اديني لدارنا"الغضبة"

*سندوسة* · 2014-09-09, 19:52

مما لفت انتباهي ظاهرة اراها مستفزة للزوج وهي المراة التي كلما واجهت مشكلة مع زوجها تقوله اديني لدارنا الكثير من الازواج يعانون من هذه المشكلة
في نظري المراة تستعملها" لوي ذراع الرجل" خاصة اذا كان يحبها

او ربما دلع بنات الزايد من طرف الاهل او الزوج

سؤال موجه لك اخي الرجل هل ترضى بأن تقوم زوجتك بهذا الموقف ؟

وماهي ردت فعلك اذا واجهت هذه المشكلة؟

اما المشكلة الكبرى انها تذهب لبيت اهلها بدون علم زوجها بعد تشاجرهما

كيف تتعامل مع هذا الموقف؟

nasser26 · 2014-09-09, 19:57

أنا مزالني ماشي متزوج مي

منكذبش عليك مع انا شوي مقلق نديها لدارهم وخليها تريح حتى تكره من دارهم ولا تشوف حل

اذا راحت لدارهم بلا متشاورني منقدرش نعرف واش راح ندير مع اني ماشي من النوع المتهور

*رحيق الجوري* · 2014-09-09, 20:12

صدقيني عسولتي والله جامي غضبت في دارنا نتعاركو انا وراجلي ياك قتلك كيطوم اي جيغي وانا نتشنف عليه وعندنا مشاكل كيما ڤاع الناس بصح واحد فينا لا يخرج من لاشومبغ ونباتو متراضيين وفرحانين
حبيت نوالف راجلي حنوني على هدي العادة ولحمدو لله لقيت النتيجة لي حبيت

وحتى كان رحت لدارنا يقولي روحي

ننصح كل متزوجة وخاصة لي راح يتزوجو ديرو كيفي وكونو فحلات الراجل قادرة تجيبيه بالطرق كل الا العنف والجفاء كيراح تبعدي زعما وش يصرا راح تعطيلو لvيد باه يزيد الجفاء وتنقص المشاعر والاحاسييييس وراح يوالف على بعدك ويعود ميحوسش عليك صوا بتتي معاه ولا بعيدة عليه سي كيف كيف

الزواج راهو فن ماهوش على النية

النية ديريها في داركم مع خاوتك اغضبي عليهم بصح في دارك انتي الملكة وانت المسيرة وانتي هي الصح

بدلي جو داكوغ بصح متباتيش بعيدة عليه وش راح نقول ربي يهدي سركم

تقييم الموضوع ممتاز عسولتي مغشي ما شاغ

*سندوسة* · 2014-09-09, 20:27

اقتباس:

المشاركة الأصلية كتبت بواسطة nasser26

أنا مزالني ماشي متزوج مي

منكذبش عليك مع انا شوي مقلق نديها لدارهم وخليها تريح حتى تكره من دارهم ولا تشوف حل

اذا راحت لدارهم بلا متشاورني منقدرش نعرف واش راح ندير مع اني ماشي من النوع المتهور

كاين لي كي تروح لدارهم تعقال وكاين لي تزيد تتبرهش واهلها يسمعو كلام ماشي مليح لزوجها وهكذا تزيد تتعقد الامور

ان شاء الله يكون غير لخير
وبارك الله فيك اخي

ام مهدي 03 · 2014-09-09, 20:27

قوة المراة فى ضعفها امام زوجها. بطبيعة الحال بالنسبة للرجل الذى يقدر المراة او على الاقل الذى يخاف الله فيها
اظن ان اى رجل لايحب هذه الكلمة واذا قالت له خذنى لبيت اهلى سياخذها دون تردد. اما اذا ذهبت لوحدها ........ والله لااشك فى ان يحدث ما لا يحمد عقباه

*سندوسة* · 2014-09-09, 20:30

اقتباس:

المشاركة الأصلية كتبت بواسطة *رحيق الجوري*

صدقيني عسولتي والله جامي غضبت في دارنا نتعاركو انا وراجلي ياك قتلك كيطوم اي جيغي وانا نتشنف عليه وعندنا مشاكل كيما ڤاع الناس بصح واحد فينا لا يخرج من لاشومبغ ونباتو متراضيين وفرحانين
حبيت نوالف راجلي حنوني على هدي العادة ولحمدو لله لقيت النتيجة لي حبيت

