اليكم يا رجال المنتدى

* الحلم سكر * · 2014-08-20, 22:26

[b][center][size="5"]السلام عليكم جميعا
قد يكون حمقا مني ان اكتب في هذا الوضع و لكن سأكتب و أسأل الرجال تحديدا ما هو احساسكم الحقيقي لو كانت هذه الزوجة اختكم كما هي اختي

بداية فتاة لم تتجاوز 23 رأها قال نخطب و شرط عدم العمل لكن خدام براتب قليل مي وليد فامليا او هكذا يظهر
ضحت بالعمل و بمنصب مليح و سكنت مع اهلو ....
كانت كل ما تشكي لعائلتنا يقولولها اصبري لمرا ليها دارها و ساعفي و و و و ..... وصلت مرضت نفسيا من الظلم و الحكايات عديدة و للعلم فقط هي كنتهم الوحيدة لي عاشت معهم سنوات اللي قبلها اما تطلقو اما هربو من الدار
زوجها طيب و حنين مي ماعندوش كلمة يقول ايه يكلمهم يبدل رايو

نجيــو للمفيد .... نهار حب يبني قالها شوفي شرطي نشري تراب بجانب اهلي قاتلو رايك و البركة باعت ذهبها و اخذت مبلغ محترم من اهلها و ذهبها يعني محزمة و مقياس و و و و البنات يعرفة
بنات كبرت ولادها و اقسم بالله اللي تبغيها في دارها يقولها ما عنديش وصلت تعمل خياطة و دبرت المال غير باه تدير دارها مثل ما حابة و خدعها مثلا راحو شافو لوازم للدار روحت فرحانه لما راح يجيبهم قالولو لا لا بدلهم و فعلا جابلها اسوء الموجود و بدراهمها

بعد صبر سنوات كبرو ولادو ظلم دون سبب اذا قالولو اضربهم يضربهم اذا قالولو امشي يمشي اقعد يقعد .. أخر مرة عرضوها اعتدت عليها اختو بالشتم و قريب بالضرب تدخل هو و قالها لاختو راكي ظالمة و طلب السماح من زوجته
المشكل ثار جنونهم اول مرة يوقف علنا نع زوجته
بـــقاو يــحرشو فيه و هو يتبدل و يصير عنيف معاها و مع ولادو دون اسباب عرفتها و ساعفاتو لكن صرا لي عمرنا ما توقعناه
جابها لاهلها و قالولو طلقها و نـربولك ولادك هي في حيرة و هو ما لقى ما يحكي اسباب كلها تافهة مي غاضب و يحكي تقول مجنون ما لقى حتى اسباب مقنعة
اهلو طلبو منو الطلاق

هي تصمدت لانو فعلا طيب و حنين و وقفت معاه

هل هاذي نتيجة لكل مرا تصبر مع زوجها ... و اقسم بالله لحكاية مثل ما حكيت و تفاصيلها اسوء
** عاطفة ** وينها العاطفة لي يقلها اصبري معايا برك حتى يفرج ربي و وصلت ناقصة حتى في كرشها و تخبي و تسكت
** مال ** راح مالها و ذهبها في سبيل الدار و في الاخير خرجها منها و اقسم بالله دون اسباب
** صبر ** صبرت و راحت صحتها و عمرها خسارة
اللي فعلا يدور في ذهني ما هو احساس رجل خلا مـرا خسرت عمرها و مالها و حياتها و كلو قولو اصبري معايا حتى يفرج ربي و صبرت و لكن
للعلم فقط هوما عملوها مع 2 نساء خواتهم و طلقوهم بنفس الطريقة و دون اسباب ......

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟ذ

و نوعية اهل زوجها نزيدك ... عندو اخ متوفي عندو الا البنات قالهم انا ما نحتاجش مال الوراثة من ابي وو تنازل عليه و على ثمن بيع منزل كبير كان لوالدهم و كذا طلب منهم نهار اخر ادا متت خلو داري و مالي لبناتي و المفاجأة بعد وفاتو رفضو التنازل لبناتو و كرهو زوجتو الارملة

هو مشكلتو بكل صراحة ما عندوش كلمة و ضعيف الشخصية لدرجة لا توصف ...

