السلام عليكم ورحمة الله تعالى وبركاته،
بسم الله الرحمان الرحيم
إخواني الافاضل، بعد المدة الطويلة التي قضيتها هنا بهذا المنتدى الرائع والكريم
وبعدما استفدت كثيرا من الاخوة الافاضل من جميع ربوع الوطن
ها أنا ذا يا إخواني اودعكم وتارككم في رعاية الله وحفظه وذلك بداية من يوم الغد 23/09 الى ثكنة بوسعادة رفقة الاخ joker
وان شاء الله راح نلتقي مع الاخوة belly و badi و elhacene ان شاء الله
وحبيت نركز على بعض النقاط فقط قبل ما نروح لاحظتها في هذا المنتدى
اولا وقبل كل شيء ومن فضلكم ايها الاخوة اللي عندو اي معلومة مهما كانت وفي اي موضوع يخص الخدمة الوطنية ما يبخلش بيها بارك الله فيكم، لان هذه المعلومة التي تقوم انت بتقديمها راح تحل مشاكل الكثيرين وراح تفيدهم وتخليهم يفيدو ناس اخرين وبالتأكيد أجرك لن يضيع عند خالقك يا عزيزي وراح تربح دعاوي الناس
ثم، الناس اللي راهي لحقت 26 و 27 سنة ولم تحرك ساكنا، ما عساي اقول لكم، يا خوتي راهي راحت بكري هذيك تاع 30 سنة تدي الاعفاء نعرف جاري 32 سنة من مواليد 82 عيطولو عادي وراه ماشي لبجاية، لذلك فالأفضل لكم تجريو على عماركم، ففي هذه الدنيا تخطيك من والديك واحد ما راه علابالو بيك والا مجريتش على عمرك واحد ما راح يجريلك، فالافضل لكم تبداو تتحركو من الان مادامها الدعوة سايبة مع القانون الجديد وامتلاء الثكنات في الايام الاولى، والبلاد راهي فرحمة ربي مقارنة ما يحصل في بلاد المسلمين ربي ينصرهم وينصر الحق
وحاجة مؤسفة لاحظتها في هذا المنتدى هي ان بعض الاخوة قبل ما يلتحقوا بالثكنة تلقاهم هنا h24 ثم بعد ذلك وبعد تسوية وضعيته يروح ما يزيدش يرجع !! علاه يا أخي ؟؟ علاه نفسي نفسي ؟؟ على الاقل اتفكر خوتك مرة فالشهر بالتأكيد بعد تسوية وضعيتك بأي طريقة كانت راح تكتسب خبرة وهي ما يحتاجه الناس، ممكن راح تساعدو يلقا ثغرات ويستفاد من اعفاء عادي وقداش من واحد كان هنا وداه عن طريق افادات صالح القسنطيني وامين وياسين ربي يفرحو والقائمة طويلة جدا، ففي النهاية الاعفاء هذا راح يعاون اسر بأكملها، كلنا يحتاجونا والدينا وخوتنا حاجة باينة لاننا في عز شبابنا، والانسان اللي عاش في دار 20 و 25 سنة ثم يغيب فترة من الزمن أكيد راح تتأثر بيه هذيك الأسرة نفسيا وماديا وهذا شيء معلوم، لذلك فالإعفاء من الخدمة الوطنية مليح للناس كامل وبالتالي من فضلكم شاركونا خبراتكم حتى يستفيد كل من هو محتاج0
وختاما، يا خوتي صح عيدكم مسبقا، وما تنساوش نتفكرو بعضانا بدعاوي الغيب
والله يفرج علينا ويفتح علينا كامل
اكيد راح نرجعو ان شاء الله وراح نفيد خوتي بكل المعلومات سواء شهر اكتوبر الجاي ولا في فيفري لا قدر الله lol
ففي النهاية كلش يفوت وما يبقى في الواد غير لجبال اللي مايتلاقاوش
والسلام عليكم وبالتوفيق للجميع .
( تقرير عن مشاركة سيئة )، و الموجودة أسفل كل مشاركة .
2014-09-22, 15:45
يوم الغد 23.09 ان شاء الله
العرض العادي