وحتى كان رحت لدارنا يقولي روحي

ننصح كل متزوجة وخاصة لي راح يتزوجو ديرو كيفي وكونو فحلات الراجل قادرة تجيبيه بالطرق كل الا العنف والجفاء كيراح تبعدي زعما وش يصرا راح تعطيلو لvيد باه يزيد الجفاء وتنقص المشاعر والاحاسييييس وراح يوالف على بعدك ويعود ميحوسش عليك صوا بتتي معاه ولا بعيدة عليه سي كيف كيف

الزواج راهو فن ماهوش على النية

النية ديريها في داركم مع خاوتك اغضبي عليهم بصح في دارك انتي الملكة وانت المسيرة وانتي هي الصح

بدلي جو داكوغ بصح متباتيش بعيدة عليه وش راح نقول ربي يهدي سركم

تقييم الموضوع ممتاز عسولتي مغشي ما شاغ

بارك الله فيك على النصائح القيمة اختي

ان شاء الله يستفادو من تجربتك

وربي يفرحك ويدوم لهنا مع زوجك

نورتي الموضوع

*سندوسة* · 2014-09-09, 20:32

اقتباس:

المشاركة الأصلية كتبت بواسطة ام مهدي 03

قوة المراة فى ضعفها امام زوجها. بطبيعة الحال بالنسبة للرجل الذى يقدر المراة او على الاقل الذى يخاف الله فيها
اظن ان اى رجل لايحب هذه الكلمة واذا قالت له خذنى لبيت اهلى سياخذها دون تردد. اما اذا ذهبت لوحدها ........ والله لااشك فى ان يحدث ما لا يحمد عقباه

شكرا لك اختي ام مهدي ان شاء الله نحاولو نوعو لبنات باش مايوقعوش في مشاكل مثل هادي

بارك الله فيك

loufa · 2014-09-09, 21:37

السلام عليكم
رغم ان سؤالك موجه للرجال الا ان الموضوع اعجبني واود المشاركة
لا اشارك الراي المراة التي تغضب وتسرع للذهاب لبيت اهلها لانها رايحة تكبر الحكاية وتضخمها
اضف انه انت وزوجك تتصالحو ويبقى بعض العداء بين اهلك وزوجك
لهذا احسن حل انه تبقى في بيتها حتى ينحل المشكل ان شاء الله فلا توجد عائلة تخلو من المشاكل
اما ان تغضب وتذهب عند بيت اهلها بدون علم زوجها فلو كنت رجلا اقول كما ذهبت لوحدها ترجع لوحدها هذا اذا رضيت نرجعها واقصد انها لازم تتهدد شوية وتحكمها الخلعة
اسال الله العظيم ان يسترنا بستره ويهدينا رجالا ونساء
شكرا على الموضوع

*سندوسة* · 2014-09-09, 21:42

اقتباس:

المشاركة الأصلية كتبت بواسطة loufa

السلام عليكم

وعليكم السلام ورحمة الله وبركاته
رغم ان سؤالك موجه للرجال الا ان الموضوع اعجبني واود المشاركة

يشرفني اختي مشاركتك في الموضوع ورائك يهمنا
لا اشارك الراي المراة التي تغضب وتسرع للذهاب لبيت اهلها لانها رايحة تكبر الحكاية وتضخمها

اكيد هكذا راح تفتح ابواب جهنم عليها خاصة اذا كان زوجها من النوع صعيب في شخصيتو وفالتعامل معه
اضف انه انت وزوجك تتصالحو ويبقى بعض العداء بين اهلك وزوجك
لهذا احسن حل انه تبقى في بيتها حتى ينحل المشكل ان شاء الله فلا توجد عائلة تخلو من المشاكل
اما ان تغضب وتذهب عند بيت اهلها بدون علم زوجها فلو كنت رجلا اقول كما ذهبت لوحدها ترجع لوحدها هذا اذا رضيت نرجعها واقصد انها لازم تتهدد شوية وتحكمها الخلعة
اسال الله العظيم ان يسترنا بستره ويهدينا رجالا ونساء
شكرا على الموضوع

اللهم امين ختي
وبارك الله فيك

الألماسة · 2014-09-09, 22:03

السلام عليكم
يا أختي الكريمة راكي طرحتي الموضوع فقط من جانب واحد و هو الزوج
فماذا ان كان سبب الغضبة اهل الزوج مثل حال معضم الغاضبات
من جهتي انا ضد المراة تغضب بسبب شجار مع الزوج لانو شيء بينهم و لازم يحلوه وحدهم
لكن حين لا يستطيع هذا الزوج ان يعطيكي حقك و قيمتك امام اضطهاد الام و الاخوات
هناااااااااااااا
يا اختي الكريمة و عن تجربتي الشخصية
لازم تدخل اهلك و الغضبة باش يعرفوا انو عندك اهل واقفين موراك
لانك انتي تصبري من اجل بيتك و زوجك لكن هم (اقصد هن) يشوفوك خايفة تطلقي و تترماي فداركم
و في هذي الحالة لازم تدخل الاهل و الا ستصابي بانهيار عصبي او حتى سرطان لا سمح الله
تقبلوا مروري

