طريقة تخليل الزيتون؟

whiterose88 · 2012-10-14, 12:36

السلام عليكم
ممكن تفيدوني بطريقة تخليل (ترقاد) الزيتون الأخضر من فضلكن وبسرعة

جازاكم الله ألف خير

ام ملاك. · 2012-10-14, 13:04

تفتحيه وتديريه في الما والملح هذي اللي نعرفها وانشالله يفيدوك البنات بطرق جديدة

whiterose88 · 2012-10-14, 13:20

أنا في العادة نفتحهم بالموس وانديرهم في الماء ونقعد نبدل في الماء حتان يروح منهم المرار
ومن بعد ندير الملح والخل والثوم والماء ونغطيهم بورق شجرة الليمون من فوق و نغطيه ونخليه حتان يطيب
أنا كتبت الموضوع لاني كنت حابة نعرف طرق جديدة للتخليل وحابة نتبادلو المعلومات لانه أنا احيانا الزيتون يوليلي أسود

أم ياسين الزهراء · 2012-10-14, 15:30

اولا قطعيه من الجهتين بالموس اي شلطيه وديريه في الماء وبدلي الماء كل يومين ولا حتى كا اسبوع وفي المرة الاخيرة كيتذوقيه وتلقايه تنحاتلو المرارة ارمي الملح في الماء وخليه من 3 الي 4 ايام وفي المرة الاخيرة ديري الماء الملح الخل القارص الثوم الرند الزردية اللفت البسباس فلفل حار اذا تحبي الحار قطعيهم رقاق والزيتون طبعا وغطيه وبعد يومين ولا 3 حلي وذوقي كاشما ناقصو ملح ولا خل وهكلوه بالصحة والهنا

واذا عندك كمية كبيرة تاع الزيتون وخفتي يخمر بعد ما يتنحالو المرارة ديريه في بوادن فيه ما والملح كثري الملح بزاف وخليه راهو يبقى على حالو ونهار تحبي تاكليه فرغيه من الماء هذاك وديريلو الخل وووووو اش قلت

أم سراج الدين · 2012-10-15, 12:03

يعطيك الصحة ام ياسين الزهراء

ام مؤمن · 2012-10-15, 23:52

اقتباس:

المشاركة الأصلية كتبت بواسطة أم ياسين الزهراء

اولا قطعيه من الجهتين بالموس اي شلطيه وديريه في الماء وبدلي الماء كل يومين ولا حتى كا اسبوع وفي المرة الاخيرة كيتذوقيه وتلقايه تنحاتلو المرارة ارمي الملح في الماء وخليه من 3 الي 4 ايام وفي المرة الاخيرة ديري الماء الملح الخل القارص الثوم الرند الزردية اللفت البسباس فلفل حار اذا تحبي الحار قطعيهم رقاق والزيتون طبعا وغطيه وبعد يومين ولا 3 حلي وذوقي كاشما ناقصو ملح ولا خل وهكلوه بالصحة والهنا

واذا عندك كمية كبيرة تاع الزيتون وخفتي يخمر بعد ما يتنحالو المرارة ديريه في بوادن فيه ما والملح كثري الملح بزاف وخليه راهو يبقى على حالو ونهار تحبي تاكليه فرغيه من الماء هذاك وديريلو الخل وووووو اش قلت

يعطيك الصحة القارص تحطيه عصير او طرونشيات و الثوم فصوص او ترحيه و المدة نتاعوا باش يطيب شحال يعني من البداية حى النهاية و بارك الله فيك

أم ياسين الزهراء · 2012-10-16, 11:00

القارص نعصر على حسب الكمية والذوق ومانرميش الحبات اللي عصرتهم نديرهم مع الزيتون والتوم الحبة الكبيرة نقسمها على زوج والصغيرة نخليها والمدة حنونة كيما تحبي المهم بعد 3 ايام او 4 نحل وندوق اللي خاصو نزيدلو واذا حبيتو الهجوم كيما انتاوعي ابداو على بركة الله انا حاجة ماتصبر عندي هههههههههههههههههه وكاش ما ستحقيتي قولي حنونة راهي عندي خبلرة 20 سنة فيه الله يبارك

ام مؤمن · 2012-10-16, 21:13

اقتباس:

المشاركة الأصلية كتبت بواسطة أم ياسين الزهراء

القارص نعصر على حسب الكمية والذوق ومانرميش الحبات اللي عصرتهم نديرهم مع الزيتون والتوم الحبة الكبيرة نقسمها على زوج والصغيرة نخليها والمدة حنونة كيما تحبي المهم بعد 3 ايام او 4 نحل وندوق اللي خاصو نزيدلو واذا حبيتو الهجوم كيما انتاوعي ابداو على بركة الله انا حاجة ماتصبر عندي هههههههههههههههههه وكاش ما ستحقيتي قولي حنونة راهي عندي خبلرة 20 سنة فيه الله يبارك

يعطيك الصحة نهار نديرو نقولك انا شفت مرت سلفي تخليه يطول باش يطيب عشرين يوم او اكثر و تبدلوا الماء مرة على مرة انا الصراحة عمري درتوا نشريوه واجد بصح قلت نجرب نديرو في الدار

jackin · 2012-10-16, 23:55

بارك الله فيك

يعطيك الصحة

fyfy_top216 · 2012-10-19, 14:44

باش يطيب بلخف انا نفلق الحبة بالحجرة هي صح قديمة مي خير من تاع الموس ويطيب بسرعة ونديرولوا الماء والملح والقارص والزعتر والحار هدا مكان

fatma079 · 2012-10-24, 12:37

بارك الله فيكم

ايناس10 · 2012-10-27, 17:35

اذا حبيتي يطيبلك باسرع طريقة اشريلو دوا مصبر الزيتون او يتباع حطي زيتونك في ايناء يسعه وصبي عليه الماء حتى يتغطى وصبي الدوا الي قتلك عليه قارورة للخمسة او 7 كيلو من الزيتون وخلطي بعود مثلا مونش بالي (ذراع المكنسة الخشب) حركي مليييييييح وخليه 24 ساعة من ثم صفيه خلاص من الماء وغيريلو الماء حتى تشوفي لونو معدش مكدر زيديلو الملح وخليه مدة اسبوع ممكن حتى اقل وزيدي صفيه وعاوديلو الماء والملح وبالصحة ليك

راية زينب · 2016-10-22, 12:37

يعطيكم الصحة

samya7 · 2016-10-24, 13:14

شكرا على الافكار