لنقرأ قصتك انت

الغريبه..~ · 2013-01-21, 23:20

الســـــــــــــلام عليكم و رحمة الله تعالى و بركاته
كل يوم تقرأ نكتة او قصة طريفة مضحكة تنزع عنك قليلا من تعب اليوم المضني
دعنا من هذا فلنلجا الى المقصود . كل واحد فيكم اكيد مر بمراحل من عمره حتى وصل الى هذا الشخص الذي يجلس اما الحاسب الان
اثناء اللحظات التي عشتها و التي تتذكرها اروي لنا الطريفة منها .
حين يقول لك شخص طرفة عن نفسه تكون مسلية اكثر من نكتة عامة
اكيد كلكم مررتم بمراحل من التعليم تذكر معنا المواقف الطريفة التي حدثت لك او لزميلك المهم تكون من واقعك و في نفس الوقت مضحكة
__________________________________________________ ___________________________
انتهت العربية و بدا فصل الدارجة
لي تفوت من هنا لازم يحط حكاية على روحها و لا على صحابكم و لا فالدار يعني لافامي

ان شاء الله نتفكر مليح و نجي نحكيلكم قصص من عندي

مخصص للبنات فقط

medscd · 2013-01-22, 00:10

والله الموضوع اعجبني وانا مررت بالعديد من القصص لا تعد ولا تحصى

و مرة على مرة اكتب قصة واقعية لي شوي في مواضيعي

وسوف تنفجرين من الضحك وجاري وضع قصة لي

لكن تحتاج موضوه جديد وليس هنا

لانها طويلة نوعا ما

hassain · 2013-01-22, 00:16

دوك ما عندي والو في بالي ,بصح الموضوع بزاف شباب نضرب دورة و نعاود نولي ختي .شكرا

souad1989 · 2013-01-22, 11:12

اقتراح جميل عندي حكايات كثيرة حابة نحكيها لكم

Sirina 1997 · 2013-01-22, 13:42

nahkilkom kima kount f 1 am kouna netghadaw f la contin ( nisf dakhili ) mala kouna fechta kima nkamlou nohorbou ll clayass pusk al bard bara w l mora9bin yjiw yhawsou 3lina wahda wra el birou w wahda rougdat w ghatat roha b les vest wahda wra el bab .... w kanou yedorbouna mais ghodwa n3awdouha . w kayen bezef hkayat netfakarhom w njibelkom ejdid ^^

شهـرزآد · 2013-01-22, 17:41

اقتراح جميل

الغريبه..~ · 2013-01-22, 22:14

اقتباس:

والله الموضوع اعجبني وانا مررت بالعديد من القصص لا تعد ولا تحصى

و مرة على مرة اكتب قصة واقعية لي شوي في مواضيعي

وسوف تنفجرين من الضحك وجاري وضع قصة لي

لكن تحتاج موضوه جديد وليس هنا

لانها طويلة نوعا ما

الحمد لله لي عجبك الموضوع
و رانا نستناو قصصك المضحكة
و قصتك اذا كنت تقصد تاع اللامبا ماشي طويلة كان غير حطيتها هنا
صح منك بالصح زوج مرات تفيبريك التريسيتي من لامبا
فضووولي و زيادة
كشما خلاتلك ذكريات في جلدك و لا غير بقات في مخك

الغريبه..~ · 2013-01-22, 22:17

اقتباس:

دوك ما عندي والو في بالي ,بصح الموضوع بزاف شباب نضرب دورة و نعاود نولي ختي .شكرا

شكرا اختي على طلتك الزينة
و ان شاء الله نشوفو واش تلقاي كي تتفكري
راني نستنى فيك تولي اختي

الغريبه..~ · 2013-01-22, 22:18

اقتباس:

اقتراح جميل عندي حكايات كثيرة حابة نحكيها لكم

و انت الاجمل بردك
ان شاء الله احنا نستناو فيك اختي

الغريبه..~ · 2013-01-22, 22:22

اقتباس:

nahkilkom kima kount f 1 am kouna netghadaw f la contin ( nisf dakhili ) mala kouna fechta kima nkamlou nohorbou ll clayass pusk al bard bara w l mora9bin yjiw yhawsou 3lina wahda wra el birou w wahda rougdat w ghatat roha b les vest wahda wra el bab .... W kanou yedorbouna mais ghodwa n3awdouha . W kayen bezef hkayat netfakarhom w njibelkom ejdid ^^

صح اختي كاين منها يديروها جماعة النصف الداخلي بصح انتم حطمتو الرقم القياسي
احنا يدخولو للكلاسات برك اذا كانو يحوسو يراجعو فالصبورات

بصحتكم الضريبات كيفاش كان يضربكم المراقب بالعصا و لا بالتيو

الغريبه..~ · 2013-01-22, 22:23

اقتباس:

اقتراح جميل

و انت الاجمل انتظرك هنا مرة اخرى ان شاء الله
ننتظر قصتك الممتعة

الغريبه..~ · 2013-01-22, 22:41

من قصصي
مرة كانت اختي رايحة تشري [[ في هاد الصيف برك ]]]
قلتلها استناي نروح معاك .. رحت معاها رانا نمشو و من بعد تبدا اختي تكر فيا قلتلها وش بيك وراتلي واحد المهبول جاي لينا و رافد حديدة و كملت كرها و دخلتني للحانوت تاع مواد غذائية احنا اصلا معولين نشرو لبسة المهم قالها صاحب الحانوت وش تحوسو [[ بيها الخلعة و القفازة في نفس الوقت ]] شافت واحد البورت مونجي شفافة محطوطة قاتلو شحال يدير العسل منا . و تكلاطى مولى الحانوت بالضحك قاللها هاذي هريسة مش عسل
ياه يا اختي الخلعة الهريسة ترجعها عسل

الغريبه..~ · 2013-01-22, 22:48

و قصة اخرى
مرة كانت عندنا حصة عربية في السنة 4 متوسط
الاستاذ يشرح في الدرس و انا مانيش جايبتها فيه مرة نرقد عالطابلة و مرة نتكلم مع صاحبتي
ما فقتش نلقى الشيخ قدامي تخلعت قالي السفرجل نبات يالاوراق و لا بدون اوراق
ههه انا شاطرة قلتلو فيه الاوراق
قالي ياك فيه الاوراق و تعرفي السفرجل مليح و انا بيا الخلعة ما ركتش قاع قتلو ايه
قالهم اذا ما جبتوش الشهادة قاع نورمال الا لي تاكلين عليهم يجيبوها رجعولنا السفرجل نبات و تاني فيه اوراق

medscd · 2013-01-22, 23:33

اقتباس:

المشاركة الأصلية كتبت بواسطة الغريبه..~

الحمد لله لي عجبك الموضوع
و رانا نستناو قصصك المضحكة
و قصتك اذا كنت تقصد تاع اللامبا ماشي طويلة كان غير حطيتها هنا
صح منك بالصح زوج مرات تفيبريك التريسيتي من لامبا
فضووولي و زيادة
كشما خلاتلك ذكريات في جلدك و لا غير بقات في مخك

تاع لامبا وين تبان ما قصص لخرين ههههههههههههههههههههه

هاكي شوفي ذو 2 مواضيع تموتي بالضحك ليا احرزي برك تطيحي من الكورسي من مثرت الضحك ههههههههههه

https://www.djelfa.info/vb/showthread.php?t=1177790

https://www.djelfa.info/vb/showthread.php?t=1193011

في انتظار ردك لي في الموضوعين علما ردودك ديري معاهم شوي لصوص تاع الجاج ههههههههه

rafik70 · 2013-01-23, 06:57

فكرة هايلة
ونكت جميلة
مشكوووووووووووووووووزة