و الاحساس اللي يقتل انو كل العائلة كانت رافضة زواجها بسبب ضعف شخصيتو و ما كان حتى سبب اخر و احنا تربينا انو الراجل سيد الموقف و الراجل بكلمتو و هي وافقت و اصرت انو زواجها راح ينجح لانو طيب
تــحدي و في الاخير خسرت التحدي

مناع · 2014-08-20, 22:35

إذا كان صح اللي راك تحكي فيه لأن من المفروض يوجد كلام اخر من طرف الناس هاذوا وهذه الأمور تتطلب سماع جميع الاطراف لا يهم
يا أخي يكريلها ويخرجوا يعيشوا وحدهم هذا هو الحل

* الحلم سكر * · 2014-08-20, 22:41

اقتباس:

المشاركة الأصلية كتبت بواسطة مناع

إذا كان صح اللي راك تحكي فيه لأن من المفروض يوجد كلام اخر من طرف الناس هاذوا وهذه الأمور تتطلب سماع جميع الاطراف لا يهم
يا أخي يكريلها ويخرجوا يعيشوا وحدهم هذا هو الحل

عايشة وحدها بجانبهم و الدار هي لي شرات التراب بل الاكثر نتاعها مالها و دهبها لي بعتو .. اذا حاب الاكثر و نوعية اهل زوجها نزيدك ... عندو اخ متوفي عندو الا البنات قالهم انا ما نحتاجش مال الوراثة من ابي وو تنازل عليه و على ثمن بيع منزل كبير كان لوالدهم و كذا طلب منهم نهار اخر ادا متت خلو داري و مالي لبناتي و المفاجأة بعد وفاتو رفضو التنازل لبناتو و كرهو زوجتو الارملة

هو مشكلتو بكل صراحة ما عندوش كلمة و ضعيف الشخصية لدرجة لا توصف ... ممكن صح المفروض نخمو في حل هي حايرة و برك عن نفسي نخمم في اللي ضحت بيه عمرها و حياتها و و و خسارة فيه

مناع · 2014-08-20, 22:49

لما الأمر راك هكذا والراجل ضعيف الشخصية لهذه الدرجة يا إما تتخلى عن البنت المخلقة وتعاملهم بالمثل وتخرج للعيب وتعمل ارسالية للسيد وكيل الجمهورية بعدم التعرض

Kawthar77 · 2014-08-20, 22:55

لا حولة ولا قوة الا بالله
واش من وقت وصلته وهادوا ميخافوش ربي وعليها بدعاء والصدقة والصلاة ليلا وربي سبحانه يفرج عليها ومتخافيش اختاه الضالم يجي يجي يومه وتبقى تتفرج وتشوف بعينيها وربي رحيم بعباده

* الحلم سكر * · 2014-08-20, 22:58

اقتباس:

المشاركة الأصلية كتبت بواسطة مناع

لما الأمر راك هكذا والراجل ضعيف الشخصية لهذه الدرجة يا إما تتخلى عن البنت المخلقة وتعاملهم بالمثل وتخرج للعيب وتعمل ارسالية للسيد وكيل الجمهورية بعدم التعرض

شكرا لاهتمامك مرة اخرى لكن اولا احنا خاطينا هادي الامور حتى لو يتفارقو راح يكون بالمعروف
و الاهم انو اخذها عند اهلها يعني خرجت و راهم يخمو يطلقوها و اللي يهمني حالة الحيرة لي هيا فيها خايفين تتطور الى مرض و تجي في صحتها لانو هو قادر يرجع ليها قادر يطلق عادي و من غدوة يرجع يبكيلها ارجعـيلي
حسبي الله و نعم الوكيل

مناع · 2014-08-20, 23:01

نقولك حاجة الاخ والله العظيم غدا ان شاء الله راني ذاهب انا والاخ نتاعي عند الشرطة تعرف علاه
لأن زوجته قامت بإيداع شكوى في حقه بالاهمال لعائلي رغم والله العظيم وربي شاهد على اقوالي ان اعمل المستحيل باش يردها لبيت ورغم أنه كل مرة يبعثلها مصروف الابن وانا أخوه كل شهر ندفع في حسابها حوالة واعلمتها بذلك بان في حسابك حوالات وتم استدعائهم من طرف مصالح البريد لكي تأخذ الحوالة امتنعت وقامت بايداع شكوى راسي راه مقلوب مراني فاهم والو
والله العظيم لم يأذها يوما ما لكن مشكلته ضعيف الشخصة مثل زوج أختك ماحب يطلق ماحب يدير حل راني مغبون معاه

