ادخلوا يا الفحلات

[polyma]

رجاء منكم يا الفحلات تعاونوني حبيت نخيط كوفرولي
حبيت نلصقلو الاورجانزا بليز البنات لي يعرف يورولي الطريقة بالتفصيل تعيشوا راني حطيت الصور باش نمدلكم فكرة على مطلوبي تعيشوا ما تخيبونيش

[جيجلية]

هايل

نتمنى الخياطات يعاونوك

[polyma]

المشاركة الأصلية كتبت بواسطة جيجلية

هايل

نتمنى الخياطات يعاونوك

ان شاء الله

[rosa sd]

السلام عليكم ورحمة الله
تاكدي رايح يديلك قماش اورغونزا بزاف ,لخاطر تقطيع الشرائط رايح يكون على شكل حلزوني في القماش باش يكون طول حافة الشريط الداخلية اصغر من طول حافة الشريط الخارجية لذلك قلتلك شكل حلزوني
حافة الشريط الداخلية هي اللي ديري فيها التشكشيك وتتخيط في couvre lit والحافة الخارجية باش تعطيلك هذاك الشكل تستعملي السبيب الخشين تاع الصيادة راهو يتباع عند لوازم الخياطة.طريقة استعملوه سهلة حطي السبيب على الحافة وخيطي بزقزاق تاع الماشينةيعني السبيب يجي لداخل ,واما بماشنة السرفلة مع الحذر حتى لا ينقطع السبيب
ان شاء الله تكوني فهمتي عليا بالتوفيق

[fadilasor]

تقصي الاورغونزا شرائط طويلة انا موالفة نقصها 40 سنتم واحيانا 20 سم عرضها وتشري خيط الصنارة او خيط السبيب يدير 90دج للباكي تخيطيه على الطرف على شكل زيغزاق هو وحدو يتشكل بشكل حلزوني وتخيطي الشريط هداك تخيطيه على طرف الكوفرولي وانتي واش حابة تحطي طبقات

[rosa sd]

المشاركة الأصلية كتبت بواسطة fadilasor

تقصي الاورغونزا شرائط طويلة انا موالفة نقصها 40 سنتم واحيانا 20 سم عرضها وتشري خيط الصنارة او خيط السبيب يدير 90دج للباكي تخيطيه على الطرف على شكل زيغزاق هو وحدو يتشكل بشكل حلزوني وتخيطي الشريط هداك تخيطيه على طرف الكوفرولي وانتي واش حابة تحطي طبقات

نعم نقصد الاورغونزا ,انا في الاول كنت نستعمل طريقتك اي نقصها شرائط طوليا على القماش صح يخرج الشكل ’لكن لما اصبحت اقص الشرائط بالشكل الحلزوني اصبح الشكل احلى ويبان عمل احترافي

[polyma]

المشاركة الأصلية كتبت بواسطة rosa sd

السلام عليكم ورحمة الله
تاكدي رايح يديلك قماش اورغونزا بزاف ,لخاطر تقطيع الشرائط رايح يكون على شكل حلزوني في القماش باش يكون طول حافة الشريط الداخلية اصغر من طول حافة الشريط الخارجية لذلك قلتلك شكل حلزوني
حافة الشريط الداخلية هي اللي ديري فيها التشكشيك وتتخيط في couvre lit والحافة الخارجية باش تعطيلك هذاك الشكل تستعملي السبيب الخشين تاع الصيادة راهو يتباع عند لوازم الخياطة.طريقة استعملوه سهلة حطي السبيب على الحافة وخيطي بزقزاق تاع الماشينةيعني السبيب يجي لداخل ,واما بماشنة السرفلة مع الحذر حتى لا ينقطع السبيب
ان شاء الله تكوني فهمتي عليا بالتوفيق

المشاركة الأصلية كتبت بواسطة fadilasor

تقصي الاورغونزا شرائط طويلة انا موالفة نقصها 40 سنتم واحيانا 20 سم عرضها وتشري خيط الصنارة او خيط السبيب يدير 90دج للباكي تخيطيه على الطرف على شكل زيغزاق هو وحدو يتشكل بشكل حلزوني وتخيطي الشريط هداك تخيطيه على طرف الكوفرولي وانتي واش حابة تحطي طبقات

شكرا كثرا يعطكم الصحة
برح نات جي وتروح كي تقلقت خيطت طول القماش على الطرف بbaie
ودورك قريت بلي نعمل خيط الصنارة ياك معليش