عقود استخلاف استفسار هام

[just do it]

السلام عليكم انا نخدم فلانام وهاذ العام بغيت نحوس على كونترا فالتعليم بسح قالولي اذا حكمت كونترا تمشيلك لانام وانا بالاك نخدم شهر ولا شهرين وتروحلي لي طايلة ومكسيمو تخدم عام مع العلم اني نقدر نخدم فلانام وكونترا فنفس الوقت وكاين لي قالي مدفعش وراقي تاع لاسيرونس باه ميبلوكوكش من لانام
ارجو من اصحاب الخبرة افادتنا لاني لا اريد التفريط فلانام من اجل شهر ومن بعد تقعد شوماج

[amine eco]

الاستخلاف مفيهش رقم ضمان اجتماعي تقدري تخدمي فيه بلا ما توقفي عقد لانام
بما ان مدة قصيرة

[just do it]

اين انتم يا اهل الخير

[amine eco]

ههههههه حاب تقولي راني نكذب لي راح يجاوبوك انا مالغين يسقسوني

[just do it]

لالا خويا حاشا لله خسارة عليك تفهم كيما هك انا بغيت نتاكد وكيما قلتلك سمعت كلام بزاف
مي خويا نت قلتلي مدة قصيرة معنتها اذا حكمت عام منقدرش منحبسش و زيد هذيك المدة نقدر نخرج شهادة الخبرة بسك يدومنديو نؤشرة من طرف هيئة الضمان
سمحلي خويا نتا عل الراس والعين والله ماقصدت

[lalib40]

نعم الاستخلاف مافيهش ضمان اجتماعي وماديريش كما درت انا كيلقيت الاستخلاف قالي المدير ديرلي تعهد بعدم الاستفادة من عقد ادماج ... رحت انا نجري حبست الادماج مزية كنت في مؤسسة اقتصادية خدمت عام وبقالي عام ، ضرك راني لا ادماج لا استخلاف ، لا دراهم الاستخلاف

[سلمى_2008]

سلااام اختي انا العام الي فات خدمت عام استخلاف وفي نفس الوقت درت لاداس محبستش حتى وحدة درتهم لزوج عاااااادي وكي رحت درت الاستخلاف سقساني المدير ادا راني مدايرة كونترا ولا لا.صراحة قلتلو مانيش مداير لانو كون يعلم ميمدليش الاستخلاف وعادي درتهم لزوج

[amine eco]

درتي مليح كي قولتيلو لا اختي

[just do it]

شكرا على الافادة للعلم فقط انا ذكر وليس انثى راني كتبها فالمغلومات ويا خويا lalib40 هديك لراني خايف منها تتلق لي فيدك وتحوس تحكم اللي فالغار علابيها راني متردد
وشكرا