مناع · 2014-08-20, 23:02

كاين ولاد الحرام وكاين بنات الحرام وحسبنا الله ونعم الوكيل

مناع · 2014-08-20, 23:05

اقتباس:

المشاركة الأصلية كتبت بواسطة kawthar77

لا حولة ولا قوة الا بالله
واش من وقت وصلته وهادوا ميخافوش ربي وعليها بدعاء والصدقة والصلاة ليلا وربي سبحانه يفرج عليها ومتخافيش اختاه الضالم يجي يجي يومه وتبقى تتفرج وتشوف بعينيها وربي رحيم بعباده

ربي سبحانه في هذه الأمور يمهل ولا يهمل المهم اوقفوا معاها في محنتها وربي يجازيكم خير ويفتح ويفرج عليها بالخير ان شاء الله ربي معاها

قيـــس · 2014-08-20, 23:06

قيل قديما:

" اذا جاءك أحد مفقوء العين يشتكي, فلا تحكم حتى ترى الطرف الثاني, فلربما عيناه الإثنتان مفقوءتان "

أم أحمد عبد الصمد · 2014-08-20, 23:11

ربي يفرج عليها و علينا أمثالها بزاف و أمثاله بزاف شتا دير المرأة برجل ضعيف الشخصية ميقدر يدير والو قدام أهله ، عديم المسؤولية المرأة ما تعيا صابرة و تجي النهار لي تتطرطق
حسبنا الله و نعم الوكيل ، الظلم ظلمات يوم القيامة

مناع · 2014-08-20, 23:11

اقتباس:

المشاركة الأصلية كتبت بواسطة قيـــس

قيل قديما:

" اذا جاءك أحد مفقوء العين يشتكي, فلا تحكم حتى ترى الطرف الثاني, فلربما عيناه الإثنتان مفقوءتان "

نحن نأخذ الواقعة كما هي ونناقشها ونحاول الوصول إبى حل لهذه المشكلة أو لمشكلات مشابهة لعل الطرف الاخر عرض مشكلته في مكان اخر ويلقى الاراء والاقتراحات ومن خلال طريقة سرد الواقعة فانا صدقت والله اعلم

* الحلم سكر * · 2014-08-20, 23:19

اقتباس:

المشاركة الأصلية كتبت بواسطة قيـــس

قيل قديما:

" اذا جاءك أحد مفقوء العين يشتكي, فلا تحكم حتى ترى الطرف الثاني, فلربما عيناه الإثنتان مفقوءتان "

لو لم تكن كما سردتها لما احترت الحيرة التي انا فيها

لا اعتقد اني بالحمق الذي يجعلني اكتب واقعة ناقصة الاحداث و اناقشها معكم

و لو كنت تعرف ردودي لرأيت اني دائما ما اؤيد المرأة التي تتنازل و تتنازل فقط من اجل اسرتها ......و الى هنا وقف القلم

و الله يعلم ان كنت سردتها بما فيها او جملتها كما لا يجب و ما من داع لأفعل على ما اعتقد

قيـــس · 2014-08-20, 23:40

اقتباس:

المشاركة الأصلية كتبت بواسطة pgcd

لو لم تكن كما سردتها لما احترت الحيرة التي انا فيها

لا اعتقد اني بالحمق الذي يجعلني اكتب واقعة ناقصة الاحداث و اناقشها معكم

و لو كنت تعرف ردودي لرأيت اني دائما ما اؤيد المرأة التي تتنازل و تتنازل فقط من اجل اسرتها ......و الى هنا وقف القلم

و الله يعلم ان كنت سردتها بما فيها او جملتها كما لا يجب و ما من داع لأفعل على ما اعتقد

في الكثير من الأحيان تأخذ الانسان عاطفة الاخوة , فيرى النصف الفارغ من الكأس في حين لا ينتبه الى نصفه الملئ.

قيـــس · 2014-08-20, 23:41

اقتباس:

المشاركة الأصلية كتبت بواسطة مناع

نحن نأخذ الواقعة كما هي ونناقشها ونحاول الوصول إبى حل لهذه المشكلة أو لمشكلات مشابهة لعل الطرف الاخر عرض مشكلته في مكان اخر ويلقى الاراء والاقتراحات ومن خلال طريقة سرد الواقعة فانا صدقت والله اعلم

و أتمنى لها أيضا, أن تحد حلا لمشكلتها, كما اتمنى ان يزيل الله البغض و الحقد من كل قلوب المسلمين.