو واش قلتلها

.

.

.

.

.

.

.

.

.

.

.

.

.

.

.

راحت دارت كيما قاليها هههههههههههههه تفجعت المسكينة قالتلي هاذي نكتة ولا قصة رعب

الموضوع للفكاهة فقط.. أرجو التفاعل