تركني بعد انتظاره

مشكلتي · 2014-08-18, 09:22

السلام عليكم

حبيت نحكي ونفرغ واش كاين في قلبي

انا فتاة موظفي في أحد مؤسسات الدولة قبل عام ونصف كاين واحد يخدم معايا عجبتو وقرر

يخطبني لكني رفضت كونو عامل في اطار عقود ما قبل التشغيل

هو قعد يستنى ما حبش يزوج بغيري ومن فترة ترسم وجا للدار و حكى مع الوالد و الوالد سقسى

عليه ولقاه ولد حلال

لكن مشكلتو انو والديه مطلقين وهو باباه سمح فيه كي كان صغير ولما سمع بيه راح يزوج قالو

مانيش راضي عليك و دعوة الشر كون تزوج بخدامة

والآن شكلو بطل مني بعد ما ستنيتو عام ونصف وضيعت العديد من فرص الزواج على خاطرو

انا لي ما فهمتهاش انا واش ذنبي و هو كيفاش يصنت لراجل سمح فيه مع العلم انو بخير عليه

وعندو أولاد من زوجات أخريات وكاتبلهم ارزاق واملاك وهو مسكين عاش حياة الميزيرية

رايو عليا كي ندير نقنعو

انا حياتي ضاعت

البحث هن العلم · 2014-08-20, 20:21

اختي هادا باباه وتانيك لعل هذا الامر فيه خير لك خير من بعد تعيشي في مناوشات و راكي تعرفي حال المطلقين من بعد ولادك يكبرو ويقولو جدنا يحب احفادو لخرين علينا تم ماعنك ماراح جاوبيهم اادعي ربي يرزقك بولد الحلال ان شاء الله

أناييس الربيع · 2014-08-20, 20:22

حبسي الخدمة وين راه المشكل ،مادام ترسم وبخير عليه

وربما الأب رفض الخدامة من اجل مصلحة ولده

طول حياتو عايش بدون أسرة ومن حقو يطمئن ع ابنه

حتى لو تخلى عنه يبقى ولده .

وكلنا نعلم أنو قليل وين توفق العاملة بين بيتها وعملها

فكانت نظرة الأب راحة وسعادة ابنه واذا كنتي ناويتو صح

بطلي الخدمة أحسن

sali-sali · 2014-08-20, 20:44

السلام عليكم

يا اختي هو راه كبير ويعرف ...
اذا يحبك صح وناويك للحلال .. حتى كلام مايأثر فيه

اذا كان عكس ذلك .. راه يحوس على اي سبب للانفصال وخلاص

لوانا حتى وان انتظرته كرامتي لا تسمح لي بان ابحث عنه ان هو تركني

ليندة ياسمين · 2014-08-20, 20:53

اقتباس:

المشاركة الأصلية كتبت بواسطة sali-sali

السلام عليكم
يا اختي هو راه كبير ويعرف ...
اذا يحبك صح وناويك للحلال .. حتى كلام مايأثر فيه

اذا كان عكس ذلك .. راه يحوس على اي سبب للانفصال وخلاص

لوانا حتى وان انتظرته كرامتي لا تسمح لي بان ابحث عنه ان هو تركني

في هدي مافيهاش كبير ويعرف
ما لازمش حنا النساء نشوفو مصلحتنا فقط والراتب الشهري ...
وهي علاش ماقبلتش بيه لما كان في ( عقود ماقبل التشغيل ) ؟؟؟؟
حتى باباه من حقو يشوف مصلحة ابنو ومايرميهش هكدا فقط

امينة النايلية · 2014-08-21, 19:11

اقتباس:

المشاركة الأصلية كتبت بواسطة ليندة ياسمين

في هدي مافيهاش كبير ويعرف
ما لازمش حنا النساء نشوفو مصلحتنا فقط والراتب الشهري ...
وهي علاش ماقبلتش بيه لما كان في ( عقود ماقبل التشغيل ) ؟؟؟؟
حتى باباه من حقو يشوف مصلحة ابنو ومايرميهش هكدا فقط

ههههه وقيلة حسيتي بيه .

لوكان هو والله مايعذرك مايدافع عليك

غير يشوف فيك حاجة ولا يسمع من عندك كلمة

يرميك في سلة المهملات وتولي في نظرو غير صالحة للاستعمال

فيقي لروحك

السي محمد · 2014-08-20, 20:49

العلاقة بينه و بين امه و ابيه شيء

و العلاقة بينك و بينه شيء آخر

و لا يمكن الخلط بينهما أبدًا

==========

الحل انك تحبسي الخدمة

مادام خطيبك خدام و مترسم و الحمد لله

ليندة ياسمين · 2014-08-20, 20:50

وانت علاش ماقبلتيش بيه لما كان ( في عقود ماقبل التشغيل ) ؟؟؟ لما طلبب يخطبك ؟؟
( ام كان فقيرا يومها يخلص 600 الف ) ؟
ماقبلتيش بيه لانك كنت تشوفي مصلحتك وماترميش روحك هكداك
( وهدا من حقك طبعاااا )

