قصة نجاحي

lina mimicha · 2014-08-07, 12:58

السلام عليكم اخوتي في الله انا طالبة صف لغات اجنبية نجحت في شهادة البكالوريا هذه السنة والحمد لله المهم قررت اعطيكم بعض النصائح التي ساعدتني في النجاح بعد عون الله اولا عليكم حل مواضيع اللغات المبرمجة عليكم بكثرة و كتابة فقرة من المواضيع واعطائها للاستاذ لتصحيحها والحفظ فلابد ان تباشرو من اول درس والرياضيات التي كل طلاب الادبي يعانون معها فانا لم ادرس الرنامج كامل فقط الموافقات والمتتاليات ساهلين بزاف ديت فيها 11 فالباك اما التاريخ والجغرافيا على حسب ماشفت هي لازم تفهمها مليح دوك نمدلكم الطريقة الي كنت نحفض بيها لكن ماتضحكوش عليا هههههه كل وحدة كنت نحفضها من البداية وفي نهايتها نجيب كراس التحضير ونكتبها على شكل قصة قصيرة والشخصيات نكتبهم بلاحمر ونكتب تحتهم معلومات مبسطة بخط رقيق وحقا نفعتني بزاف ديت 15 فيها والجغرافيا ساهلة بزاف عليكم بحفظ عوامل القوة والضعف لكل قوة اقتصادية والتقدم والتخلف اسهل مما تتوقعون واخيرا الفلسفة التي يتخوف الكل منها فانا انصحكم باعداد المقالة قبل ان يدرسها المعلم فبهذا ستفهم الموضوع جيدا وانا كنت نحفظ الفلسفة ولازم من دوك تضربو طلة على المقالات الي مبرمجة للغات مكاش بزاف المقالات 12 ولا برك وكاين المقارنة والجدلية والاستقصاء المهم انا مديتلكم قد مانقدر من معلومات واي استفسار رني هنا ورح نكون معكم عام كمل ورح نبدى نحطلكم الملخصات المقالات ان شاء الله واخيرا اهم نصيحة للنجاح هي ان تثقوا بالله عز وجل واتتيقنوا بان الله لا يضيع تعب احد ربي ينجحكم كمل