جماعة قصاوني من باكالوريا 2014 بسبب التأخر.ظم في بلادي ؟؟؟

AbdouGentleman · 2014-09-06, 00:33

جماعة قصاوني من باكالوريا 2014 بسبب التأخر.ظم في بلادي ؟؟؟
السلام عليكم أما بعد كيما شفتي العنوان خاوتي أنا سجلت باكالوريا 2014. سهرت عييت بديت نقرا من أوت كنت ندي معدلات لا تقل عن 13 الحمد لله ليس تفاخرا المهم اليوم تالأول جوزتو عادي ووليت فرحان وخدمت مليح ....ولكن اليوم الثاني هو أتعس يوم في حياتي .... ديمياريت مالدار فنفس وقت اليوم الاول وفالطريق ما فهمتش واش صرا تغقت الطريق لانو كان المطر ...كملتهها نمشي وولكن كي لحقت دخلت حاوزووني ماالمركز وتبخرت الاحلام .كل الايام وتلك السهرات جازت قدام عيني فتلك اللحظة ...تأثرت بزاف....اللهم لا ااعتراض لكن الحاجة اللي غاضتني انو حسيت بالظلم وقدمت شكوى ولكن مازال مابان والو ...واش تنصحوني خاوتي راني محطم؟؟؟؟؟

amine60 · 2014-09-06, 02:14

شوف خويا والله غير رني حاسس بيك و لكن ربي يقول و عسى تكرهوا شيئا و هو خير لكم صدق الله العظيم
مالا خويا دير في بالك ربي مايحبلكش الخسارة أنت لمهم ماتخسرش حماسك لهاذ العام و ماتضيعش وقتك بالحسرة و أجبد ونشالله هاذ العام تفرح ميمتك لمهم العام هذا دير بالك على الروطار و أخرج بكري راك تعرف طريق ديالنا كيفاش دايرة تخرج صباح تلحق لعشية .... موفق نشالله

AbdouGentleman · 2014-09-06, 04:08

اقتباس:

المشاركة الأصلية كتبت بواسطة amine60

شوف خويا والله غير رني حاسس بيك و لكن ربي يقول و عسى تكرهوا شيئا و هو خير لكم صدق الله العظيم
مالا خويا دير في بالك ربي مايحبلكش الخسارة أنت لمهم ماتخسرش حماسك لهاذ العام و ماتضيعش وقتك بالحسرة و أجبد ونشالله هاذ العام تفرح ميمتك لمهم العام هذا دير بالك على الروطار و أخرج بكري راك تعرف طريق ديالنا كيفاش دايرة تخرج صباح تلحق لعشية .... موفق نشالله

خويا خرجت بكري بما فيه الكفاية ........لازم نبات تمااا

amine60 · 2014-09-08, 04:41

اقتباس:

المشاركة الأصلية كتبت بواسطة abdougentleman

خويا خرجت بكري بما فيه الكفاية ........لازم نبات تمااا

هههههه عندك الحق خويا الله غالب الطريق كارثة و أنا تاني جوزت هاذ العام و مانجحتش كنت نخرج على 6 تع صباح نلحق 8 بيل من دار البيضاء حتى المدنية ندير 2 سوايع و بالكروسة مشي طرونسبور

حميد.ص · 2014-09-06, 12:45

لا اعتقد انك سوف تجني شيء من الشكاوي

عاود عقب الباك هاذ العام

ربي يوفقك

عبدالرحيم75 · 2014-09-06, 13:03

السلام عليكم
أخي الكريم ما عساني إلا أن أقول لك في مصابك هذا ، الخيرة فيما اختار الله، وعسى أن تكرهوا شيئاً وهو خير لكم
اتق الله في نفسك " ولا تقنطوا من رحمة الله "
أخي الكريم توكل على الله واحتسب أمرك لله واصبر وثابر بإذن الله ستكون من الناجحين في نهاية السنة الدراسية والفائزين بشهادة البكالوريا
واعلم
بأن الصبر مر مذاقه لكن كم هي لذيذة عاقبته
ومن لازم الوسادة فاتته لذة السيادة
وربي يوفق

tahar_baron · 2014-09-06, 20:59

كما قال الاخوة ان شاء الله يعوضك هاد العام و لم تنتهي الحياة اذا ماجبتش الباك اما عن الظلم يا اخي فهم لم يظلموك التاخر عن الامتحان يعني الاقصاء
انت عليك دير حسابك على الاقل بساعة زايدة لان هذه طريق كل يوم كيفاش
ان شاء الله هاد العام تجيبو

* الحلم سكر * · 2014-09-07, 14:12

اخي عندك نصف ساعة تاخر تفوتها ما عندكش الحق تدخل اذا انت وصلت قبل برد قلبك اشكي و كثر من حسبي الله و نعم الوكيل
مي في كل الحالات العام راح خليك اقوى و ابدا من جديد و بالاك ربي سبحانه اخرلك باه يعطيك ما خير ..ثق في الله و ما تستسلمش
كان معنا واحد كان المتوقع انو ينجح نجحنا الكل و قعد مسكين الحسرة هاديك نتذكرها لليوم
العام اللي بعدها نجح و دار تخصص لي حابو و راهو خدام و بمنصب خير منا الكل ما شاء الله
ما تستسلمش العام يجري و عندك العام هذا و ربي يوفقك

AbdouGentleman · 2014-09-08, 15:27

اقتباس:

المشاركة الأصلية كتبت بواسطة pgcd

اخي عندك نصف ساعة تاخر تفوتها ما عندكش الحق تدخل اذا انت وصلت قبل برد قلبك اشكي و كثر من حسبي الله و نعم الوكيل
مي في كل الحالات العام راح خليك اقوى و ابدا من جديد و بالاك ربي سبحانه اخرلك باه يعطيك ما خير ..ثق في الله و ما تستسلمش
كان معنا واحد كان المتوقع انو ينجح نجحنا الكل و قعد مسكين الحسرة هاديك نتذكرها لليوم
العام اللي بعدها نجح و دار تخصص لي حابو و راهو خدام و بمنصب خير منا الكل ما شاء الله
ما تستسلمش العام يجري و عندك العام هذا و ربي يوفقك

أنا مازالني داير فيبالي باللي ظلم....علا خاطر هاذو المسئولين الكلاب يطبقو القانون غير على الزوالي نعرف عيباد دخلو ساعة روطار نورمال بلاد ميكي .......

تبسي زوالي · 2014-09-07, 14:51

الله يصبرك.