بسمة اكرام · 2014-09-09, 22:06

لسلام عليكم
بارك الله فيك على هذا الموضوع الرائع
انا ياختي راه عندي سنين وسنين متزوجة وعمري ولا مشيت لدارنا غضبانة
مع انو معدناش اولاد
ولكن كي نتخاصمو كل واحد يحكم ركن في الغرفة وبعد دقائق نبداو نضحكو الحمدالله على كل حال
تعرفي لكان ولفتو نمشي لدارنا
ضورك كي ماتو والديا وين نمشي
اسمعو نصيحتي هدي الجملة نتاع الغضبة غير انساوها راهي تجيب العار فقط

*سندوسة* · 2014-09-09, 22:07

اقتباس:

المشاركة الأصلية كتبت بواسطة الألماسة

السلام عليكم
يا أختي الكريمة راكي طرحتي الموضوع فقط من جانب واحد و هو الزوج
فماذا ان كان سبب الغضبة اهل الزوج مثل حال معضم الغاضبات
من جهتي انا ضد المراة تغضب بسبب شجار مع الزوج لانو شيء بينهم و لازم يحلوه وحدهم
لكن حين لا يستطيع هذا الزوج ان يعطيكي حقك و قيمتك امام اضطهاد الام و الاخوات
هناااااااااااااا
يا اختي الكريمة و عن تجربتي الشخصية
لازم تدخل اهلك و الغضبة باش يعرفوا انو عندك اهل واقفين موراك
لانك انتي تصبري من اجل بيتك و زوجك لكن هم (اقصد هن) يشوفوك خايفة تطلقي و تترماي فداركم
و في هذي الحالة لازم تدخل الاهل و الا ستصابي بانهيار عصبي او حتى سرطان لا سمح الله
تقبلوا مروري

وعليكم السلام اختي
ايه كاين امور لي تستدعي تدخل الاهل كيما ذكرتي فالجزء الاخير من الرد نتاعك وانا نوافقك الراي
ولكن موضوعي هو عن النساء لي مايقدروش يتحملوا المسؤولية ويتقلشو بزاف على ازواجهم
شكرا ليك وبارك الله فيك وربي يفرج على كل وحدة تعاني من المشاكل من جهة زوجها واهلو

*سندوسة* · 2014-09-09, 22:23

اقتباس:

المشاركة الأصلية كتبت بواسطة بسمة اكرام

لسلام عليكم
بارك الله فيك على هذا الموضوع الرائع
انا ياختي راه عندي سنين وسنين متزوجة وعمري ولا مشيت لدارنا غضبانة
مع انو معدناش اولاد
ولكن كي نتخاصمو كل واحد يحكم ركن في الغرفة وبعد دقائق نبداو نضحكو الحمدالله على كل حال
تعرفي لكان ولفتو نمشي لدارنا
ضورك كي ماتو والديا وين نمشي
اسمعو نصيحتي هدي الجملة نتاع الغضبة غير انساوها راهي تجيب العار فقط

وعليكم السلام ورحمةالله وبركاته

شكرا ليك اختي
وبارك الله فيك على النصائح
وربي يفرحك ويرزقك بالذرية الصالحة

" أبو عبود" · 2014-09-09, 23:05

هههههههه لي مش مزوجين علاش راهم يدهخول في أرواحهم؟

شخصيا كنت متزوج ومع اني عصبي لا اطاق إلا اني كنت حليما معها فلم اصرخ يوما في وجهها ولم ارفع صوتي وكنت كلما غضبت منها هجرتها فتأتي إلي وترضيني وذات مرة وقع سوء فهم ووجدت نفسي مضطرا لارضائها رغم أنه لم يكن خطئي.
ولكن الانسان في لحظات الغضب يفقد السيطرة على تصرفاته ولتفادي هذا يلزمه التدريب على الصمت وعدم الرد وعدم التصرف. وكل هذا عندما تقنع نفسك أنه لا يزال أمام الف فرصة لكي تأخذ حقك. وعندما تمر الدقائق الأولى تأكد أنك سوف تهدا ويعود كل شيء كما كان.

*رحيق الجوري* · 2014-09-09, 23:16

ابو عبود في ردودك احس انه مازالت لديك مشاعر تجاه زوجتك احساسي يقولي هاكا