|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
من آيل للزوال الى الاخوة الكرام
 |
|
|
أدوات الموضوع | انواع عرض الموضوع |
2014-08-19, 15:46
|
رقم المشاركة : 1 | ||||
|
من آيل للزوال الى الاخوة الكرام
تحية طيبة وبعد ---- ملينا من كذب الوزارة ----
ابقاي على خير يا هذا الدشرة**لي غاشيها غير فلان و فلان راني حالف مانولي ذا المرة**و لو نموت في صحرا عطشان نعشر بر الروم و بلاد الكفرة**و لا نعيشر بر شمايت و الرعيان لحديث تنوفيق و الضحكة صفرة **و الصحبة تحيا و تفنى بالقضيان بلسانو يعطيك قنطار مصرة**و الحيلة متلبدة تحت البيطان بالرشوة تلقاه ماشي للعمرة**و يصلي في البيت في آخر رمضان و يولي بكلاح و عباية صفرة**و يعطيها للزور و كلام البهتان يحلفلك ليمين قداه مرة **و يحلف بالكعبة و يحلف بالقرآن و يحرم البزوز و يحرم لمرا**و غير يصد عليك تلقى كذبو بان أخزيهم يا خالقي في ذا الدشرة**ذا القوم للي حلفها ما فيه امان أبقاي على خير ياهذا الدشرة **للي يحكمها غير الجاهل و الخوان تلقى لي ملو غبار السبورة **للسياسة داخلين بلا سلطان المرفوعة تاليتــها مجرورة**و العطف يوروه غير لفلان و فلان و الفعل المجهول مبني للكسرة**و اسماء الخمسة يديرو ليهم شان
|
||||
|
|
2014-08-19, 15:56
|
رقم المشاركة : 2 | ||||
|
اقتباس:
|
||||
|
|
|
2014-08-19, 16:17
|
رقم المشاركة : 3 | |||
|
يعطيك الصحة يا اخي بارك الله فيك وجزاك كل خير انتظرني لارحل معك فكﻻنا متفقان على نفس الفكرة |
|||
|
|
|
2014-08-19, 16:44
|
رقم المشاركة : 4 | |||
|
بلسانو يعطيك قنطار مصرة**و الحيلة متلبدة تحت البيطان |
|||
|
|
|
2014-08-19, 17:19
|
رقم المشاركة : 5 | |||
|
المنصب ايل للزوال |
|||
|
|
|
2014-08-19, 21:46
|
رقم المشاركة : 9 | ||||
|
اقتباس:
هذا مولاها راح وراه حي في انجلترا ولكن انفاوه بسببها وراح بكري ياحسراه كيما كانت الغربة بحقها الدشــــــرة
أبقـــاي على خيـــر يا هـــــاذ الدشرة **** لــــي غــــاشيهــا غيـــــر فــلان و فلان راني حــالف مــــا نولــــي ذا المـــرة **** و لـو نمـــــوت فــــي صحــــرا عطشان نعشـــر بر الـــــروم و بـــــلاد الكفرة **** و لا نعشــــر بــر الشمـــايت و الرعيان لحديث تنوفيـــق و الضحكــــة صفرة **** و الصحبـــــة تحيــــا و تفنـى بالقضيان بلسانـــو يعطيــك قنطــــار مصــــــرّة **** و الحيلـــــــة متلبـــــدة تحــــت البيطان بالرشــــوة تلقــــاه مــــاشي للعمـــرة **** و يصلــي فـي البيــت في آخـر رمضان و يـــولي بكـــــلاح و عبايــــة صفرة **** و يعطيهـــــا للـــزور و كـــــلام البهتان يحــلفلك ليميـــــن قـــــــــــداه مـــــرّة **** و يحلـــف بالكعبـــــة و يحلـف بالقرآن و يحـــرّم البـــــزول و يحـــــرّم لمـرا **** و غيـــر يصــد عليـك تلقــى كذبــو بان اخزيهـــم يا خالقـــي في هـاذ الدشرة **** ذا القـــوم الــي حــالفهــا مــا فيـه امان أبقـــاي على خيــــر يا هــــاذ الدشرة **** للي يحكمهـــا غيــر الجـــاهل و الخوّان تلقى لـــي فشلوا قبـــــال السبـــــورة **** للسيــــاســـة داخليــــــن بــــــلا سلطان المرفوعـــــــة تـــاليتــها مجـــــرورة **** و العطف يـــوروه غيــــر لفلان و فلان و الفعل المجهول مبنـي علـى الكسرة **** و اسمــاء الخمســة يديـــرو ليهم شان تلقى الميــــر حمـــار و النـــايب بقرة **** و المجلـــس تعبـــان يختـــل فـي تعبان ما تفـــرز أمّـــي على واحــــد يقــــرا **** و لا تفرز صــاحي علـى