***مادلان اسبانيول *******madeleine espagnole*** جديد من مطبخي

basmala farah · 2013-10-21, 10:29

:m h92:

السلام عليكم و رحمة الله تعالى و بركاته
رني رجعت لكم بعد فترة من الغياب نشاله منزيدش نغيب خلاص
هدي وصفة مادلان اسبانيول حصرية لكم
اليكم الصور في انتظار الوصفة رني نكتب فيها استنونيييييييييي

المقادير هاد المادلان لازم يجي فيه بنة الليمون اكثر
4 بيض + 200 غ سكر عادي + 3 ملاعق عسل + كاس زيت + كاس حليب + عصير الليمون او عطر الليمون
+1 خميرة حلوى +450 غ فرينة

هنا بعد ما خلطت كل المقادير نعمر لكيسات و نحطهم يطيبوطياب عادي بلا ما نخليهم يحمارو مالفوق
و نروح نحضر المورانغ

ناخد 2 بيض بيض + 120غ سكر ناعم نحطهم مع بعض في زلافة على حمام ماري نخلط بالبتار حتى تطلع و تعقد +عير الليمون

هنا لما وجدت المورانغ

نعمر المورانغ في كيس حلواني و نغطي سطح المادلان لي كنا طيبناه من قبل و نرجعه للفرن و على نار قليلة و في الرف الاعلى للفرن

وهنا بعد ما خرجتهم و حشيتهم بالمعجون استعملت الابرة جوتابل نسيت ما صورتتش هدي المرحلة

النصف ما عملتلهش المورانغ زينته بالشكولا

و هادو تاع المورانغ

ملاحظة
كمية المقادير تاع المورانغ قليلة ما تكفيكش تقدري تضاعفي الكمية