ادا
حتى باباه من حقو يشوف مصلحة وليدو

ممكن باباه يسمع عن فضائح العاملات داخل المؤسسات لهدا حدر ابنه من الزواج من موظفة ,,
الرجال لما يقعدو في المقاهي مثلا يسمعو بزاف كلام وحكايات
واكيد 100% هدا هو السبب حسب

اتكلمي مع لي راح يخطبك عن السبب

انا ولله مانقدر نعاونك
الان الامر بيدك وانت سيدة قرارك
تبطلي الخدمة وتتزوجي بيه ولا ماتبطليش الخدمة وماتتزوجيش
شوف لي يخرج عليك واستشيري امك

bellaluna · 2014-08-21, 00:27

اقتباس:

المشاركة الأصلية كتبت بواسطة ليندة ياسمين

وانت علاش ماقبلتيش بيه لما كان ( في عقود ماقبل التشغيل ) ؟؟؟ لما طلبب يخطبك ؟؟
( ام كان فقيرا يومها يخلص 600 الف ) ؟
ماقبلتيش بيه لانك كنت تشوفي مصلحتك وماترميش روحك هكداك
( وهدا من حقك طبعاااا )

ادا
حتى باباه من حقو يشوف مصلحة وليدو

ممكن باباه يسمع عن فضائح العاملات داخل المؤسسات لهدا حدر ابنه من الزواج من موظفة ,,
الرجال لما يقعدو في المقاهي مثلا يسمعو بزاف كلام وحكايات
واكيد 100% هدا هو السبب حسب

اتكلمي مع لي راح يخطبك عن السبب

انا ولله مانقدر نعاونك
الان الامر بيدك وانت سيدة قرارك
تبطلي الخدمة وتتزوجي بيه ولا ماتبطليش الخدمة وماتتزوجيش
شوف لي يخرج عليك واستشيري امك

قال رسول الله صلى الله عليه وسلم: من كان يؤمن بالله واليوم الآخر ، فليقل خيرا أو ليصمت.

ليندة ياسمين · 2014-08-21, 07:25

اقتباس:

المشاركة الأصلية كتبت بواسطة bellaluna

قال رسول الله صلى الله عليه وسلم: من كان يؤمن بالله واليوم الآخر ، فليقل خيرا أو ليصمت.

احاديث رسول الله تختارون منها الا التي تعجبكم وتخرج عليكم
حتى انا موظفة ,لكن هدا لا يعني ان اضع ردود ( الي تعجبني فقط )

حتى الله والرسول تكلمو على الاختلاط ,لو تريدين ساضع لك احاديث

قال صلى الله عليه وسلم :
( لا يخلون رجل بامرأة إلا ومعها ذو محرم ).

وعلاش مانصارحوش بعضانا أحسن ؟
ليست جيدة سياسة الهروب للامام
بل ستزيد الطين بلة ,,,

samy algerien · 2014-08-20, 23:26

يمكن انه لديه عقدة نفسية اتجاه ابيه ولديه نقص في علاقته مع والده لذلك لا يستطيع رفض هذا الطلب الذي ليس له معنى ليسد هذا النقص .
وكما قلتي هو يعمل معك وهو ليس لديه مشكلة في عملك وهو يعرف كل شيئ عن طبيعة عملك فهو الذي يقرر ليس ابيه .

عبد الله 22 · 2014-08-21, 08:02

لو كان أرد ترك لفعلها بما أنك رفضته من قبل لأن الحجة الرفض جارحة نوعا ما إلا انه تقدم من جديد، دليل على انه متمسك بك

kramnik · 2014-08-21, 08:11

لماذا لم تقبلي بلرجل لما كان يعمل بالعقود ؟
و الان لما ترسم تقبلى به ؟
اظن ان المشكل فيك انتى إذا كنت تحبين الرجل فتزوجيه و تخلي عن عملك

هدا رايي
لاتنسي الإستخاراة

fatah0099 · 2014-08-21, 10:49

اصعب موقف ان الانسان يكون بين الانسانة لي متمني يعيش معاها وبين والديه...نظن اذا راكي متأكدة من نيتو تجاهك ومازالو حاب يكون معاك..لازم تتنازلي شوي ..اما تستقيلي نهائيا..او تطلبي عطلة مفتوحة بدون راتب..وبعد الزواج بالاك والديه يغيرو رايهم تجاهك...والله المستعان...

wafwaf8471 · 2014-08-21, 11:14

lokane yhibik mayfaritch fik ghir nahih mine balik wmatzidich tfakri fih parceke tt simplement mayistahilch