واحــد سكران كـي هيــــدورا لاصقــا فـي هيــــدورا **** و كي خاين مدسـوس في وسـط الخيان و كـــي لكلاب مدربين علــــى الحقرة **** و يـا ويـــح الــي جــالهم بيـــن النيبان ما يهــــدر ولا اثــــار ليه و لا جـــرة **** و اذا عـــاش يعيــش مبهوت و حيران كي تسمــــع لحديثهـــم عنـــد الهـدرة **** تقــول انت لبطــــال هــاذو و الشجعان ولو تعجنهــــم ما يجــوا في ساق مرا **** و لـو توزنهـــم مـــا يوفــــولك ميزان كي الغـــراب منين يعلى فــي شجــرة **** يحســـب الخلــــق تحتــــو كـــي الذبان أبقــاي علـــى خيــر يــا هـــاذ الدشرة **** الي لاحــت تاريخهـــا في عقــب زمان يا سعـد الــي جــــا مــوظف من بـــرّا **** بلوصـــلا يحضى عزيــز و مــولا شان يدولـــه لفــــراش و يزيـــــدوه مــــرا **** و كل خميس عشاه مشـوي عنــد فلان مـــا يحتاجش لا حليــــب ولا خضــرة **** كلش خـــالص جــاي من عند الرعيان هــذا باهــــز جايب مخــــدة حمــــــرا **** و هـــذا يجري جـــايب قريعـــات دهان وتلقى المشمت غي يوصل في الهدرة **** وتلقي المرعـن غي تجرجــر كالخرفان اخزيهـــم يا خالقــي في هـــاذ الدشرة **** ذا القــــوم الي شانهـــا ما جا كي شان و ارزقهــــم لعجــــاج و معـــاه الغبرا **** و زلط اللــي بدراهمــــو بصــح جيعان اذا راد اللــه مـــــــن هـــــذا المــــــرة **** ما نرجعــــش خـــلاص لبـــلاد البهتان و نقــــول على خيــــر يا هــاذ الحفرة **** و راها ليكـــم يـــا الشمايت و الرعيان ما رانيـــش على الــرجال اهل النعـرة **** اللي كلمتهــــم متلقــــات منيـــــن تبان و ما رانيـــش على البزوزا الّــي تقرا **** و ما رانيـــش علـــى الـي سكنو لكفان و ما رانيـش على الشجرة و الحجـرة **** و ما رانيـــش على الوليـــا و الحيوان مقصــودي رعيــــان ماليهــــم جــرة **** و كي عكســـت الايــــام ولا ليهم شان كــانو مدسوسيـــن في وقــت الكفــرة**** و ياســر منهم كان في صفوف العديان جـاب شهـــادة ودخـــــل في الثـــورة **** و خرج عنـــدو كاميـــو قهـــوا و بلان و لحّـــق ليـــــه حجــــة و زاد مـــــرا **** و اصبح في التـــاريخ يفتـــي بالبرهان و يعـــــود يقــــول بيـــا واش صــــرا **** كــي كـنـّا فالجيــــش أنا و حيـــاة فلان فـــوق حمـــار و لاحقتنـــي طيــــــارة **** و ذاك الشـي و اضربتهـا بين الجنحان و اهجمــت على شـار بعمود و حجرة **** دقدقتـــه و قديــــت فـي جــــــده نيران اخزيهـــم يا خــالقي في هـــاذ الدشرة **** ذا الحركـــى الــي عايشا غير بالبهتان وارحـــم من شـــافو الكحـــلا و المـرّة **** و ماتو شهـــادا على الصـدق و ليمان متعهــم بالحــور فالجنــــة الخضـــــرا **** و اسكنهــــم يا خــــالقي خيـــر الجنان |
||||
|
|
|
2014-08-19, 22:01
|
رقم المشاركة : 12 | ||||
|
اقتباس:
هاك هاك اسمعها https://www.youtube.com/watch?v=DwPvVl5nZx4 |
||||
|
|
|
2014-08-20, 08:36
|
رقم المشاركة : 13 | |||
|
لو بقي في بلده و خدم بلده لكان خيرا له |
|||
|
|
|
2014-08-20, 08:50
|
رقم المشاركة : 14 | ||||
|
اقتباس:
السيد خرجت مرارته من العوج وانت تقول اجر تعليم ولو علم سورة الفاتحة في دولة غير اسلامية كم يكون أجر ذلك ياترى؟ |
||||
|
|
|
2014-08-20, 09:10
|
رقم المشاركة : 15 | ||||
|
اقتباس:
يا ودي بارك الله فيك |
||||
|
|
|
| الكلمات الدلالية (Tags) |
| للسؤال, الاخوة, الكرام |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
