كـــؤوس الرافاييلو تحلية باهية

[ladymillion]

السلام عليكم جميعا

بسم الله الرحمن الرحيم وبه نستعين


زدت جبت معايا تحلية كؤوس بالرافاييلو ،، كريمة + قوفريط + لوز + نواد كوكو + حبات رافاييلو /// والكريمة تقريبا بذوق الرافاييلو بصراحة درتها من راسي ماجبتها من حتى مصدر اليكن الوصفة


بسم الله :



ماصورتش من الاول نسيت اسمحولي لكن سهلة من خلال المكونات


نحتاج ~~


قوفريط ذوق فاني

كمية قليلة لوز محمص مجروش

4 م ك نيسلي غير مطبوخ
2 علب ياؤورت ذوق جوز الهند (استعملت ياؤورت ممزوج)
كأس حليب بارد + 6 م ك غبرة شانتيي (مخفوقين )
2 علب من Petit suisse
بصراحة راني عدلت الوصفة الآن مادرتش petit suisse مع الاول ونقصت في كمية النيسلي والشانتيي لأن جانتي حلوة بزاف وهكذا مع هاذ المكونات تجي أحسن وان شاء الله لي تجربها تعجبها





للتزيين ~

حبات رافاييلو ( ليس ضروري)
جوز الهند للتزيين من فوق


نخدم الكريمة التالية ~~

نطلع الشانتي مليح + نيسلي + ياؤورت + Petit suisse ونخفق قليلا بالباتوغ وتكون جاهزة

نحط شوي كريمة في الكؤوس ونزيد فوقريط مقطع قطع صغيرة شوي ولوز مجروش ونزيد الكريمة وبعد القوفريط واللوز وهكذا
ومن فوق نذرذر جوز الهند ونحط الرافاييلو
نخليه يبرد على الاقل 4 ساعات ويقدم بارد
ذوقها ونكهاتها روووعة وكريمة حريرية وملساء ممممم ان شاء الله تعجبكم حبيباتي






دمتم في حفظ الرحمن
سلامي ولي ماديرش رد مانتفاهمش معاها