طلب من حراير الجلفة

صوفيا2000 · 2014-09-10, 21:42

السلام عليكمن ان شاء الله كامل بخير
من فضلكن اخواتي الي عندها طريقة الدجاج المحمر و محشي بالارر تحطهالي وربي يجز يها كل خير ان شاء الله
هدا النوع من الدجاج اكلت في ولاية الجلفة

بسمة اكرام · 2014-09-10, 21:54

شوفي طريقتي
بعد مانغسل الجاجة ونقطرها /كي تقطر الجاجة نحكها بشوية ملح وفلفل اسود //ونخليها تنشف باش لحم نتاعها يجي بنين
من جهة اخرى نحط حبة بصل +حبة طماطم+راس الحانوت +الملح+المعدنوس +راس ثوم نمكسيهم كامل مع بعض
من جهة اخرى نوجد الروز يكون نصف طايب مع شوية ملح ورقات رند
نحكم الجاجة نمسحها مليح بهذاك الخليط من برا ومن الداخل مليييح ملييح
والروز نزيدو ثاني شوية من هذاك الخليط ونحشي الجاجة ونخيطها
ونحطها في بلا ونغطيها والى الفرن تتحمر
ومن بعد نصف ساعة نطل عليها ومرة مرة نرفع بالمغرف هذاك الصوص الي طلقاتو ونسقي به حتى اطيب
نحي على لغطا ونخليها تتحمر شوية
امممممممممممممممممممممم جوعتني واي سؤال راني في الخدمة

صوفيا2000 · 2014-09-10, 22:01

شكرا جزيلا الك اختي
ربي يعطيك ما تتمناي ان شاء الله

بسمة اكرام · 2014-09-10, 22:17

اقتباس:

المشاركة الأصلية كتبت بواسطة صوفيا2000

شكرا جزيلا الك اختي
ربي يعطيك ما تتمناي ان شاء الله

لا شكر على واجب
ولك بالمثل حنونة

ريتاج تيارتية · 2014-09-10, 22:01

https://www.djelfa.info/vb/showthread.php?t=1317043
https://www.djelfa.info/vb/showthread.php?t=1480683

ريتاج تيارتية · 2014-09-10, 22:02

السلام عليكم ورحمة الله
دجاجة محشية بالروز مع خضر مفورة(مطهية بالبخار)
لادخالها للفرن استعملت اكياس الشواء في الفرن موجودة في الصور
نصيحة باش تجيك بنينة بزاف الدجاجة تبليها قبل بنهار و خليها داخل كيس مع توابلها في الثلاجة
خلطتي السحرية للحصول على هذا اللون هي
نصف حبة بصل +راس ثوم + ملح حسب الرغبة+1 م ص فلفل اسود+2 م ك خل+ 1 م ص بابريكا يعني فلفل احمر مطحون حلو طبعا+ 2 م ك موتارد + عصير نص حبة ليمون + فنجان زيت
حطي كلشي في الميكسور و ارحي
تبلي الدجاجة من الداخل ومن الخارج و احشيها بالرز و خيطيها بخيط خاص بالطبخ موجود في اسواقنا اذا ماكانش استعملي خيط عادي لا باس
حشوة الدجاجة مكونة من ارز مغلى 8 د في ماء+ملح + فلفل اسود+ يصفى من الماء تضاف اليه نصف م ك زبدة و كبد الدجاجة مشوي و مقطع او لحم مفروم مشوي + نص حبة طماطم مقطعة قطع صغيرة+ذرة ملح + ذرة فلفل اسود
قبل وضع الدجاجة في الفرن اضيفي ملعقة ك موتارد و حكيها ب شوية فلفل احمر مطحون راح يلتصق بالدجاجة بسبب وجود الموتارد و هذان المكونان هما اللي يعطيوها اللون المحمر باقي المكونات تعطيها البنة
اذا عندك اكياس الفرن حطي كاس و ربع ماء اولا داخل الكيس و حطي الجاجة بعده داخل الكيس على خاطر لوكان تصبي الماء على الدجاجة يروح الفلفل الاحمر و اغلقي الكيس و ديري في ثقب باش يتنفس و حطيه في الفرن مدة الطهي حسب وزن الدجاجة دجاجة متوسطة تقريبا 1 ساعة

إضغط هنا لرؤية الصورة بحجمها الطبيعي.

ا

صوفيا2000 · 2014-09-10, 22:40

شكرا اختي عالوصفة