** شطيطحة كروفات روووووووووووووووعة **

[faizarbh]

رمضان كريم إخواتي الأعزاء
عندي مدة مانيش نبان أعذروني حبيباتي الله غالب رانا نبنو فالدار
مشاغل و تعب
لكن نوعدكم أول ما راح نكملوا راح نولي ان شاء الله كما المعتاد
بالمناسبة الكوزينة بدلناها يعني الكوزينة القديمة كسرناها و دوكا كي تشوفوا وصفاتي تلقاو الكوزينة تغيرت هاديك كوزينتنا الجديدة
المهم ندخل فالوصفة هادي وصفة حبيبتي و أختي و رفيقتي و صديقتي فلة اعطاتلي الوصفة و راني جبتهالكم و ان شاء الله تعجبكم راهي بزااااااااف لذيذة و ساهلة ماهلة و تدي العقل يم يم


المقادير:
المقادير حسب كمية الكروفات
2 حبات طماطم
5 سنينات ثوم كبار
ملح و فلفل و كمون و2 ملاعق كبيرة طماطم مصبرة ، فلفلة حلوة بودر ( التحميرة)
شوية زيت
كروفات مغسولة فقط خلوها بيها براسها البنة فالراس
شوية هريسة و 2 وريقات رند
ماء ساخن
الطريقة:
نقلي الثوم مقطع مع كل المكونات ما عدا الماء و الكروفات
و لما يتقلاو نمرق بالماء الساخن لنصف القدر و لما يغلي نرمي الكروفات و نخليها اطيب حوالي 15 إلى 20 دقيقة ما تديش بزاف طياب و نطفي عليها.
و رايحين نتحصلو على أزكى صلصة و ألذ كروفات مممممممم
ان شاء الله تعجبكم الوصفة و تدعوا لفلة و تدعولي بتيسيير أمرونا
صحا فطوركم
ترقبوا موضوعي القادم * شوربة الكروفات** واش نحكيلكم روووووووووووووووووووعة