مشكلتي

[مشكلتي]

السلام عليكم ا,,,
انا فتاة ابلغ من العمر 20 سنة طالبة في كلية طب الاسنان وانا التي اخترتها ورغبت فيها مئة بالمئة
ولكن مشكلتي هي اني اعاني من قصر القامة وهذا ما يؤرقني خاصة انني سوف اصبح طبيبة ان شاء الله فاخاف ان يؤثر هذا على مهنتي ,,,,,,حتى الذين من حولي بدِؤوا يشيرون علي بذلك ,,,,,,,
دائما افكر في تغيير الشعبة ولكن عندما افكر انني استخرت الله قبل اقدامي على اختيار طب الاسنان اتريت واستغفر الله ولكن كلام الناس هو ما يسبب لي الاحراج حتى اصبحت اتهرب منهم حتى لا يسألوني عن مجال دراستي ,,,,,
ما الحل من فضلكم ؟؟؟؟

[/زهرة عصفور الجنة/]

اختي ربي يوفقك
ما دمت استخرت الله
فالله سبعينك ان شاء الله
البسي الطالون لي ما يعييش لي يجي متناسق وتطوالي

[محمد1482]

ارضي بقضاء الله و قدره فلكل منا نقائص

[آنثى آلمطر]

ياياختي
هدي ماشي حاجة عيب شحال من ناس قصار وعادي
وتاني انت امراة تقدري تلبسي طالون
ورجل واش يدير


ومديريشعلى هدرة الناس
هدرة الناس طيح في واد

وراكي استخرتي ارضي ارضي بقضاء الله و قدر
وربي يهنيك


سلام عليكم

[samirovich]

مادخل الطول بطب الاسنان؟؟
هل ستصبحين طبيبة اسنان
زرافة ؟؟
بالتوفيق

[إيمـان]

لا حول ولا قوة إلا بالله راكي حابة تغيري الشعبة و اذا غيرتيها تطوالي مثلا؟ يا اختي القصر ماشي عيب عادي خلق الله ارضاي و احمدي ربي + مادامك طبيبة لازم تكون عندك شخصية قوية ماتخليش هدرة الناس تأثر فييك ياو غارو منك يا دكتورة البسي الطالون و هي فرات ربي ينجحك

[الزمان 03]

20 سنة مازل الوقت امام لزيادة الطول عن طريق التمرين رياضية وليس البكاء على ماأنت فيه وفي كل الاحوال قد يكون الطول أيضا مشكلة فحذري

[●|التّوَابٌ إلى الَلّه|●]

نحن في عصر التكنلوجيا كل شيء له حل .. الحلول موجودة دائما باذن الله

[feuilleblanche17]

طب الاسنان لا يحتاج لطول القامة
ياك المريض يفحص على كرسي خاص و منخفض
متقلقيش روحك
تمتعي بدراستك و ربي يكملك على خير

[hope of life]

يا اختي رايحة تبدلي الشعبة علاجال الطول!!!!!!!!بلاك هاذي عين صاباتك على الشعبة بحيث علىجال سبة تافهة تغيري حاجة مليحة.....كملي قرايتك ونجي عندك ان شاء الله تبلومبيلي ضرستي...ههههه ماتخافي ماوالو ولدخالتي كان قصيروالله ضرك ولا الله يبارك قلتلو واش درت قالي التعنقيش.....يعني مثلا يحكم الباب ويدير يديه فالاعلى ويطلق روحو يعني يبقى لاصق غير بيديه....جربي مازالك صغيرة ومازال تزيدي تطوالي....موفقة

[The Architect]

اختي انا لا افهم هل طب الاسنان يعني رياضة كرة السلة مثلا ؟؟؟
احمدي ربي على صحتك هذا مكان و الدنيا ما يدي منها الانسان والو و صدقيني خطيبتي طولها 1.75 ما راهي حابة تكون قصيرة ههههههه و الله الانسان هذا ما يرضاش على نفسو حتى لو كان متكامل كل واحد عندو نقائص مافيها والو البسي طالون اللي ما يديرش الحس و هي فرات + كاين اللي طويلة و شعرها مكشرد و كاين اللي طويلة و سنانها خارجين وووووو الامثلة كثيييييرة لكن الاهم هو الحمد لله هذا مكان

[NAZIHA22]

ماشي عيب ياك

[عواطف8]

ماشي مشكل اختي حاجة نورمال ماعندهاش دخل في قرايتك ,ربي يوفقك وان شاء الله ستكونين دكتوراه ناجحة

[اسيل الجنة]

القصر ماشي عيب
أحمدي ربي ليل و نهار و ما تسمعيش لناس بزااااف

[Hicham Ahmed]

يا اختي الكريمة.. نفرض ان الناس من حوليك يسخروا منك .. ويعايروك .. فيقولوا .. ليك .. ليك ..قصيرة بصح طبيبة.. اما اذا غيرت الشعبة .. يقولوا .. ليك ليك .. قصيرة وزيد تقرا اقتصاد.. - ايهما افضل؟.. ولو ان الافضل هو ما اختاره وقدره المولى عزوجل.. فلا تلتفتي اخيتي لذلك ..فكل شئ خلقه الله بقدر.

على فكرة انا تخصصي اقتصاد.